Bistro La Bon (Closed)

觀塘之友心目中來來去去都係個幾間餐廳，聽聞難得終於有新工廈翻新完畢，連lift位都未拆封就迫不及待黎搵下有咩好野食。最近辛勤工作，今晚莫名地好想食靚牛扒，仲要撞岩逢星期一、三main course買一送一，就揀左美國頂級安格斯肉眼 ($348) +$98轉set dinner，包沙律、頭盤、湯、甜品同飲品。三色藜麥配芒果牛油果野菜沙律有齊我最愛既材料，新鮮爽甜清新，尤其鐘意牛油果好creamy香醇，作為開胃菜一流。加拿大松葉蟹棒配炸芝士球伴明太子青芥末汁新鮮炸起，香脆彈牙得黎唔會油膩，蟹棒亦幾鮮甜嫩滑，頭盤而言十分高質。周打魚湯夠哂濃稠足料，有唔少魚肉同貝柱，配埋熱辣辣又鬆軟既餐包好暖胃滿足。安格斯肉眼厚切大塊，表面煎至焦香微脆，灑上海鹽黑椒調味。 好欣賞肉眼扒牛味好濃，肉質有彈性，唔會有血水，如果內裡再嫩紅少少就更好。 底下既薯菜亦誠意十足，有新鮮既薯仔、茄子、櫛瓜、紅蘿蔔等等，好有飽足感，心滿意足。Saldanha Bay Oyster ($42/1)話哂呢度都係蠔吧，食完成個set dinner感覺到呢度食材都有咁上下水準，就叫少少蠔黎試下。 聽店員推介揀左隻海水味冇咁濃既Sal

觀塘工廠大廈不嬲都係搵食好地方，apm後面新開左間有室內有室外既高質西餐廳叫Bistro La Bon. 中午食飯黎過一次雖然比較趕但已經好有好感，$78蚊有set lunch，咁舒服既環境，仲有新張期野飲買一送一喎😘今次放咗工再黎，可以慢慢地享受一次喇。Bistro La Bon都成6千呎咁大，有兩間主題房，有室內有室外。仲有少女主題、文青主題的房間。夜晚調暗左個燈光後更有格調，適合情侶約會，室外及兩間大房亦好適合一大班朋友黎chill黎relax。室外位置即將開放，但現時亦可進內參觀，目測室外有10-15張枱。我同朋友選擇左綠油油嘅大房食野望到綠油油一片，頓時覺得工作嘅壓力暫時釋放晒。食物方面，餐廳話會用比午市更用心機用功夫的菜式，例如頂級巨型斧頭扒，USDA prime認証的安格斯肉眼扒，會用炭燒的方法去呈現俾食客。前菜我點左香煎帶子沙律。我食沙律係比較著重個醬料，好多餐廳會自己調配醬汁，我相信Bistro La Bon都有，佢地醬料似Honey Mustards 果隻味道但無咁甜，微甜+微酸的，幾開胃。個帶子比一般餐廳用的帶子更為大粒，而且係兩大粒 帶子表面微微煎香左，夠香前菜