友義氣‧酸菜魚

Open Now

Now Closed

去完工展會同朋友去食酸菜魚，依間之前已經食過3次，係幾好食嘅，而且有大大杯嘅檸檬茶/檸檬可樂！係食辣野嘅同時又有得解下辣😆😆今次另外叫多左兩個小炒試下🙈一個幾岀色，另一個就幾失望😞1. 標準BB辣酸菜魚 $238 (魚好吃。湯更好喝)-特選海鱸魚- 個湯係幾好入口，酸酸地又麻麻地啲魚好滑㗎2. 雙蔥尖椒爆牛肉 $108- 有啲油，份量少，冇乜肉3. 友義氣。黃金蝦 $118- 黃金炸得好鬆脆，但係唔會好油！4. 珍寶大檸茶 $26- 幾特別嘅😆好大杯，又幾好飲5. 菠蘿乳酸 $26- 有爆珠㗎😏，正堂甜，可以試下，不過唔係珍寶杯🙈

友義氣呢間餐廳，我成日都聽朋友講話好好食今日我終於都去試啦！店舖主打酸菜魚，點小得佢呀我地四個人食，佢地都好食得辣😂所以叫咗中辣&加大版🤪 嚟到嘅份量絕對係似加加大版😂 爐魚肉質滑嫩，本身唔多骨，食起上嚟好正，油香而不膩口啖啖肉 而且配料都幾多，有金菇，萵筍，芽菜，薯粉。都真係好多野食😆 d配料吸曬d辣味酸味，所以食落真係好過癮跟住仲有黃金蝦，想講呢個真係好好食！每咬一啖都有咸蛋香，令人回味無窮再嚟係口水雞，不過不失，個人覺得份量唔夠多同埋唔夠辣😂有雞有魚有蝦，揀多個🐖。辣子排骨,第一次食辣子系列而唔係食雞😂又幾特別喎👀最後要叫返碟菜🥬啫啫芥蘭煲想講佢嘅小炒真係好好好驚喜！ 好有鑊氣，仲有咸魚香！真係食到我地「嘩」一聲！呢個小炒我真係比滿分💯總括而言，呢個價錢食咁多野，絕對係物超所值！而家銅鑼灣呢間openrice訂座仲有8折！快d約埋三五知己一齊刺激一下味蕾啦

友義氣共有4間店舖，我已食過觀塘道及得寶花園的。前兩間的水準都好穩定，今次試埋銅鑼灣的。首先談談環境。三間店舖感覺都光鮮齊潔的。但講座位，就以銅鑼灣比較鬆動，無咁迫，坐得幾舒服。入友義氣必叫酸菜魚。辣度及麻度都可以選擇。致於魚片滑到不得了。湯頭鮮甜，除了魚片，湯料還有大豆芽，萵笋，薯粉，雲耳，認真豐富。另外我還叫了鮮果咕嚕肉，啫啫唐生菜，以及黃金蝦球。個人最常鍾意咕嚕肉，所以每次亦會必叫。咕嚕肉皮是脆的，並不像出面的大多已淋口。而黃金蝦球就有濃濃的咸蛋黃甘香。炸漿亦做得香脆不油膩。啫啫唐生菜一如煲仔菜風味，咸香野味。另外友義氣的飲品亦相當超值。廿幾蚊的一杯大檸樂或大檸茶，真係足足可以兩個人飲，用嚟打卡亦相當吸引。順帶一提，當日的樓面姐姐非常有禮，笑容滿面。見我們只顧傾計，提我們襯熱食，見我們碟內還有少少魚，又替我們分到碗中，唔想我們浪費。重叫我哋慢慢食，慢慢傾，唔使急。 總括而言，友義氣是必定會回頭的食店。呢間店的價錢正路。但最好記得在openrice 訂位啦，因為有折㗎，重更加扺食！