茶餐廳2.0 (Closed)

放工約埋同事一齊去荃灣搵食…行下行下去到愉景新城，見到間似茶餐廳格局，但又乜都有得食既餐廳😄-☆ 石板燒系列 紐西蘭西冷扒 8安士 HKD$98西冷扒大大塊厚身有份量，叫左7成熟唔會血淋淋，生熟程度啱啱好，肉質軟腍有咬口，另外加左10蚊配套餐，有中/西湯揀，仲有杯冷熱飲品，幾抵食👍-☆ 卡邦尼烏冬配日式溫泉蛋 HKD$68由於用石窩上，所以嚟左幾分鐘都仲滾緊，食到尾都仲保持到溫度👍 卡邦尼醬汁超多，每一條烏冬都包住滿滿既醬汁，十分Creamy🤤 好食！-☆ 芝士蕃茄烤大啡菇配什菜沙律 HKD$58喺其他地方食大啡菇，好少中間會夾住蕃茄，哩個配搭好新鮮亦更加健康👍 芝士控對芝士完全不能抗拒，加上大啡菇爆汁唔乾，經過烤焗都仲保持到有肉汁實在十分難得😚😚-☆ 雪糕鮮果雞蛋仔 HKD$58雪糕同雞蛋仔一冷一熱既配搭，口感新穎特別，食完主菜再食個豐富甜品，非常滿足🤗🤗

愉景新城裡面竟然有驚喜，話說當日係商場shopping完畢，準備去停車場取出，行過見到裡面潔淨舒適，餐牌多元化，於是食埋飯先走。叫左個卡邦尼烏冬配日式溫泉蛋 $68，紐西蘭西冷扒 $98，百香果蘇打卡邦尼烏冬配日式溫泉蛋 $68，石鍋上，竟然石鍋上，真係好有心，$68竟然可以滾住上，個烏冬好滑好彈牙，個卡邦尼汁非常香滑，重點推介，不可不試。紐西蘭西冷扒 $98，石板上，竟然石板上，此餐廳真係好厚道，石板比鐵板好好多！熱量保持得耐，熱量源源不斷興住塊扒，而且唔係鐵板濃曬咁，塊扒足足八安士，我覺得分分鐘唔止，好大好厚，又夠淰，真係超正。叫左黑椒汁，紅湯，黑椒汁非常香，係口腔直上鼻腔，紅湯料足，牛味重，鹹酸味平行得好好。百香果蘇打，百香果味香，加上蘇打好爽口，都話這餐廳夠厚道，睇下杯野落左咁多甘香果醬就知道。抵食又好食，一定會再來。

非一般茶餐廳, 呢到係中西甜品都有! 而且MENU仲有純素系列, 岩曬不同需要的朋友~ 有小朋友仲岩, 有兒童餐!香草醬雜菜意粉 - 純素系列, 賣相已經吸引, 有松子, 不同顏色的瓜, 蕃茄仔等等, 香草味道夠濃!紐西蘭西冷扒 - 西冷扒十分大件, 有1寸厚, 石板夠熱, 薯仔亦係新鮮炸的西冷扒有肉味亦唔韌, 十分抵食!!海南雞飯 - 雞肉夠厚多肉, 可惜只有2個醬汁, 油飯亦中規中矩跟餐的中西湯都好足料, 西湯有大量不同的蔬菜, 中湯真係有豬骨!咖啡亦好好飲!最後一定要食埋甜品 - 蘋果金寶雞蛋仔!雞蛋仔香脆, 仲加埋大量的CREAM, 雪糕及蘋果金寶做TOPPING.每一啖都食到脆脆, 食一份都飽曬!餐廳坐得舒服, 大量卡位, 唔錯!