Sense Cafe (Moved) New Location

見到朋友 facebook 有 share 梳乎里焗飯超大個，所以特登去試試！點知真係同相一樣有驚喜，又靚又好味！！！！！首先講龍蝦梳乎里焗飯，揀左黑松露飯，上面蛋白發大左，無咩味道，不過單係賣相，已經成個頭咁大，真係好正！！好誇張！！會令食客聽瘋狂影相，哈哈~ 至於下面個黑松露飯，因為小妹本身對黑松露味道情有獨鍾，所以好中意有濃味嘅黑松露食物，而呢個飯就俾到呢個感覺我，真係好香好好食 lol甜品方面，綠茶心太軟同平時甜品店差唔多，都幾好食。而梳乎里甜品比焗飯 size 細 d，味道好多食，不過如果可以同焗飯一樣咁大就好啦，實會更驚喜！

是日晚上係間bar吹完水，bar food似乎都唔係好夠飽，既然係咁就去食甜品! 朋友提起Sense係佐敦開左分店，之前已經係元朗食過盆栽tiramisu，創意十足但味道一般，今次就再試下其他甜品啦~~ Life is full of SWEET! 伯爵茶牛乳布甸，味道淡淡的，茶味不濃，不過非常滑溜，旁邊仲有個蛋白脆餅，入口即溶味道較甜，食過之後再食布丁味道就更淡...窩夫好香又色彩繽紛, 而且朋友不吃香蕉還可以換成紅豆, 非常貼心呀! 配料還有士多啤梨芒果藍莓同雪糕! 窩夫略嫌不夠蛋味, 質感一般...綠茶心太軟就認真麻麻，個蛋糕太黏感覺一patpat，沒有外脆內軟的質感，而且綠茶味亦欠奉，相對下較為失色...雪糕焗脆格其實即是焗麵包, 好似茶木個種咁, 焗得非常香口脆卜卜, 有雪糕一齊食一冷一熱感覺不錯~ 同樣又是有一堆水果在旁, 食都食得健康點我覺得sense的甜品都是gimmick取勝, 味道就中中挺挺, 不過賣相不錯, 一班朋友講下笑下又甜下就過左一晚...

前陣子剛在佐敦新開的小店吃過中規中矩的心太軟。過了不久元朗名店又來佐敦插旗。店子位置就脚，很近地鐵站。 沒有不來一試的理由。看了餐牌，二話不説就立刻點了心太軟比較一番。綠茶心太軟 ($55)沒話好說. 之前在小店等了十秒鐘也不見綠茶軟心流出來.這點剛好相反，還未把相機set定，軟心已以九秒九的速度流瀉出來， 動作慢了點的話就會流出碟子。這兒的綠茶心太軟絕不是水準之作，果然是猛龍過江，下次可以試試其他的甜品。不過要留意食店要加一服務費，所以分分鐘食甜品仲貴過係佐敦食正餐>_<有實力才可生存， 其他小店可不要輸在起跑線上啊!