芝樂坊餐廳

Open Now

Now Closed

又到出差食好嘢系列，終於嚟到一直都好想嚟食嘅《The Cheesecake Factory 》，再一次感激同行的兩位好同事😍，有佢哋一齊先有機會食到呢間驚為天人的份量、甜品超邪惡👿嘅美式餐廳🩷🩷🩷決定幫襯之前，小妹有預先做定功課，得知《芝樂坊》係一間大份餐點餐廳嚟嘅，所以小妹三人行只叫了兩份午餐及兩件蛋糕，食完兩件蛋糕已經好後悔😂😂應該只叫一件便足矣～每份午餐都附餐飲或餐湯或沙律，為咗方便share plate，決定一份餐湯🥣及一份沙律🥗，落單前先送上一小籃餐包，只係單單兩件餐包已覺得香脆美味😋係好嘅開始😍；再來餐湯是蘑菇濃湯，餐湯香濃，菇粒又大又厚肉，超正🤩；一份套餐沙律份量足夠分俾小妹三人，酸酸甜甜、夠晒開胃🤤！主菜方面，選擇了最基本的《番茄肉圓意大利麵》及Chicken special的《羅馬諾芝士脆皮雞扒》。肉圓意粉🍝，桌球🎱咁大粒肉圓、意粉彈牙、意粉醬清甜；最意想不到的是羅馬諾🫢，睇少兩句英文就嚇親😂一直以為係雞扒既肉食料理，點知上枱後係雞扒意粉，重點重點係呢碟野非常好食囉😍😍😍，超薄的炸雞胸肉，咬一啖有芝士味架，意粉醬亦非常出色，味道比肉圓意粉更香濃，估唔到呢個係意外驚喜🥰

本來話要排長龍就無乜興趣再黎食, 但樣衰衰竟然對個蝴蝶粉有啲心掛掛, 於是又黎多次. 慶幸星期一晚拎左飛後去行街, 再返黎唔駛等幾耐就入得, 而且話就話限食兩個鐘, 但係過鐘唔會趕人, 九點後已經有吉枱. 食埋今次近期真係唔會再主動提出黎呢到食, 因為今次啲野麻麻地, 而且個蝴蝶粉已經食到夠哂…… 得兩個人所以只係叫左兩個主菜, 而且兩個人根本食一個主菜加件蛋糕都夠飽. 呢到食物份量真係好大, 同埋餐廳做法係一次過上哂大部份食物, 食得快飽得快. 烤蒜雞肉蝴蝶粉唔多講, 同上次差唔多, 不過啲雞肉無上次咁鞋, 但都唔會係嫩, 我諗要撞手神, 下次可能又鞋返, 總之呢碟野食蝴蝶粉已經滿足.我地畀呢碟叫"羅馬諾芝士脆皮雞扒"嘅野fake左, 睇名以為主打係芝士同雞扒, 點知上到黎有勁大堆意粉, 但我地已經有蝴蝶粉, 要食兩盤意粉超哂額, 好心中文名寫埋意粉兩個字…….講返雞扒, 啲雞壓到好薄, 整到咁薄再拎去炸食落好少會鞋, 但當然都食得出唔係畀滑野你. 雞扒好香, 塊皮有啲好似焗到燶邊烤出黎嘅香味, 但件雞一啲都無燶到, 我比喻佢為更好味版麥樂雞, 但要畀多十倍價錢, 又好似唔係咁值.

之前閒日晚上已經黎過排隊，但聽到要等兩到三個鐘就卻步了。點知週末十二點左右去到，又有幾多位而且不用等位，強烈建議大家週末早少少食好過排幾個鐘。同友人一行五個人，叫左兩個意粉一個pizza 同一個cake 已經飽哂。烤蒜雞肉蝴蝶粉 $176白汁芝士味濃，味道比較膩，加上蒜同煙肉，味道而蝴蝶粉亦煮得剛好，比較適合鐘意濃味既人，個汁都唔會好似美式食物咁好杰身。Lunch chicken special 羅馬諾芝士脆皮雞扒 + pasta with tomato sauce $138個雞扒比較薄身，而且不太幼嫩。但個粉既味道反而好驚喜地好食，並唔係普遍食到既蕃茄汁醬味，酸甜混合而且味道特別。另外仲叫左個pizza，但太急住想食既關係無影到相 🙈同埋原來我地叫果個lunch special係包埋沙律既，雖然係普通沙律菜但都不錯，幾開胃。30週年記念朱古力芝士蛋糕 $79蛋糕真的好肥膩，太甜了，最後因為太飽而且太甜既關係無食哂個蛋糕食物質素其實除左蛋糕之外，我個人覺得係好食既! 而且大份，不建議兩個人去食，因為食到既食物款式比較少。但服務質素真係唔太好，唔係話員工態度差，但唔夠人手既情況下，一個A