Wanna Eat

Open Now

Now Closed

呢間餐廳係第二次光顧, 第一次2月黎呢度都係因為openrice 呢區排行高黎試一下, 最吸引我黎既係因為睇人哋啲食評啲相見到個拔絲咕嚕肉咁就一次過介紹兩次食過既野, 比吓comment Caesar Salad - 沙律配料唔錯, dressing 都剛好, 可接受藜麥三文魚沙律 - 呢個我鐘意, 可能食材配搭得好黃金雞柳 - 又係至愛既咸蛋王, 炸得好好食, 不過食兩件就有啲飽既感覺拔絲咕嚕肉定食 - 咕嚕肉大大舊, 甜酸度適中既, 有兩個配菜, 雲耳我鐘意食多啲, 跟飯一碗肉眼扒沙律拼薯角 - 都算OK 肉質唔錯帶子明太子意粉 - 推介, 好好食! 個Sauce 好味, 意粉軟硬剛好, yummy紅豆抹茶雪糕窩夫 - 推介因為個窩夫整得好好食, 應該本身個窩夫料好, 配埋啲紅豆及雪糕, 真心好食熱情果冷茶 - 清清哋, 唔太甜, 幾好總額食物水準中上, 環境需然唔係好大, 但可接受! 服務就有啲應該新既員工, 就有啲落錯單情況, 但會更正! 整體唔錯 ! 我兩次都係假期和假期前夕, 都有啲FULL , 所以要去就Booking 定位好啲

喺新蒲崗新戲院睇完戲，搵個地方醫醫肚~呢一個小社區除左一個大型商場外，大部份都以小店居多。今次試下呢間cafe，簡潔木系裝修、小盆栽擺設，好悠閒既感覺～睇睇餐牌，除左西式既牛扒、意粉pizza，仲有紅油抄手、中式定食等。點左《想食。柚子雞》，定食配有2個小食，1個白飯~柚子雞用雞脾肉、柚子蜜炒成~ 味道唔會太甜，比起我最愛既西檸雞來得清新滋潤~小食有柚子凍豆腐、麻辣木耳。定食無包含飲品，但可以半價加點~ 飲品好多款式都好吸引，仲有《富士山》造型，超吸引吖不過就唔係半價系列~我就點咗杯好靚，拉埋花嘅紫薯latte，粉紫色好girly~淡淡紫薯香味，順滑既牛奶口感，營養仲好豐富添!!一個晚餐點少得甜品~來一份紅豆抹茶雪糕窩夫，size唔細。窩夫表面香口，每一小口都放上紅豆蓉、雪糕奶香茶香平衡，仲有粒粒茉莉花茶蒟蒻，口感QQ的~

行完Mikiki見肚餓，就行左去新蒲崗搵嘢食，順便方便食完跟住搭車走。 行過彩虹道，見到一間裝修幾別緻，又好有文青格調嘅餐廳，見價錢唔貴就入咗去食。估唔到喺舊區，都有半開放式廚房設計嘅餐廳。瑪嘉烈手工薄餅手工Pizza當然係即叫即整，等咗大概15分鐘就有。原來瑪嘉烈pizza係芝士pizza，驟眼睇落至少有三款芝士。Pizza嘅邊烤得好香脆，好有口感。而餅底亦都好脆，同topping上嘅幾款芝士好夾。想食。明太子意粉意粉個名有得餐廳個名喺入面，都絕對稱得上係店舖嘅招牌菜。意粉嘅醬汁處理得非常好，明太子嘅份量非常恰當，既唔會蓋過忌廉嘅味，又食到好香濃嘅明太子鮮味。 加上伴碟有成五隻帶子，份量同誠意十足。紅豆抹茶雪糕窩夫 來得Cafe就當然要試窩夫。 即叫即整嘅窩夫非常香脆，食落仲有餘溫同香濃嘅蛋香味。 紅豆蓉當中仲加入左黑糖啫喱，食落非常有口感。富士山特飲見出咗隻期間限定嘅富士山特飲，就即管嗌嚟試下。 一上到枱，都仲未嚟得切影相，d泡就已經開始湧出嚟，非常有趣。唯有飲咗一半，再同番個餐牌合照。泡上面加咗爆炸糖，口感好特別。而波子汽水味嘅梳打亦都好醒神。 雲呢拿朱古力 朋友亦都嗌咗杯熱嘅雲

收工嚟新蒲崗揾朋友食飯，諗住除咗mikiki 工廠區應該冇啖好食，點行行下見到舊藥房隔離有間好別緻嘅西餐廳。好奇心驅使下就決定去試下～入面唔算好大間，但唔會感覺好迫，配上個開放式廚房相反令人覺得好舒服好悠閒。睇咗餐牌發現原來佢唔止有西餐，連中餐都有得食，有紅油抄手同豆腐飯等，真係估佢唔到。只係今日想食西餐多啲就照嗌住西餐先。本身係明太子控嘅我見到明太子一定要試一試！呢個明太子意粉將啲明太子醬同意粉融合得好好，食落有明太子味之餘又唔會太濃令人接受唔到。啲帶子幾大隻，仲要有4粒！食落口感好好唔會太靱。除咗明太子之外都好鐘意食千層麵，呢個爆多肉醬嘅千層麵唔會太乾，加埋芝士真係口感十足，只係內層嘅麵就比較零碎啦～兩個女人又點可以唔食甜品～嗌咗呢個窩夫，有抹茶雪糕、紅豆、黑糖啫喱。雖然大家都係甜，但各自有唔同嘅味道，唔會互相掩蓋，各有特色，窩夫啱啱上碟仲有少少脆嘅質感，真係夠晒新鮮。呢間餐廳雖然冇啲好出眾嘅菜色令人專登會嚟，但係整體嚟講都好好，裝修食物同服務都好唔錯。如果下次再嚟新蒲崗一定會再諗起呢度～