御石燒 (Closed)

#MC帶你去旺角.最近天氣凍冰冰🥶，真真正正踏入冬天。除咗打邊爐🥘，燒肉都係唔少人嘅選擇🥩，今次介紹就係「石板燒」，比起一般日式或韓式燒肉，石板燒更有儀式感💯。🥢 御燒特級牛小排 $158 （升級+$35 配紫菜味素飯+流心蛋+麵豉湯）牛小排份量好足料，大約有14塊👍🏻。牛肉每件雪花紋理清晰👀，燒一燒就食得。食落肉質細嫩，蘸埋醬汁一齊食，送飯一流😋！ 🥢 御燒豚肉 $88 （升級+$35 配紫菜味素飯+流心蛋+麵豉湯） 豚肉比起牛小排更加大塊、長身啲，真係鋪滿曬成碟😎，大約有13塊豚肉片🐖。肉質肥瘦相稱😍，半紅半白，燒到邊位微脆，蘸埋醬汁一齊食，口感嫩中帶脆，油脂豐富🫧，好滿足！🥢 紫菜味素飯白飯鋪滿紫菜味飯素，食到尾都仲有飯素😜！有紫菜、鰹魚及芝麻味，食落十分惹味開胃，配埋啱啱燒好嘅牛小排或者豚肉，一口接一口咁食，同石板燒肉好夾🥰！🥢 流心蛋雞蛋蛋黃呈流心狀態，雖然食落溫度偏凍，但食落一樣濃稠黏密，口感非常濕潤😳！

依間小店啱啱開業，地方雖然唔係好大，但裝修走日式侘寂風，柔和嘅燈光營造出一份溫馨感，令人感覺非常放鬆同舒適🥰。-💛御燒極上級吉列牛 $118吉列牛每片都厚切，吉列邊位夠香脆，口感十足😎。店家提供嘅牛肉部位幾乎冇筋，咬落勁滿足🤭。而牛肉本身冇太多調味，想要偏甜嘅日式風味，可以沾取一旁嘅濃稠燒汁醬🤤。如果只想提升鮮味，就可以沾取少許鹽，兩種口味一樣好食😋。-💛御燒特級牛小排 $158牛小排薄切，脂肪分佈平均，嫩滑軟身，非常容易入口🤩。個人覺得喺石板上燒至約7-8分熟，口感最好😍。牛小排本身同樣冇太多調味，搭配濃稠燒汁醬或者鹽食，味道更佳😋。-💛升級「紫菜味素飯+流心蛋+麵豉湯」+$35 流心蛋每口帶味醂嘅淡淡酒香，蛋黃呈濕潤嘅膏狀，非常好食😍。麵豉湯調味唔會太鹹，而飯上面就比咗好多紫菜味素😆，兩者配搭可以中和味道，個人覺得依個升級抵加😎。-💛後記之前食過其他石板燒，都因為石板過熱令牛肉好快過熟😞，一唔小心就燒燶咗🥲。但依度嘅石板完全冇上述問題‼️，店員仲會幫手睇住火勢，有得玩之餘係唔會覺得狼狽😚。而且餐廳仲好細心會提供兩對筷子，令客人可以分開夾生肉同熟肉，用心嘅餐廳最抵讚👍。

香港嘅石燒牛店越開越多 可能係因為可以自己落手燒 有得玩又有得食啦🤣 呢晚就嚟咗旺角呢間新開主打石燒牛嘅餐廳 同友人一人叫咗一份套餐🥰御燒特級牛小排牛小排嘅份量都幾多 牛肉嘅脂肪比例嘅均勻 食落口唔會太油膩🥩 又食得到牛肉嘅味道 由於係自己燒嘅關係 可以自己調校牛肉嘅生熟程度到啱自己嘅口味 另外可以點少少照燒醬食 咁樣就會有啲甜味 味道更加豐富😎御燒極上級黑松露吉列牛呢碟吉列牛一上檯就聞到幾香嘅黑松露味😍 吉列牛咬落唔會好膩 肉質柔軟 加埋牛肉外層薄薄炸麵包糠嘅香脆 真係好香口 幾欣賞佢嘅外層 厚薄適中 而且食落口唔會好似個殼咁硬👍🏻升級套餐加$35就可以升級個套餐 入面包括紫菜味素飯 流心蛋同埋麵豉湯🍲 本身唔加都會配白飯 不過加咗就更多豐富啦🥳 特別鍾意佢嘅流心蛋 流心嘅程度煮得啱啱好 配埋個味素飯真係一流😎 麵豉湯就簡簡單單 入面有海帶汽水天氣有啲熱 食烤肉點可以冇汽水🤪 呢度有得叫罐裝汽水🥤除咗汽水 仲有烏龍茶嗌㗎呢間嘅石燒牛好值得推介 如果唔食牛嘅朋友都可以有其他選擇🫢 例如豚肉 吉列豬扒同鰻魚 店員服務殷勤 真係要支持吓呢間高質小店啊🐮