牧羊少年咖啡館 (K11購物藝術館)

Open Now

Now Closed

今次Lunch 食咩好？🌧️落雨梗係喺商場搵嘢食啦～ 牧羊少年有咁多間分店，試吓尖沙咀K11呢間先啦！近近地地鐵站🚇不過位置比較少，都多人排隊📱自助式落單🌿素食早午餐 $128圖文一致，豐富嘅一個男仔可以食晒成個餐👍🏻食材料鮮甜，原汁原味喇沙鳳尾蝦🦐意大利粉意大利粉有入到味，蝦足料，意大利粉係揀偏幼嗰種例湯幾好味😋今次係蘑菇湯，蘑菇味道好重，鍾意食重口味嘅嘢唔好放過☕️可以加錢飲咖啡，味道都OK

上星期同朋友去牧羊少年咖啡館尖沙咀K11分店食晏，我哋去到咁啱lunchtime，全場滿座要等位。所以我哋先去門口旁邊嘅螢幕㩒制攞位，影低螢幕出現嘅號碼，叫到你嘅號碼時比店員睇之前影低嘅號碼就可以。午市套餐包餐湯同飲品，當日嘅餐湯係蘑菇湯。素食早午餐 Vegetarian brunch ($128)多士係法國核桃杏脯包，烘得香脆，表面甜甜哋。乳酪幾好食，表面放有燕麥脆脆、提子乾、南瓜籽等乾果，乳酪上有蜜糖嘅甜味，我鍾意乳酪唔會好酸。蕃茄煎得好燶。飲品: 白桃烏龍茶 (隨餐附送)京都春日 ($118)英式窩夫 配草莓及Häagen-Dazs 雲呢拿雪糕窩夫蛋味香濃，但質感有少少濕，一切就散。

放咗工同同事即興walk in 🏃🏻‍♀️🏃🏻好彩仲有位，不過就冇晒正常枱，得返高櫈枱，我諗餐廳有一半都係高櫈因為疫情關係，枱同枱中間嘅距離闊落咗好多，中間又用咗啲透明簾分隔，餐廳感覺上闊落咗好多，好似好有文青feel咁，又坐得舒服咗。🌝每份午餐都送餐湯同埋嘢飲，餐湯係每日唔同款嘅，今日送咗煙肉椰菜湯，個味都幾特別，啲椰菜煲到溶晒，好香🙂素食早午餐正常size，如果男仔食可能會有啲唔夠飽。不過勝在個蛋好好食，上邊啲黑松露連埋個包一齊食好正啲薯角又係新鮮即炸嘅，好香好脆