夏雪 (Closed)

夏雪，大大話話由堅尼地城開始，已經食左四五年。想當年堅尼地城仲未有咁多甜品糖水舖，搵下搵下見到有間夏雪幾特別，出名在呢甜品大大份，窩夫又夠脆。的確，諗返起堅城果度都係一種回憶，無論係味道定環境。佢後期係大圍開左一間分店，其實當我嚟講仲方便左，而且地方又大左，等位時間又少左，照道理應該好正先係，但係，唔知點解始終欠缺啲嘢，欠缺嘅可能係一種感覺！環境：老老豆豆，環境真係好一般，講衰啲直頭冇乜心機裝修咁，唔係話堅尼地城裝得好靚，但係點睇都多啲心思！食物選擇：由一開始堅城店，佢其實都叫多食物選擇，當然有招牌窩夫，但仲有好多正野例如心太軟，特色飲品，咖啡等等，不過食下食下，發覺食物選擇愈來愈少，以前每種食物都有幾種味，仲有啲配埋新鮮生果，而家以心太軟為例，大圍店只剩下紫薯一種口味。食物：紫薯心太軟：份量都大，原來仲配埋窩夫，難怪價錢去到差唔多成舊水。窩夫唔洗多講，好脆好正，外脆內軟；蜜瓜香甜多汁；不過可惜主角心太軟較膩，紫薯過濃，食到最後比較頂胃！香蕉朱古力麻薯窩夫：呢個甜品都幾有驚喜，窩夫入面有麻薯，食落外脆內煙韌，感覺幾特別，口感好有層次，未試過嘅朋友可以試下！不過講真，呢度冇乜嘢可以選擇，

📸INS: Foood.ninja◾️今次要介紹嘅餐廳係位於大圍嘅夏雪，有提供全日早餐同各式飲料，但係主打仍然係依到嘅窩夫同一系列嘅甜品。Summer Ice is located at Tai Wai, providing all day breakfast and different kinds of beverage. Its waffle and series of desserts remain as its specialists.◽️紫薯心太軟 (Purple Lava) $98整個甜品都紫意滿滿，窩夫內層夾有紫薯，令到味道帶甜且黏口。心太軟嘅流心做得好好，大量紫薯漿傾巢而出，散發著淡淡香氣。而為免大量紫薯令到整個甜品過滯，恰當地用上豆腐味嘅雪糕同蜜瓜作中和作用，令味道同質感上更平衡。The whole dessert is full of purple, with a sweet potato inner layer of waffle gives the sweet and sticky texture. The lava cake is baked well with

好耐冇食過甜品啦，突然之間想食就去佐附近食😛 之前開業嗰陣時試過一次，依家再黎感覺竟然唔同佐😳.竹炭黑芝麻窩夫 $68窩夫整到外脆內軟，真係滿滿嘅竹炭芝麻味，好有驚喜😚，但如果可以熱返少少就完美🤥 配搭咗椰子味嘅雪糕，幾特別。.紫薯心太軟 $98又食到心太軟又食到窩夫😍 勁爽！唔知有冇人同我一樣食心太軟好鍾意吉穿佢，睇佢流出嚟既感覺好治療🙈🙈 一食落口超級紫薯仲要有啲紫薯蓉係入面😚 身為紫薯控十分滿足。通常食啲窩夫個味道係會分開佐，所以唔係好鐘意食，但依間係真係融合佐一齊，仲用佐豆腐雪糕，異常地夾😍 仲有仲有甜甜既哈蜜瓜😋.總結，今次食嘅感覺同第一次截然不同😍 完全覺得充滿驚喜，仲要每一份甜品都食到好飽好滿足😚 不過有最低消費，食得太飽既要留意啦😛 如果想食多啲口味就建議簡心太軟，可以試埋窩夫呀嘛🤤

冇食晚飯就黎到呢間甜品店，叫咗紫薯心太軟同芝麻竹炭窩夫😝。星期六晚大約10點到，好彩唔使等位，坐吧枱，本來唔係咁想因為吧枱近門口驚熱，但服務員話樓上仲熱。so far,我覺得坐吧枱都OK嘅👌。心太軟同窩夫都係即叫即整，坐喺度見住佢整。都幾正😋我同朋友share食,食完兩樣野真係好飽。好彩冇食晚飯嚟。味道唔錯，唔係太甜。芝麻竹炭窩夫好飽，但係我就唔係幾鍾意其中的椰子味雪糕。紫薯心太軟，好流心好好味。我個人就鍾意食紫薯心太軟

黎到呢區食完野，順便搵甜品食又要開openrice，見到正評幾多就黎試想話食碗普通糖水入到黎坐低見到價錢爭啲嚇到走番出去咁最後同朋友share一個啦，睇相見佢幾大碟又幾靚原來係好食嘅野窩夫夠熱，外脆內軟，中間仲有紫薯夾層 心太軟唔會甜到漏，而且個汁做到好似有真紫薯成份係入面，唔係得個味配埋旁邊舊哈蜜瓜，兩粒薯，成份野好夾好高質本身仲想影定相諗住一食到難食嘅味就負評雖然貴咗啲，但是件有質素的創作，呢個價錢是值的

/呃到Like嘅甜品藝術/有朋友同我推介呢間窩夫，講真香港咁多甜品鋪做窩夫，做得出色大有人在，好容易比下去。加上唔係每個朋友嘅味覺都信得過，大把人劣食當珍品（紫薯拉絲？？）。今時今日想搵啲有放得上IG又放得入口嘅嘢食並唔容易，要靚嘅好多，要好食嘅無咁多，兩樣兼備嘅話一係超貴，一係大排長龍。但夏雪要歸類嘅話就可能係偏貴，但呢個價錢我覺得值！/解膩香草茶/餐牌有幾類飲品，奶昔、鮮奶類飲品好吸引，但當你食完晚飯，一人叫咗一份窩夫，你真係唔會想叫咁heavy嘅飲品。最後選擇咗呢個檸檬草花茶，一上枱已經好香，見到茶壺入面好足料，唔係茶包茶。入口雖然無咁香，但淡淡嘅香矛味都相當好飲。40蚊嘅茶可以斟到四杯，兩個人一齊飲都可以，可以話全場最抵之選。/紫薯，唔係為打卡/ 推薦世界級！超好食！佢地嘅心太軟好出色，爆漿，唔太甜但有濃烈甜蕃薯味，食唔停口！配上窩夫，脆身係基本，最驚喜係夾心紫薯蓉，基本上喜歡紫薯香味嘅人食呢個窩夫係嘩嘩聲！豆腐雪糕同哈密瓜都係加分位，成個甜品都無懈可擊，無嘢補充/伯爵茶窩夫/當你食咗一個咁完美嘅甜品，其他甜品就會相對失色。佢將伯爵茶混入糖水，而窩夫係用原味，聞係超香，可惜食落

夏雪:: 一個年輕人追夢而成既結晶品❄️由4位年輕男生共同成立: )好耐之前係旺角見到.. 已經好有興趣⛄️今日 佢係離我屋企唔遠既大圍 無藉口唔過黎試喇: )更開心既係仲可以同埋最鐘意食窩夫既媽媽一齊黎💕距離港鐵大圍站大約10分鐘路程左右~原來佢除左甜品窩夫, 仲有All Day Breakfast同Croissant呢!超級鐘意呢個小擺設❤️應該係店主既朋友親手整既呢!*v*係簡約既白色油牆配水泥地板~地下呢層比較少位.. 下午黎都full晒... 所以我地被安排坐樓上^^牆壁上不時會見到同咖啡有關既畫作☕️店家好貼心咁係樓上加裝一個響鈴裝置~樓上既客人有需要搵員工時 只要按一下呢個鈴就得喇: )樓上呢層環境都幾闊落..坐得算舒服~6pm前都會供應的Brunch Menu 🥐🍯 : ]價錢果然比市區的甜品店平一大截, 新界人士的福利!!🤩雖然天氣好熱.. 但都係忍唔住叫我最鐘意既綠茶牛奶(熱)$32飲得到有綠茶既香濃🍵而且唔太甜~~媽媽揀既竹炭黑芝麻牛奶(熱)$45 呢個就有d小失望..聞落好香芝麻味, 可惜飲落就比較淡..竹炭黑芝麻窩夫$68黑芝麻餡係由日本直送, 味道特別濃郁, 而且質