四季文昌 (Closed)

嚴格遵守健康飲食期間的我，許多食物都變成禁忌，特別是生冷寒涼物全部都要禁足，選擇也變得謹慎。但朋友為我慶生特意將餐廳選擇權交由我發板。難度一點也不高，要符合可進食的範圍，又不可怠慢要滿足各方，自然想起食個圍爐的聚餐也不錯！可以開開心心傾傾計又可以令到我個人暖笠笠，我也可以吃到喜歡和可以吃的食物，那大家一定會吃得痛快吧！選擇了一個到訪過的餐廳，因為記起上一次打邊爐的時候試過「四季文昌」的椰子文昌雞鍋真的難忘到至今，所以好想帶我的朋友去嚐嚐這個海南名物椰子雞煲，究竟係會有幾好食！大家約齊在百匯軒地下等候再上去。首先穿過一條瓷磚長樓梯，轉個灣再走到店內，但樓梯上已經見到牆壁掛著大量圖書架，其實用大量書本做裝飾也真的不錯！文青感上升之餘你會覺得好靚好舒服。餐廳入面樓底甚高，我就比較喜歡帶落地玻璃，但今次無緣，安排第二張的卡位座。呢度足足有兩萬呎既空間，裝潢望落似Fustion但門面文青入面又可以同得上摩登懷舊來形容！總之你會喜歡呢一度！同埋呢度比客人等候位置既空間好大，所以等多陣個客人都會容易接受啲！今次餐牌上我完全忘了拍照，因為慶生，開開心心，食野傾計，相機食先又自拍，都忘了，但我相信這不是

上次同男朋友經過呢度見到呢間好似唔錯咁，跟住今日就去左食。離地鐵站大約10分鐘路程，唔算話好近但係都唔算好遠。上到嚟呢度好大好寬敞，坐得都幾舒服。每人都會有一碟海南豉油、沙薑豉油同薑蔥豉油。另外仲會有辣椒、沙薑同青檸比大家自己加入豉油。男朋友話沙薑豉油配文昌雞好好食！<原味椰子文昌雞鍋(半隻)，$128>主角登場，而間店最出名嘅文昌雞。水一滾店員就幫我地倒雞，好好服務。而且每一枱都好貼心咁準備咗一個沙漏計時器，大約7分鐘到就可以食。首先就一定要試左原汁原味既椰子雞湯先！個湯底係用咗兩個椰子+一個椰皇，超級清甜，仲有好香嘅椰子味，我地都一人飲左兩碗先開始食雞。隻雞好滑好好食！<四季牛肉拼盤(手切安格斯牛頸脊、A4和牛肉眼、黑安格斯牛小排、牛舌粒、牛舌長切、牛柳粒)，$358>好鍾意食牛嘅男朋友叫左個牛拼盤，好多唔同款式，每一款都有特式同好有牛味。<竹笙墨魚卷，$88>從來都未食過呢個竹笙墨魚卷，覺得幾得意就叫左黎試吓。但係又估唔到都幾夾幾特別，竹笙好爽口，個墨魚滑好滑好彈牙！正！<紫菜響鈴，$48>而個響鈴入面其實包住紫菜，

誤打誤撞去試呢間，今日餐飯一早約左好耐，點知Book位另一間突然海鮮有問題，所以臨急臨忙改食呢間，去到等左陣有位，坐底好快決定叫套餐5-6人，我地得4個人一定夠食！點知最後食唔曬，真係好飽！整體食物可以，但環境比較嘈雜！

平日我最愛吃麻辣火鍋，可謂無辣不歡🌶調味醬料也要加一大堆生蒜炸蒜香蔥麻醬辣椒等重口味配料，今次一反常態，兩個小女生來個清雅的火鍋約會😉四季文昌主打海南式椰子雞湯火鍋，文昌雞是海南四大名菜，四季，則是形容椰子的百搭本質，既是夏天止渴良伴，又是冬日滋補鍋物的湯底靈魂。店舖面積非常寬敞，樓底高，空間感十足。幾個大型書架、真皮沙發和黑白地板磁磚散發陣陣文青感，充滿玩味，令吃火鍋不再刻板沈悶。我們二人選了 原味海南椰子文昌雞鍋(半隻) $128先將鍋內的新鮮椰子水煮沸，加入文昌雞，配合沙漏計時慢火煮7分鐘。店方細心地準備了沙漏，好讓大家不會錯過吃嫩雞的最佳時機。先嚐一口湯，椰子雞湯味道清甜滋潤，無添加味精，這個椰子雞煲，材料只有椰子湯底、椰子肉及雞件，食材孰好孰壞，高下立見。海南文昌雞出名肉質鮮嫩、雞味濃郁，幼嫩雞肉滲入淡淡的椰子香味，皮薄少油，女生不用怕肥膩，好吃蘸醬方面，四季文昌只提供簡單的幾種配料 - 在秘製豉油內加入沙薑、辣椒、海南野生青金桔拌混，有開胃生津的作用之餘，更能大大提升雞肉的鮮味。 飲過湯嚐過雞，店員會加入蒸餾水防止湯底越滾越酸，接着便是火鍋時間。黑松露鮮蝦福袋造型可愛，以油

趁住重有少少涼嘅感覺 拿拿聲食多兩餐邊爐先今晚又去左四季文昌 嘆佢個椰子雞湯叫左半份原味棷子雞 整得好乾淨當沙漏倒完 就可以開餐lu 先飲碗湯先好清甜 雞肉好嫩滑 椰子越煮越好食食完椰子雞 終於到今晚嘅主角啦-極上和牛拼盤裡要全部都係靚牛 有佐賀A5同澳洲M5和牛牛肩安格斯牛頸脊 加拿大牛舌粒 同埋安格斯牛粒牛肩肉入口牛味好濃 而且好嫩滑牛舌粒煮極都唔會靭 勁好食食左咁多肉 當然要食返啲菜啦 日本溫室豆苗幼嫩又好玩 自己剪 而且好乾淨重有紫菜響鈴 三秒即食 最尾重加左個臘味香芋煲仔飯 勁足料 重有大量飯焦 香噴噴 完全大滿足