洛奇冰室 (Closed)

🇭🇰洛奇冰室 Rocky Cafe😆去左銅鑼灣登龍街搵搵到食呢間新開無耐既冰室 裝修光猛乾淨坐得幾舒服唔會好逼👍🏻Menu 選擇都好多 由小菜單點鐵板常餐等都有齊食物方面不錯 QR code自助下單方便😌🌶石窩麻辣雞煲(💰$88連熱飲餐湯)價錢黎講非常之抵😆跟埋白飯🍚羅宋湯/中湯🍲熱飲☕️雞煲勁熱辣辣♨️♨️用石鍋上一路食都keep住個熱度以一人份量黎講佢係好大份 雞肉滑嫩惹味跟餐既羅宋湯都唔差😋配料好足 帶點微微辣 好飲開胃🐃咖喱牛肋條(💰$76)跟飯/意粉 可以加錢轉炒飯底🍚呢個就唔包熱飲餐湯 有需要可以加配咖喱較濃杰一點 唔會話辣👌🏻👌🏻🌶牛肋條唔會話好韌 整體不過不失🦑椒鹽鮮魷(💰$98)推薦👍🏻呢款椒鹽鮮魷係今餐既驚喜😍😍炸粉唔厚 脆口輕身 份量好多鮮魷非常大件厚身 好彈牙調味方面 椒鹽唔會太手過鹹落左少少香辣避風塘style 去調味幾特別🌶香口得黎唔會濃味太油膩 不錯😋🧀芝士流心西多士(💰$28)西多士熱辣辣 入面芝士份量岩岩好🧀唔會好易膩 加埋牛油🧈糖漿絕對非常邪惡😈

登龍街真係變咗銅鑼灣跑食街呀，呢間新式冰室而家仲係試業中，嘢食選擇都幾多，而且裝修幾企理，幾光猛鐵板乾炒牛河 📍$62用鐵板裝住上枱，勁熱辣辣，「炸炸」聲咁，慢慢食都唔驚凍 👍🏻 牛肉都幾淋身，唔會太韌，河粉都炒得幾乾身，唔會太油膩芝士鮮茄焗豬扒飯 📍$68番茄醬幾多，鋪滿哂成個盤，岩哂我 😝 豬扒都幾淋身，而且份量幾多。不過如果味道再濃啲就更好啦 羅宋湯 📍+$4加$4 就可以有羅宋湯/中湯，都幾抵，入面都好足料好多蔬菜凍菜蜜 📍+$6甜甜地，凍飲都幾潤幾清爽凍奶茶 📍+$6奶味偏重，茶味飲落似係一種茶底

🍽🍽🍽🍽🍽🍽🍽🍽🍽🍽-沙嗲粉絲肥牛煲+羅宋湯+涷檸茶 $81-自選歐陸餐（牛扒、火腿、煎蛋、薯菜）$68🍽🍽🍽🍽🍽🍽🍽🍽🍽🍽🔼呢間洛奇冰室新開張，我都去試下，地點坐落係銅鑼灣出名多野食嘅登龍街，離遠已經見到大大個Rocky大隻佬招牌🤣 好吸晴🔼環境裝修明亮清潔，多卡位位置，枱與枱之間寛敞唔迫，坐得舒服，價錢定位以銅鑼灣旺區來講好親民，晚市小菜套餐連飯連湯連飲品都係$70-120蚊🔼羅宋湯好多蔬菜料，好有咬口🔼沙嗲粉絲肥牛煲上枱出煙熱辣辣，肥牛量頗多，入口啖啖肉，而煙韌粉絲吸收沙嗲汁精華，惹味香濃，送飯好開胃🔼 自選歐陸餐揀咗自己鐘意嘅牛扒、火腿、煎蛋薯菜食，大堆頭上枱，牛扒唔多筋，軟腍唔死實，煎蛋色澤金黃，吉穿佢見到蛋液慢慢流出好治癒🔼檸檬茶茶底唔苦澀，係地道嘅檸檬茶🔼最後嚟張大合照

估唔到𝒄𝒂𝒇𝒆都有得炒餸食 不過晚市先有😍上菜速度都算快 整體上都唔錯幾好食嘅 算係賣相都幾靚仔嘅中菜😚餐廳位置都幾容易搵😝.📌椒鹽鮮魷 $98每次有都必嗌😎炸皮唔會好厚 炸得好脆口又有空氣感 個炸衣唔似係用麵粉🤫魷魚肉質都𝒐𝒌 唔算話特別有鮮味 不過都算中規中矩🦑平時d椒鹽可能都會比較鹹 不過呢個啱啱好 真係會一舊接一舊咁食🤣.📌𝑿𝑶醬西蘭花炒帶子 $128用咗𝑿𝑶醬去炒 有啲肉碎細細粒喺上面 帶少少微辣 幾香口😋擺盤都幾靚😆西蘭花爽口🥦帶子𝒔𝒊𝒛𝒆中等 同平時喺酒樓食到嗰啲差唔多🤔.📌鐵板黑椒牛仔骨 $96佢係鐵板上 嚟到嗰陣好有西餐廳食牛扒嘅感覺 要用張餐巾擋住佢🤭上碟嗰陣仲霧緊煙🔥洋蔥幾爽 黑椒味都重🧅牛仔骨肉質都幾淋同嫩滑🤤牛味唔算話特別濃 但都幾好食😈.📌壹蚊霸王雞 $1個底有汁 面頭都有好多炸蒜🧄但個雞唔入味 味道有啲淡 冇咩雞味🐔個雞都算滑既😛晚市叫兩碟小菜以上就可以用一蚊食一客 雖然佢係例牌唔係成隻嘅 不過一蚊真係好抵食🤑.📌例湯上面全部都係套餐嚟 會配絲苗白飯,羅宋湯/中湯 仲送熱飲☕️中湯:椰子,雞,瘦肉,南北杏,紅蘿蔔🥕佢唔唔係出面鹹到好似飲鹽既例湯咁 啲料都多嘅