Green Waffle Diner (形點) (Closed)

這晚去到元朗形點吃晚餐這幾天都很想吃甜品不過吃甜的之前總要吃個正餐各式䶢甜窩夫🧇也可自選口味配料醬汁除了薯粒外，多寶包括了各式各樣的肉和配料豬肉香腸、煙肉、牛肉粒、洋蔥、蘑菇、水煮蛋和車打芝士，果然是Meat lovers之選。放在穫仔上香口滋味果然是勁厚車打芝士！超濃郁，超多芝士！與通心粉啖啖入口即融水果超足料平時聽班蘭蛋糕聽得多，班蘭班戟都是第一次班戟好鬆軟鮮打奇異果汁，超Fresh健康之選。滿足

自從形點II開左之後都好少出外面食野，事關食肆種類應有盡有，亦不乏坐得舒服既cafe。Green waffle Diner係其中一間我假日愛去既餐廳，自助落單，環境清靜，空間充裕，能夠客人放鬆休閒咁用餐。Lunch set $100有找，包餐飲、餐湯/沙律同半份招牌窩夫，亦設有散嗌菜式。沙律用料不馬虎，無落多餘調味，靠酸酸甜甜既紅菜頭作主調，清新健康。軟殼蟹佔左漢堡三份之二大小，外殼裹上薄薄炸粉炸至薄脆，蟹肉幾多，口感乾爽，係偏鹹左少少。漢堡包外皮烘得幾香脆，中間又不失鬆軟芝士控絕不能錯過系列鑊仔通心粉上枱仲係jarjar聲，芝士醬非常稠密足料，每粒通心粉都被醬汁包裹住。表面再灑上車打芝士同煙肉粒增添鹹香，一入口濃厚芝味即時喺口中化開，好滿足～～～火龍果汁一睇就知真材實料無溝水，全杯以果肉打成，清甜又帶有細籽既咬口，排毒又美肌餐廳招牌窩夫即叫即製，唔會放到硬哂，外脆內綿，個人偏好唔加糖漿，可以食到原材料既麵粉同蛋香，為呢頓盛宴畫上完美句點

今日又去元朗做嘢，順便約埋準新娘聚一聚，揀响形點因為幾多嘢食，最後去咗呢間店，因為我哋想食窩夫。餐廳响地面近扶手電梯位置，望落開揚寬敞，感覺舒適。先食啲嘢再食甜品，準新娘係個芝士控，叫咗個芝士通心粉，我叫薯仔粒粒鑊仔。美式勁厚車打芝士鑊仔通心粉$93通心粉配上店家自製香濃芝士醬，再加車打芝士+香脆煙肉碎。通心粉上嘅芝士非常濃厚，芝味香濃，口感滑溜，加埋咸香脆煙肉，勁正！香草雜菜薯粒鑊仔$74炸薯粒配水煮蛋、翠玉瓜、鮮菇、車厘茄、青椒、紅椒、洋蔥。配菜新鮮，有不同嘅脆感，連埋脆卜卜薯粒食，好味。水煮蛋嘅生熟程度啱晒我，一啖食咗半隻，好味！藍莓香蕉士多啤梨窩夫$84原味窩夫配新鮮藍莓、香蕉、士多啤梨、鮮忌廉、朱古力醬。仲有一球綠茶雪糕，如果想轉Movenpick，加$28就得啦。水果新鮮又好味，窩夫外脆內軟好滋味，加埋鮮忌廉同朱古力醬更好味，連埋綠茶雪糕一齊食仲正。住附近嘅朋友响面書見我响呢度食嘢，話晚上8:30後有7 折，係就正啦！