十二味 (LADDER Dundas) (Closed)

一行四人正煩惱食乜好之時，剛好經過登打士街，見到呢間餐廳！之前一直有聽過呢間餐廳，但一直都未有機會試，難得經過此地，同行者又愛食辣，就一於上去餐廳試一試！一直對酸菜魚無乜好感嘅我，原本打算食水煮魚，但係見到餐廳內九成九嘅食客都係叫酸菜魚食，就即管叫返一碟試吓！一食之後，果然有驚喜，酸辣度剛剛好，魚夠滑，真係一試難忘另外再叫咗個經典香辣鍋（蓮藕片、花菜、鹵豬手、滷水肥腸、雞軟骨）同清炒萵筍絲都非常好味

約好左同麻辣控同事放工去十二味功夫食晚飯，入到店內裝修得好有中國風味，配上特色川菜，視覺與味覺俱備!好彩7:00pm已經到，7:30pm 已經全部滿座，有客人仲要等位！第一次食香辣鍋，以為好似火鍋咁有湯底，原來係似炒小菜咁！而且份量係勁大份（5款配菜）！經典香辣鍋（中辣，加麻）- 好麻辣，完全夠哂味！滷水肥腸 - 豬腸有炸過，所以比較乾身，但係係淋既，咬落唔會韌！美國肥牛 - 雖然麻辣味濃，但仍然食到牛肉味而且唔韌！土豆 - 切得勁薄，好香薯仔味，似食麻辣薯片！豆皮 - 煙煙韌靭，吸哂d麻辣味，好野味！寛粉 - 類似薯粉，滑滑的，又係吸哂麻辣味！呢個香辣鍋真係至啱喜歡食麻辣既朋友！川式口水雞 - 唔算辣，大約小辣但好野味，而且雞肉好嫩滑！夫妻肺片 - 都係小辣，好爽口又入味！兩個人食三百幾蚊，好豐富，好味又抵食，仲食唔哂要打包拎走，低估左佢地既份量！

星期六晚我又同朋友周圍覓食，係旺角行完街，又中意食辣既朋友今次有口福喇，呢間十二味功夫新開係小米附近既彌敦道575號2樓，裝修新穎得黎保留左中國特色。我建議大家叫佢地既經典香辣鍋黎食，可以自由配搭配菜，辣度又可以自己揀，唔食得辣既可以叫佢既秘製醬香鍋。個人覺得必配既材料係萵筍、寬粉、娃娃菜、鮮腐竹同肥牛，太岩我口味喇，而且好大鍋（話夠四個人食都唔誇張），同朋友兩個人完全食唔曬，最後打包返去繼續食🤤飲品我要推薦桂花冰釀$28好好飲，停唔到口，極香桂花味，易入口，又解辣，黎到一定要叫丫！蔥油拌麵$38又係份量大，呢道菜其實簡單得黎好考功夫，要香得黎麵唔痴身又唔油膩，呢度係做得到既～熗炒土豆絲$68無辣不歡既我地，問左可好揀辣炒，土豆絲切得好幼身爽口，師傅功力真的不錯！服務都親切，會主動幫客人添水（係檸檬水，唔係白開水）菜單係自己剔，成個落單環節方便快捷～

記得數月前經閨蜜🐹大力推介下💪🏽，到過了堅尼地城的一家不錯的川菜館🌶，這晚到旺角買新年用品🧧，經覺它的分店早已進駐旺角區📍，當然要捉老公🍋跟我去回味一番啦😆！店內的環境雖不算大🧐，但感覺卻沒有逼迫感😌。以紅色為主的裝潢❤️，充滿中國風之餘又不失時代感✨。茶單分面我倆再熟悉不過了📜，除了招牌的香辣鍋外🥘，更有涼菜❄️、熱食🔥、主食🥢及甜品🍧等。🔹涼拌土豆絲🥔老公🍋最愛必點項目🌟，爽脆的土豆絲配上了酸辣的醬汁🤤，異常醒胃👍🏽。不想吃辣的也可以選擇不辣的喔😉~🔹川式口水雞🐥人妻🐷的必點菜式😏，這家用料絕不馬虎😳，用上了雞腿肉🍗，嫩滑的肉質配上香辣醬汁🌶，讓人慾罷不能😍！🔹經典香辣鍋🍲配菜共有20多款😲，食客可根據個人喜好選擇💘，但最少要點5款喔☺️~ 這次選了肥牛🐮、萵筍💚、牛百葉、蓮藕片及寬粉🥢，再加入了秘製香油及多款由成都直送到港的香料🌶，入口麻香鮮辣😋，風味十足🤩。🔹桂花冰釀🌸最後人妻🐷點了一杯桂花冰釀🍶，甜味在口中慢慢擴散😌，絕對是解辣首選👍🏽！💭總結其實還有多個小菜我倆一直想嚐🤔，下次還是多邀幾個朋友一起來盡慶一番吧🎉。

有時候好想食辣野，不過因為佢唔食得辣，所以只有多人飯局才可以和其他朋友一齊分享下。不過今日佢一反常態話可以試少少，實在有點驚喜。好啦，一於試一試這間新開的麻辣鍋。由於是樓上鋪，所以座位都較為寬闊，菜單十分簡單，一張紙過去落order。主打係鍋物，不是火鍋，只需要order一些配料，廚師就會炒香然後放落鍋一齊食。既然佢話可以食辣，當然要個麻辣鍋啦。之後再添加一個口水雞和蔥油拌麵。口水雞是水準作品，因為肉質鮮嫩，辣度適中，不會搶去雞的鮮味。蔥油拌麵就真是值得一讚，因為它的質地是煙靭有勁，但係不會好油膩，每一口都是濃郁芳香。主菜來了，揀了五款配菜，入面有豆腐皮，雞翼，雞軟骨，萵筍和魚腐。雖然選了小辣，但係辣度仍很強大，看到他吃得辛苦頻飲汽水的樣子好好笑。其中最好味是雞翼，因為她是一字骨的所以十分之入味。雞軟骨也是不錯，不會太硬咬崩牙咁。鍋物份量其實都頗多，要打包回家！這裏亦有其他菜式例如酸菜魚可以叫，下次也要來試一下。