Read full review
2022-08-25
1389 views
某夜睇「孤獨的美食家」見到井之頭食日式成吉思汗烤肉,念念不忘跟住之後都好想搵機會吃。今日約咗家姐行街買嘢之後喺登龍街搵食,俾我上網搵到主打蒙古烤肉的「燒肉酒場」就喺附近。六點多入座率已差不多有八成滿,居酒屋嘅環境氣氛特別熱鬧~特製圓拱形嘅鐵鍋,旁邊放滿椰菜洋蔥香菇,一邊燒烤一邊肉汁便會流落去,令洋蔥椰菜沾滿肉香。先來開胃前菜:椰菜絲沙律🥗提供三種調味,非常講究:甜醬油、鮮檸檬🍋、黑椒洋蔥蔬菜籃用來包着烤肉,付上青瓜絲和生蒜蓉。紫蘇葉味道好出,再加上生蒜,味覺衝擊十分厲害!😄豬頸肉厚切嘅豬頸肉,竟然出現脂肪橫紋,入口油脂勁香,肉質爽口,油脂甘香程度😍一點也不像平時吃的豬頸肉。柚子雞腿肉秘製柚子醬汁醃製雞腿肉,醃得入味有柚子香,雞腿肉厚切,俾啲耐性烤完肉質勁juicy!羊肉大盛 $268(羊柳,羊西冷,羊腿,羊卷肉,羊腩,羊後膝)今晚叫了一份羊肉大盛,提供六款唔同嘅部位😋 比較特別嘅係羊腩,平時通常都係炆煮,放上特製鐵鍋煎熟還是第一次,以為會好韌好難煎得好吃,但估唔到肉質都幾柔嫩,肥瘦相間亦連着皮脂入口特別香,羊肉味道突出但不羶!羊卷肉薄薄的也是酥香嫩口。羊後膝肉質有彈性不難咬開。羊西冷也
六點多入座率已差不多有八成滿,居酒屋嘅環境氣氛特別熱鬧~
蔬菜籃用來包着烤肉,付上青瓜絲和生蒜蓉。
紫蘇葉味道好出,再加上生蒜,味覺衝擊十分厲害!😄
豬頸肉
20 views
0 likes
0 comments
厚切嘅豬頸肉,竟然出現脂肪橫紋,入口油脂勁香,肉質爽口,油脂甘香程度😍一點也不像平時吃的豬頸肉。
秘製柚子醬汁醃製雞腿肉,醃得入味有柚子香,雞腿肉厚切,俾啲耐性烤完肉質勁juicy!
羊肉大盛
24 views
0 likes
0 comments
(羊柳,羊西冷,羊腿,羊卷肉,羊腩,羊後膝)
今晚叫了一份羊肉大盛,提供六款唔同嘅部位😋
比較特別嘅係羊腩,平時通常都係炆煮,放上特製鐵鍋煎熟還是第一次,以為會好韌好難煎得好吃,但估唔到肉質都幾柔嫩,肥瘦相間亦連着皮脂入口特別香,羊肉味道突出但不羶!
羊卷肉薄薄的也是酥香嫩口。
羊後膝肉質有彈性不難咬開。
羊西冷也是比較少吃,肉質比較結實,越嚼越有羊嘅鮮味👍🏻😋
檸檬威士忌梳打
4 views
0 likes
0 comments
檸檬清新,令加咗梳打嘅威士忌更容易入口,配烤羊肉着實不錯!
純種安格斯西冷
7 views
0 likes
0 comments
兩邊快煎一會便可,肉汁豐富,肉味香濃。
非常建議羊肉放在最後先食,即使出名肉味較濃嘅安格斯西冷都敵不過蒙古烤羊肉嘅惹味~😆😄
😍
Post