海記合桃坊甜品 (Closed)

近來真係好興食芋圓，無端端出現呢個芋圓潮。再加上一個紫薯潮，又係雜誌介紹，所以到此一試。我叫左西米露。放低嗰陣真係O左嘴，同張相都相差太遠掛……因為我見其他人有個圓形紫薯球喺中間架。用枝羹搞勻之後……哦…原來沉左底啫，係真係一個球喺啲西米露下面嘅。但我覺得真係好麻麻，糖水好啖，未整勻嗰陣有少少甜。但當我搞勻左之後，糖水真係好啖好啖，超少甜，如果甜返少少就正喇。芋圓方面，又唔係話勁好食呀點樣。送黎嗰陣，表面睇落好少芋圓，但其實係沉左喺底。整體上，我唔會話好特別又或者係好好食。都係好普通。如果話回頭嘅，我未必回頭喇。

紫薯及芋圓近來大熱，餐廳都爭相推出不同的產品，最近去左間糖水鋪，專程去食呢個「紫薯蓉芋圓西米露$28」，賣相不錯，中間有一球頗大球既紫薯蓉，食落好香好濃紫薯味道，配料有芋圓、紅薯圓、紫薯圓，口感煙韌，份量不少，配上西米露食也不錯。😋「餐牌」我已經影左上載至openrice既「餐牌」入面啦，方便大家查閱相關菜式。📋

強推食品🎉🎉🎉紫薯蓉芋圓椰汁西米露 $28海記目測最多年輕人點的大概是這個了😂😂😂芋圓煙韌軟糯，能分辨出芋頭、地瓜和紫薯三者。西米粒粒分明，有口感，和着椰汁和紫薯蓉一起吃，一流！紫薯蓉，完全覺得自己在享受一塊新鮮的紫薯！難得這麼多街坊支持！！🎉🎉🎉用膳環境和抵食程度😋😋😋店面其實頗大，人流一如所有一線的糖水鋪，非常多，所以坐得很迫。但價錢方面真的是街坊價，中式糖水幾乎廿蚊雞樓下，完全是抗通脹價。#vivacchill芋圓 #vivacchill旺角

之前已經食過一次外賣既紫薯冰😍已經覺得超級好食👍🏻難得泥到太子 決定要再食多次！紫薯蓉芋圓配香芋雪樂冰 $34紫薯蓉芋圓豆腐花 $28紫薯蓉芋圓西米露 $28紫薯蓉仍然好食👍🏻 有好香紫薯味 芋圓都有好多😋最可惜係 西米露吾夠凍 要食一啖香芋冰先夠凍😖豆腐花 我地嗌左凍既 不過都吾太凍😕呢3個相對下 冰係最好食😍香芋雪樂冰 > 西米露 > 豆腐花除左紫薯 亦都嗌左個芒果小丸子雪樂冰 $39可能吾係當造 芒果完全吾甜除左小丸子 佢仲有啲西米露同西柚粒西米露 食落去係爽口同硬硬地 有啲奇怪😂我覺得落左啲西柚落去就有啲似楊枝金露😌芒果小丸子雪樂冰 吾係咁好食😖

同朋友喺旺角食完個 early dinner，時間尚早，去咗搵糖水食～一直有幫襯開海記土瓜灣店，對佢嘅糖水絕對有信心又好睇，又好食～我同朋友都俾呢個紫薯芋圓系列吸引住，大家都點咗紫薯蓉芋圓配西米露！可惜冇得揀熱食...不出所料，個糖水100分，芋圓好QQ，紫薯蓉同椰奶超夾，大家各自散發佢獨特嘅香味，出奇地個糖水唔會好凍（仲要暖暖地嘅添），難怪成間店有一半人都有點呢個紫薯芋圓系列嘅糖水！我已經想再食喇！