Hooman by the Sea (西九龍文化區)

Open Now

Now Closed

最近，同朋友去咗西九龍文化區海濱果邊行下，傾下偈食吓嘢吹下海風，喺夏天最寫意嘅活動！嚟到呢一邊都已經大概下午四點鐘，去Hooman by the Sea嗌少少嘢食，再喺海濱附近坐低邊食邊傾🥰經典焗薯 $58首先買咗一個焗薯，喺焗薯上面撒上咗少少乾蔥同埋脆脆煙肉，煙肉口感脆卜卜，為焗薯帶嚟一點點鹹香味道，另外配上酸忌廉增添小食風味，焗薯又唔會焗到好乾仲有少少濕潤🥔整體尚可洋蔥圈配他他醬 $78意想不到咁好食！每一個洋蔥圈圈都炸至好靚嘅金黃色，真正做到外脆內軟，滋味可口，唔會太有油膩感，而且洋蔥好厚身，啖啖洋蔥肉，連好少食炸物嘅我都覺得好好食，絕對喺呢度嘅必點之選，讚！👍🏻

復活節長假期, 當然要陪下主子! 本來想去離島, 但怕天氣唔好, 所以都係去西九文化區行下、食下嘢! 當日去到大約13:00, 本來想去留白, 但係店員話要BOOK 位。之後想去侘寂珈琲 • 喫茶, 但係店員話而家唔招待狗了 (坐出面都唔得)。於是我哋就揀咗食Hooman, 不過因為坐室外位要自行等位, 唔駛拎籌, 於是我哋就唯有喺外面痴痴咁等位, 等咗半個鍾先有位。一坐低就睇下食咩先...... 熱狗以唔同狗種命名, 好得意! 熱狗仲可以按照自己喜好嚟拼除咗熱狗, 仲有其他嘢食!有ALL DAY BREAKFAST 沙律, 仲有薯條同焗薯等......甜品都有當然仲有好多唔同飲品揀。點餐時仲發現有special menuHotdog - Poodle  (法蘭克福香腸, 肉醬, 洋蒽粒, 醃黃瓜, 茄汁&芥末醬)呢個係老公叫嘅, 佢讚口不絕喎!Hotdog - Chihuahua  (法蘭克福香腸, 芝士, 脆脆煙肉, 烤蒜, 大蒜蛋黃醬)身為一個蒜頭FANS, 見到呢個熱狗簡直即刻心心眼諗都唔駛諗就即點啦! 仲加咗$28 配埋扭扭薯條!一咬落去略嫌竹炭熱狗包有D 乾但係個大蒜蛋黃醬

同朋友去咗尖沙咀嗰邊行街，去咗海旁邊見到呢間舖頭好多人。所以就諗住同朋友一齊入去試吓，我本身係好鍾意食熱狗薯條嘅人❣️呢一間令到我眼前一亮，佢可以自己選擇配料，而且啲選擇仲好豐富🤤但係因為我哋揀極都揀唔落手嘅關係，所以我哋決定叫佢本身有嘅熱狗再加一個小食成為套餐。鬥牛犬加扭扭薯條 $78 + $28一嚟到我就覺得好好味，入邊仲有落咗BBQ醬嘅手撕豬肉🤤啱晒我呢啲肉類愛好者，而且佢個熱狗包可以整到外脆內軟，連條腸仔都係整到外脆！我覺得鍾意食少少辣嘅同鍾意食肉嘅一定要叫呢一個試吓🎉芝娃娃加扭扭薯條 $68 + $28我覺得呢個熱狗都做得好出色，雖然有煙肉喺入邊但係都唔會令到個包好鹹。但係相比起上面介紹咗嗰個鬥牛犬，呢一個包會比較輸蝕🤭個扭扭薯條超級好食，而且分量十足🥰經典焗薯 $58我哋食完上面嗰兩個套餐之後覺得有少少唔夠飽，所以就加咗呢一個經典焗薯。本身我係一個麻麻哋芝士嘅人，但係呢一個焗薯上面嘅芝士冇令到我覺得反感，反而仲覺得幾好食添。我覺得如果兩個人去食嘅話，可以叫一個套餐再加一個焗薯咁就好足夠啦。另外我哋其實都叫咗三杯嘢飲，但係我覺得冇乜特別，所以我就唔喺呢度詳細講啦～