Gathering (Closed)

呢一日，收工約左中學同學入元朗開餐，我地約左係元朗廣場等，姐係豐年路輕鐵站。馬田路一向多特色cafe，係誠意小店既集中地，今日我地就決定黎呢間 Gathering度gather一下。我地叫左個Set for 2 $528 ，人均$290。忌廉濃湯餐廳用左好香既忌廉，煲到個湯好濃郁，仲拉埋花添啊！仲要個拉花上到枱都未走樣，可見個湯真係好真材實料。飲落口，味道果然濃郁，口感順滑。前菜方面，可以係4款入面揀2款，我地就揀左 香草白酒煮鑽石蜆 and 啤酒脆漿炸日本廣島蠔香草白酒煮鑽石蜆加入左香草、洋蔥同白酒烹調而成，熾熱既鐵板將酒精蒸發，香草既香味乘機散發。而蜆肉方面，隻隻都飽滿結實，帶有海水既味道。啤酒脆漿炸日本廣島蠔呢一道炸蠔用左日本廣島蠔，食材本來就好新鮮好正，所以餐廳都冇加太多既seasoning。用左傳統英式fish and chips既方法，以適量既啤酒脆漿包裹著蠔肉，會更加鬆化。Main Course方面，我地係分別揀左 辣肉腸薄餅 同 美國安格斯肉眼扒。辣肉腸薄餅好多芝士啊！！一拎起，即刻做到拉絲既效果，辣肉腸都好香好好味，輕微的辣好惹味。美國安格斯肉眼扒一向中意食肉質軟稔，

有時候係繁忙既鬧市中食飯，往往都係食得好急趕，完全享受唔到個種細賞食物個種感覺。所以我今次就走到元朗既Gathering，同我既女友遠離繁囂，寧靜地拍下拖共進晚餐。餐廳裝修簡約，睇完個menu之後我地就叫左煙三文魚藜麥沙律 (HKD 78)，巴馬火腿野菌薄餅 (HKD 138，加餐湯加HKD 28)，美國安格斯肉眼扒配香草燒新薯 (HKD 228，加餐湯加HKD 28)。餐飲要左熱檸茶同熱檸水。在等美食黎之前，餐廳送上餐包，口感鬆軟，味道唔錯。而個餐湯係磨菇湯，上面個拉花拉得好靚，賣相唔錯。先黎既係沙律，賣相好靚，顏色繽紛奪目，有唔同顏色既水果，煙三文魚又多又大件，味道非常鮮甜。至於個薄餅，賣相唔錯，非常香脆，芝士味濃，巴馬火腿同野菌個味道好夾。至於個安格斯牛柳，大概5成熟，好大份，有入口即溶既感覺。正熱檸茶同熱檸水，味道不過不失。

元朗安興街的「Gathering 」個人覺得是一間非常最水準的西餐廳，食物和服務兩方面都十分令人滿意裝修格局柔和舒服，木製的桌椅很有英式風格，擺設十分整齊二人晚餐Set前菜除了牛油餐包外，各自選了雜菜湯和煙三文魚沙律，盛載的器皿十分美輪美奐，開胃冷盤沙律，水果十分新鮮，餐湯味道咸淡適中主菜之一「慢煮美國黑毛豬鞍扒」，講真我好少食豬，但係呢一份黑毛豬鞍扒，確係令我有驚喜，同普通豬扒味道不同，感覺帶有一點菓香，肉質纖維很特別，肉味與眾不同，值得推介另一主菜「美國安格斯肉眼扒」，絕對是價廉物美，五成熟剛剛好，標明是10安士份量，但目測應該不止這個份量肉味濃香而不膩，肉汁在口內慢慢滲出，生熟程度剛剛好，冇得彈檸檬梳打，甜甜酸酸，清爽怡人，冰涼可口，賣相亦值得一讚選了兩款甜品，自家製 Tiramisu，足夠兩個人份量，唔會太甜，高水準之作，喜歡極了另一款「焦糖燉蛋」，賣相美輪美奐，連甜品都這樣用心製作，我們食得真是十分滿意，人均消費只是三百元左右，確實超值