文輝墨魚丸大王

Open Now

Now Closed

文輝墨丸，相信對好多人都唔會陌生！喺正SOGO對面馬路左邊小巷，開到凌晨。嚟過幾次食墨魚丸都覺得真心正！今次又係宵夜時間過嚟，都有十個八個客人，個個都係食緊同一樣嘅嘢：墨魚丸。由於唔係太肚餓，兩個人Order咗一碗紫菜墨三鮮河粉同一個淨墨丸，原來墨三鮮堅正！除左平時食開嘅墨丸，仲有D細細隻墨魚仔，同非常之粗壯嘅墨魚鬚！同樣係極之鮮甜同彈牙。而且呢度D紫菜都OK，配落清湯突顯到紫菜嘅香味！呢個笑臉係值得俾嘅！

N年前吃過, 今次經過銅鑼灣, 見到文輝未有人龍, 但都接近全滿, 1個人的我被安排坐在門口最右面的角落位, 一坐低阿叔就問我要咩, 我當然叫我的至愛 - 紫菜墨三鮮河 啦, 但個價錢已經漲到去$38碗啦~ 不過比起其他出晒名的食店來講, 這裡的加幅已經唔算癲啦~一叫就到, 快到呢~ 只見成碗都係河粉, 同埋有d 紫菜, 但唔見有餸, 原來放左係底, 所以下面張相係我番出來for影相的, 佢碗河粉的份量都幾多, 而且d 料又足, 吃吃下發覺底下的餸仲有好多, 真是越吃越多, 正呀~紫菜墨三鮮河: 有紫菜, 墨魚丸, 墨魚仔, 墨魚鬚, 河粉紫菜: 好香, 好好吃, 份量都唔少墨魚丸: 2大粒, 吃落有d粉, 唔彈牙, but都ok 墨魚仔: 煮得淋身, 大大小小, 有好多只 墨魚鬚: 質地爽口, 唔韌, 吃到鮮味, 呢個正, 都有幾多條 河粉: 好吃, 鍾意佢唔太滑身, 份量又夠多湯底: 清清地, 幾好飲, 同d 餸好夾