上海姥姥

Open Now

Now Closed

一直都鍾意食上海菜，生煎包、小籠包、鍋貼、擔擔麵都係我至愛。雖然上海姥姥都係連鎖的上海餐廳，但係今次都係睇一次食。因為唔係好肚餓，所以無叫哂鍾意食的野！😔😔😔擔擔麵賣相唔錯，好多肉碎係面，感覺唔錯！👍🏼👍🏼👍🏼 有濃郁的花生醬味，少少辣，麵條軟硬適中，好好食！之前食過另一間連鎖上海餐廳的擔擔麵，湯底好稀又無花生醬味，呢間真係好食好多！🤤🤤🤤我地仲叫左素鵝、蔥油餅同小籠包。全部小菜都上枱熱辣辣，味道不過不失！小籠包皮好薄，但係唔會穿！最重要係呢度小菜的價錢好平，全部都係30幾蚊！食左4樣野，都係$150左右，好抵食！一定會再去！😎😎

今晚同妹妹慶祝生日, 揀左沙田連城廣場的上海姥姥.我地一行7人, 6點就去到, 不過都已經坐滿, 要等廿分鐘先有位🤔 之前試過其他分店, 吾差, 今日試下沙田呢間. 果然, 上海姥姥的食物一如既往, 無咩驚喜, 但又吾差😏 姥姥粗炒 --- 夠味, 吾油, 幾好食👍小籠包 --- 肉嫩多汁, 好好味👍奶油津白 --- 好足奶油, 夠香滑👍黑醋骨 --- 酸酸地, 吾硬, 配埋上面的薑絲一齊食仲正 👌擔擔麪 --- 好香花生, 好味👌生煎包 --- 一般素鵝 --- 有好大進步空間排骨麪 --- 無咩特別 由於價錢吾貴, 我地都吾會太高要求, 家常便飯OK啦🤗

今次係第二次來,上次來黎依度食左擔擔麵, 都唔錯有蝦米肉粒花生辣度亦都夠，唔會只得花生醬，所以今次再來試酸辣湯雲吞，同樣做得唔錯！另外叫咗個素鵝，不過不失吧，不夠脆而且太油。自從新城市冇咗翡X小籠包之後, 老實講想係沙田食上海野都唔知去邊好，開咗呢一間之後總算有個心水了。裝修設計乾淨俐落又有時尚感！題外話，呢度門口負責帶位的好點慢，明明有很多位亦要求客人按飛和等叫入，而且入邊某一位落單員工亦黑面，不知道是否新店試開需時適應？