熱狗太太 (頌富市場)

Open Now

Now Closed

朋友推薦一間價錢親民兼CP值高嘅熱狗店，本來諗住試吓signature item「太太秘制肉醬熱狗」，可惜去到已經賣晒了，咁就試吓經典醬爆同芝士三重奏啦🤪+$12跟餐有薯角同罐裝野飲，熱狗大大隻，脆皮腸大過個包好多，醬汁份量恰到好處，攞起嚟食唔會滴到周圍都係，店主仲提供埋透明膠手套🧤，加分！經典醬爆🌭️ 🌭️ 🌭️ 🌭️最欣賞佢將啲酸瓜切碎同啲醬汁撈埋一齊，並唔係將整塊酸瓜放入去，再加埋脆煙肉碎，令口感豐富好多，而且食晒咁大隻熱狗都冇膩感～芥末醬加酸瓜碎溝蕃茄醬配熱狗食真係一絕，經典就是永恆🤤芝士三重奏🌭️ 🌭️ 🌭️ 🌭️ 一打開盒就聞到好濃嘅芝士味，真係好邪惡😂每一口都食到熱溶嘅芝士，芝士控必定要試下，大滿足🤤btw如果將脆皮腸煎香咗先再加配料就更加好喇～

天水圍T-Town（即係頌富）唔夠一個月前開咗間新嘅黃店，叫熱狗太太。佢哋一開張就喺IG呼籲登記做選民，大家要多多關照新加入嘅手足，一齊試吓佢哋喺亂世中用心製作嘅熱狗啦😆 .第一次嚟食咗個經典先，經典醬爆真係超多醬，唔用手套嘅話真係會食到成手都係😂 有黃芥醬、酸瓜醬同他他醬，食到酸酸哋都幾濃味，上面仲有啲脆煙肉粒，食落無咁單調。條熱狗腸勁粗勁長😱 原來係7吋長嘅法蘭克福珍寶腸，腸皮脆脆的～熱狗包雖然烘過，但都無烘到乾晒，都係好軟熟🥳 留意返，T-Market嘅食肆都係主打外賣，真係要堂食嘅話都有少少位坐，不過最好買返屋企慢慢食啦😋