港澳義順牛奶公司

Open Now

Now Closed

在這點了紅豆雙皮奶（$40 一碗）及紅豆燉雞蛋（$32一碗），兩款都是甜了熱吃的。可是在來雙皮奶的時候一點都不熱 在寒冷的天氣 中式甜品還是來得及時 沒有弄熱便呈給客人 能稱讚的就是兩者味道是好的

義順牛奶公司(銅鑼灣駱克道店)地址： 香港島 銅鑼灣駱克道506號(近地鐵站C出口)平時好少嚟呢度食野，有朋友嚟香港就帶佢嚟試下。一入到去基本上臺臺都系遊客，好多人所以都要搭臺，由於系假日，等位等左好耐下，有得搭臺都算唔錯啦。環境方面：餐廳系茶餐廳feel，唔算太乾淨，可能假日人多，覺得都幾嘈下。由於我同fd都想試多個味，所以點左紅豆雙皮奶、朱古力雙皮奶同薑撞奶。紅豆雙皮奶：紅豆夠足料，粒粒飽滿，好有豆香味，奶味濃，口感嫩滑，加左紅豆嘅雙皮奶冇咁清淡，口感好好，但我覺得甜左D，奶味俾紅豆搶左少少，因為我fd鐘意甜D嘅，所以佢就覺得剛剛好。朱古力雙皮奶：朱古力燉奶有點水噠噠甘，最上層有薄薄的朱古力粉，但一D都唔覺得苦，鐘意食朱克力嘅必點，由於我唔系好中意太甜同朱古力味，所以覺得一般，但我fd超中意哩個，佢話甜而不膩。薑撞奶：顏色比雙皮奶偏黃。口感較雙皮奶稀左D，但勝在薑味濃，甜度適中，超鐘意佢嘅薑味，食完都唔見有薑渣，但奶味就寡淡左D，濃返D就好啦，但都算系好正。不過接受唔到姜味嘅朋友就無點哩個啦。我朋友就接受唔到。總體嚟講，我覺得價錢貴左少少，份量少左D，但雙皮奶真系正，都算值啦。