友利坊 x 友利冰室 x 勿當奴 (Closed)

🍳美國穀飼叉燒煎蛋飯💰$65🍅鮮茄厚切豬扒焗飯💰$68.⚡️基於翻工原因，樓下有間友利，見同事食「黯然銷魂飯」🍳雙煎蛋實在係吸晴，所以都入咗坑，一試之下果然同賣相一樣出色🥰叉燒厚身有咬口夠霖身，雙煎蛋味濃，撈飯一流🤟.⚡️順便試埋茶餐經典菜式之一🍅焗豬扒飯，飯係炒底，呢款算係新西式版本，有🍍菠蘿同🧀芝士，芝士量超爆多同好香口，煎豬扒都好香口，整體勁大份，女仔嘅話兩個人share好啲

好耐無行過始創😂 估唔到依家開咗間咁得意嘅餐廳，睇餐廳名完全唔知佢賣乜。👍🏻 乳豬卡邦尼意粉乳豬同卡邦尼平時都會食，但無諗過可以擺埋一齊做一道菜。乳豬皮烤得脆，肉質嫩滑，唔洗點乳豬醬都夠哂味。卡邦尼醬汁夠濃，完全可以掛汁。意粉彈牙，煮得啱啱好。份量大，唔係一般兩啖就食哂嘅意粉。👍🏻 美國穀飼叉燒煎蛋飯叉燒好靚，半肥瘦，而且肉質軟腍。煎蛋脆邊，流心蛋黃。美中不足係唔夠豉油撈飯，不過整體非常滿意。👍🏻 豬柳強做緊推廣加$12就有。價錢抵，質素更加係意想不到。漢堡包上枱時暖笠笠，麵包非常軟熟，中間有芝士、豬柳、蛋。咁嘅價錢我真係想問可唔可以加多兩個😂👍🏻 樽仔奶茶作為奶茶控，只要有得揀奶茶我一定會嗌😂 奶同茶味道平衡，夠哂地道。最欣賞係唔甜！見佢好好賣，我拎嘅時候係最後一支，想飲就要留意喇😬📍友利坊 x 友利冰室 x 勿當奴 太子彌敦道750號始創中心地庫B02-06號舖