泰沾麵

Open Now

Now Closed

雖然而家間間餐廳都話自己隱世，但我覺得呢一間位於尖東一條巷仔入面嘅泰國餐廳真正稱得上係隱世啦🤣 如果唔係朋友介紹，真係唔識去😌 今次就特登同男友去咗呢間餐廳試一試佢啲泰菜！特別推薦佢呢度嘅手打蝦餅，有3大嚿，每嚿都好厚身，口感爽口彈牙😋 因為係自家製嘅關係，食落特別鹹鮮，好食過出面好多泰國餐廳嘅炸蝦餅！我哋嚟之前預訂咗咖喱炒蟹，聽聞係呢度嘅招牌菜！餐廳自家製嘅咖喱係撈埋啲蛋一齊煮嘅，好味到我哋仲加咗$38要份薄餅點嚟食🤤 要主角係隻大肉蟹，食落肉質實淨鮮味，而且真係每一嚿都好多肉！不過唯一美中不足嘅就係佢嘅價錢偏貴，間唔中食一次就夠🙈通常食親泰國菜都一定會嗌炒通菜，呢度嘅飛天通菜除咗辣椒，仲加入麵豉一齊炒，好正宗！而且炒得好惹味，份量仲幾多下添😌嘢飲方面，我哋嗌咗杯西瓜沙冰，超級消暑解渴，仲幾清甜！啱晒配啲咁重口味嘅嘢食😆

上回到尖沙咀半島中心時，發現後面小巷子有間好型格既餐廳，當時休息中未有營業，上網查一下原來係食泰國菜🇹🇭，星期六想懶洋洋唔自煮，但我無預約所以就早點搭車過去,免得要排隊🤭果然入座未夠10分鐘就差不多滿座🤣店內環境以黑灰為主，主牆上面有一幅好靚既壁畫，牆上既裝飾簡單但充滿住泰國🇹🇭既味道，播放既音樂都係泰國歌曲，猶如置身泰國一樣！青芒果大蝦沙律 $118平時多數見到青木瓜沙律，比較少有青芒果🥭，青芒果相對爽甜一點，配料有蝦米同花生，加埋佢地特製醬汁，有點清新繼而有點惹味，個感覺幾特別！老媽手打蝦餅$88「優靈先生」最愛係泰式蝦餅，絕對係必點！三件冬甩🍩樣既蝦餅，漲卜卜肥嘟嘟，佢蝦肉成份比較高唔會係勁彈牙嗰種，但入口滿有蝦味，反而突顯返個主角出黎！飛天炒通菜$78辣辣通菜邊個食？係枱枱食😂點解枱枱都叫呢？炒得香麻～雞肉鑊氣炒河 $98真係有鑊氣味架！😂雞肉好甜好爽口，河粉好粗身好Q彈，配埋佢個橙色辣醬好惹味！泰式香煎帶子$138四粒煎香既帶子配充滿泰國風味既微辣醬，其實我自己都可以清碟囉！西瓜🍉沙冰$48芒果熱情果沙冰$55真材實料呀～立即將梳打系列拋諸腦後😂誠意推薦！*設有加一服務費

沾麵一般而言只會在日式餐廳出現，而泰式咖喱則大都配上薄餅或飯，將兩者合二為一創造出泰式沾麵可謂前所未見，而位於尖沙咀的泰沾麵ASURA正正開創先河。即燒豬頸肉 ($88)豬頸肉燒至表面焦香，外脆內軟肉質爽嫩，油香十足並可配上泰式燒汁清新微酸。老媽手打蝦餅 ($88)蝦餅顧名思義自家手打製作而非一般急凍來貨，質感相對軟身且啖啖蝦肉真材實料。泰Duck生菜包 ($118)傳統生菜包大都配以豬肉碎，這份取而代之選用鴨肉可謂前所未見，加入多種香料炒製酸辣惹味，不論口感或味道皆與豬肉碎別無二致，若然加入鴨油炒製應更有特色。 黃咖喱雞 ($158)黃咖喱辣度溫和老少咸宜，薯仔粉糯入味但雞肉肉質可更嫩滑。青咖喱雞 ($158)青咖喱則用上青辣椒、香茅、南薑等多種香料製成，比黃咖喱多一份辛辣亦更加惹味，但由於加入椰漿調和故此整體辣度依然平易近人。泰式沾麵 ($18)沾麵幼滑冰涼介乎於米粉與米線之間，配以咖喱掛湯力一流，冷熱交融別具風味。薄餅 ($38)雖然餐牌上英文名稱為Roti但個人認為特質更加貼近Naan，外酥內軟並富層次與空氣感，如酥皮一樣帶有油香。雞肉鑊氣炒河 ($98)河粉質感煙韌爽滑而雞肉

位於尖東小巷嘅隱世泰菜，坐得舒服，有好多特色cocktail揀但今次冇試到🥲 整體嚟講份量偏細，如果同朋友一齊嚟可以叫多幾樣試吓！.🎐 泰式香煎帶子 $138 (3.5/5)賣相💯！帶子口感嫩滑，煎得香口.🎐 老媽手打蝦餅 $88 (3/5)份量大而且啖啖蝦肉，入面加咗啲爽口嘅食材，但比較油.🎐 雞肉鑊氣炒河 $98 (4.1/5)幾有驚喜嘅炒河！一上菜已經覺得好香，食落河粉咬落唔油而且好彈牙煙靭，同平時食開嘅河粉質感好唔同👍🏻 配上雞肉同蛋絲好惹味，加埋泰式辣醬嘅酸辣令味道更加有層次✨.🎐 即燒豬頸肉 $88 (3.7/5)真係即燒，上菜嘅時候仲熱辣辣🥵 豬頸肉入味，但燒得比較乾身，配酒一流.🎐 可麗露（椰子）$48 (2.8/5)外層香脆，但椰子味較淡，整體上較甜，食落有啲似焦糖奶皇包味🤔

📍泰沾麵🦐大蝦炒金邊粉 $118金邊粉炒得好有鑊氣，味道香濃，唔講以為自己係泰國當地到食緊🤤另外，碟金邊粉加入大量嘅配料一齊炒，所以食到勁香同埋勁入味，有花生🥜、芽菜、蝦米、豆乾等等，連埋金邊粉一齊食，口感特別豐富😎🍤老媽手打蝦餅 $88一共有三件，蝦餅size算大～佢最大嘅賣點係手打嘅，食落的確幾彈牙，仲食到蝦粒添！但略嫌佢炸得唔夠香脆，質地淋咗少少🤏好彩嘅係炸粉幾薄，唔係厚粉😆🦀啖啖蟹肉炒飯 $138真係每啖都食到蟹肉！最欣賞係佢炒得好有鑊氣，食到停唔到口～分量夠三至四個人食🥳配料都唔少㗎，有蔥、蛋連同大量嘅蟹肉一齊炒🤓🍴泰式香煎帶子 $138坦白講呢碟都真係有啲貴😳一共有四粒帶子，味道幾鮮甜！但個醬汁真係超好味🤩相信個醬汁係特製嘅，用唔同嘅泰式香料整成，食落有少少微辣嘅感覺😗個醬係其他地方冇食過嘅味道，幾特別🥳🥬泰Duck生菜包 $118配料係鴨肉碎！肉味更濃郁～爆香到好乾身，食落非常香口😋連埋生菜包嚟食，好match! 但唔可以睇小既係佢既味道的而且確有啲辣🥵唔食得辣既朋友仔可能要叫番杯嘢飲解下辣🍨雪糕配糯米飯 （✨follow+ share story送甜品）冇諗過送嘅甜品都