校長燒肉日韓料理 (沙咀道) (Closed)

氣溫略降，秋風漸起，食肉嘅念頭又隨之增加，畢竟都好耐無大吃大喝，今日約咗朋友去荃灣買嘢行到到餓餓哋，就想搵間餐廳擦返餐。咁啱見到對面有間校長燒肉，之前喺元朗見到一直都想試，價錢又唔算貴，咁今日就正好可以試吓。一上到去餐廳感覺個空間感好夠好闊落，放食物嘅位置好集中，喺曬入門之後個area，非常方便。去到座位又係坐得好舒服，唔會話坐到好逼夾。校長燒肉個爐有張類似牛油紙墊住，食物唔會直接接觸到個爐面，感覺衛生啲同無咁易燒燶，調好醬汁就準備再出去拎嘢食今日實在太肚餓，目標都係瘋狂燒肉，一坐底就又即刻出返去拎肉，食物種類好豐富，豬牛雞都有唔同味道，有少少海鮮，最特別係連菠蘿都有得燒，唔係度度燒肉店會見到。另外，飲品都好多選擇，尤其係連樽裝維他奶都有，真係無幾可喺餐廳飲到，一定要整返枝先。跟住唔少得當然就係拎埋刺身啦，燒緊肉未食得嘅時候食住刺身等就最好。刺身種類都唔少，但每次限拎3款，咁就揀咗3款最想食嘅呢度有三文魚、馬刀貝同帶子，一睇到啲刺身真係覺得過嚟淨食刺身都抵返曬，睇啲色澤都知靚，食落都唔覺有雪藏味，好鬼正燒到咁上下，終於燒好肉食喇，一開始就燒咗啲快熟嘅食材先，牛仔骨從來都係燒肉必選，有舊

今日開sem所以就決定同朋友食餐放題賀一賀佢，之前已經食過元朗分店覺得唔錯所以今次再嚟食佢☺️一年前都喺呢度食過，今次再嚟覺得佢進步咗，比以前冇咁大油煙👍🏻我地揀咗夜晚19:15呢個時段食，可能因為星期一所以相對唔算太多人，不過大家最好預先book咗位先好去🤫個人認為呢個價錢性價比算係幾掋，每個人都只係250左右😉食物款式同總類都好多，除咗燒烤之外仲可以打埋邊爐嘅，一次過滿足你兩個願望🙆🏻‍♂️最估唔到係竟然會有樽裝維他奶飲，啲童年回憶出曬嚟！個人超級鐘意食肥牛，可惜呢度冇得攞牛油，如果唔係炒炒佢會仲好食🥲而且店員都好好人，會喺適當時候幫我地換紙🙆🏻‍♂️海鮮都係我第二最愛，自己燒魷魚真係超正，出面啲餐廳好少有呢樣攞🥰最後當然唔可以少得甜品啦，今期佢地嘅雪糕係蜜糖牛奶味😋總括嚟講選擇多同性價比高，咁多款食物總有樣啱你嘅😀地址：荃灣沙咀道298號翡翠廣場2樓

校長係元朗都有分店，不過一直都未有機會試，今晚係荃灣買完野見到荃灣都有，仲有好多人排緊隊，羊群的心理，見人排，我又排，咁就俾佢吸引左入去。食物質素很好，超多款式揀，性價比高，我地7點開始排隊，7:10分開始安排入座，放題時段係7:15-9:15，限時120分鐘，$198/位，未計加一。荃灣分店超大間，今晚雖然係平日，但都坐滿9成。呢度係採取自助形式，所有食物、飲品、醬料都係自己出去拿，以為只有韓燒火鍋放題，估唔到連刺身都有，刺身有三文魚腩、帶子、八爪魚、希靈魚、甜蝦、蟹棒、仿鮑片等等。仲有好多熟食、沙律、甜品、雪糕等等，飲品都有超多款式揀。刺身肉類醬汁區火鍋湯底火鍋配料熱食甜品及生果雪糕櫃飲品估唔到維他奶都有