花朝軒 (Closed)

星期日 ，大夥兒西島環島遊。 上船之前嚟呢間菜館訂枱食晚飯。 皆因阿嫂上次飲過早茶話幾好。走進裏面 ，裝修雅緻， 古色古香 。跟出面人聲鼎沸嘅海鮮酒家截然不同我哋自選小菜， 早上訂枱嗰陣時佢哋已經話 北京填鴨售罄， 所以提議我哋食松子魚。 佢哋嘅松仔魚唔係用一般酒家用嘅黃魚做，而係用沙巴躉， 唔怪之得肉質又厚又滑， 酥炸金香， 微酸微甜，送飯一流。其他嘅小菜都相當出色， 連嘴刁的爸爸媽媽都大讚我哋仲去咗佢哋介紹嘅相熟街市海鮮檔買咗海鮮， 返嚟俾佢嚟加工， 味道都唔錯! 一啲都唔輸蝕打正旗號嘅海鮮酒家， 我哋已經相約下次會再嚟食晚飯， 早啲訂枱試下佢哋隻北京填鴨

上次喺呢度飲個茶，覺得幾唔錯。一於帶屋企人嚟試吓晚飯。今朝行山前先訂枱，並預留了元蹄同片皮鴨。不過經理話皮皮鴨已售罄，佢建議我地食松子魚。家人都很喜歡酒樓環境、裝修先來2個前菜四喜烤麩脆皮素鵝一般松子魚用桂花魚或鱸魚，但佢地用了兩斤幾嘅沙巴躉，怪不得口感完全不同。京燒元蹄經理介紹我地去買海鮮，然後喺酒樓加工。海鮮新鮮亦都要煑工一流，先至有佳肴。海鮮亦吾貴，三樣都喺七百幾加工費 $300經理仲送左2碟豆沙窩餅比我吔，抵讚屋企人都讚不絕口。開開心心一頓晚飯

好彩一早訂好位,入到去都差唔多坐滿咁濟跟住就安排我地2人坐左張4人台位置都幾闊落,雖然就唔及出面啲大排檔咁熱鬧嘈吵,就想靜靜三五知己或二人世界坐低傾計都係不二之選我地好快就揀好左食咩先黎冷盤再黎就跟住都唔記得原來有湯飲再跟住就最後經理話仲有甜品白飯都唔洗叫就已經飽晒整體菜式味道都算幾唔錯,但就有小小偏甜比較適合唔太食得辣既朋友或許小朋友老人家呢啲唔食得太刺激味道既人P.S. 經理同侍應都好好招呼,成日都驚我冇水/茶飲咁,十幾二十分鐘就走黎睇下我個茶壺夠唔夠水XD