韓閣 (新都城中心二期)

Open Now

Now Closed

性價比高既韓式餐廳搵食搵到嚟將軍澳，位於新都城中心入面，假日餐廳既人流都幾多。🍚 牛肉石鍋飯牛肉份量都幾多，食落普普通通，石鍋飯果種感覺唔太強烈，同食普通韓式伴飯差唔多。🍲 韓式醬油燴雞配粉絲雜菜睇相見到菜同肉既比例都幾平均，所以叫嚟試下。蔬菜主要係薯仔同紅蘿蔔，雞肉唔算好滑，不過同粉絲一樣沾滿醬油味，整體不過不失。🥟 上湯泡菜餃估唔到個餃子係咁大件，兩三啖先食得哂，浸左湯所以泡菜既味道唔算好突出，勝在份量夠大，都幾抵食。🫔 紫菜粉絲卷小食加$8就食到，真係好值得嗌。香脆既外皮配埋啖啖粉絲係入面，唔點醬都好好食。🍹 凍奶茶奶味偏重既凍奶茶，不過不失。

之後係荃灣都有食過韓閣 對佢地既印象都好好 又抵食又好味道 今晚我哋就試咗寶琳分店 座位比荃灣多一d 夜晚都幾多人食㗎🤩佢地係scan QR code手機落order 我地首先叫左廚師推介既大韓無骨豬手同埋新推出既玫瑰真露雞翼😆 無骨豬手配左生菜 泡菜 醃蘿蔔 蒜片同秘制豆瓣醬 我哋叫咗例牌 份量都唔少㗎🥳 豬手超級入味 無骨啖啖肉 連豬皮都着到好淋好好食 加埋豆瓣醬同蒜片包生菜食好好食架👅 玫瑰真露雞翼其實係以韓國燒酒真露醃制既醉雞翼 加上玫瑰糖漿 凍食 入口玫瑰味好香 唔算好重酒味 都幾特別 不妨一試🥰我地仲叫左鐵板辣醬雞同韓閣雜錦蛋卷 鐵板辣醬雞仲會送一碗牛骨湯 味道好濃好正 辣醬雞都算幾辣 不過好惹味 用上鐵板食好耐都仲好熱👍🏻 韓閣雜錦蛋卷有芝士 泡菜 蟹籽等食材 好豐富 如果多啲沙律醬就更加好食啦🤓另外 佢哋仲有10幾款小食做緊特價 低至25折😱 我地加左4件紫菜粉絲卷都係$8😱 主食加杯特飲都只要$15 我地加左一杯橙汁菠蘿梳打 都有菠蘿果肉 叫到成枱都係嘢食都係$300左右埋單 超級抵食🌟

新都城新開咗間餐廳食韓國野，而且係黃店！有次夜晚七點幾落去嗰度排隊撳飛，但實在太多人，等到餓死都吃唔到。正當我諗住幾個禮拜後等個人潮散去先黎食嘅時候，發現原來可以喺The Gulu 度撳飛。於是就再次撞彩睇吓食唔食都，幸好八點就有得食。 間鋪都幾細吓，一眼就睇晒。裝修方面就做得幾好 有一種好文青既feel（純粹個人感覺）。座位唔算太細，啱啱好。 野食方面韓國嘢離講呢度都算幾多野食，幾本上up得到嘅嘢呢度都有架啦。特別d嘅嘢就有韓式車仔麵、上湯牛排餃、鮮蝦帶子春卷、韓式粉絲豬肉餃等等。呢度d小食就做緊優惠，最平果樣只要$12！ 一叫完野食後就有waiter送上前菜，味道正常。（p.s.泡菜係我哋自己比錢叫嘅） 🍴牛肉石頭鍋飯（$52）次次去食親韓國嘢都要嗌返個石頭鍋飯。呢個飯賣相都幾吸引，牛肉份量都幾慷慨，試個有d餐廳就咁劈幾條俾你就算。加埋辣醬（要自己叫店員拎俾你）撈埋一齊食都幾好食。碗低仲有d飯焦，好香口同爽脆。 🍴韓式燉牛骨湯拉麵（$92）餐牌寫住係必食之選，但同時係飯麵類之中最貴。牛骨就一般，份量就以$92黎講少。肉質偏硬。個湯就幾好飲，牛骨味都幾濃，但個人覺得遍油