老媽拌麵 (將軍澳中心)

Open Now

Now Closed

台灣眾多拌麵之中又怎能夠少咗「老媽拌麵」？記得之前朋友煮過一次比我食，已經覺得好正，估唔到依家有埋餐廳，有人煮埋比你食，當然要同煮麵比我既朋友去食！餐廳內外以木色做整間餐廳既主調，比人感覺柔和，亦有營造台灣原住民純樸果種感覺，座位都好寬敞舒適。食物選擇試業期間唔係款款都有供應，不過可以率先試已經好興奮，價錢屬中位價台式餐廳定價。阿里山高山冷泡茶 $22正常茶飲，飲冰凍既冷泡茶配辣麵都幾爽，但定價就略為貴左少少。台灣仙草茶 $22本來以為係有仙草凍既茶飲，原來係成杯用仙草煮成既茶飲，有仙草味，味道較清淡。地獄麻辣牛拌麵 $72店員告知可以選擇粗麵或幼麵，雖然揀左幼麵，但掛汁能力都好強，麵質彈牙唔會過硬。縱使叫地獄麻辣，但其實以麻香為主唔算辣，食落好惹味，牛肉就比較腍口，口感正常。老成都擔擔粗麵 $52同樣有得揀要咩麵，一碗試左幼麵，另一碗緊係要粗麵啦！估唔到上海既擔擔麵都可以花過心思變成台灣版既擔擔拌麵，冇咗湯既擔擔麵同樣以肉燥做主角，唔少得擔擔湯麵既靈魂花生粒，老媽拌麵版本既擔擔麵都保留到擔擔麵既特性，唔知點解我覺得有啲似分子料理，冇咗湯，但都有擔擔麵既精髓所在，帶微微香辣，蒜味亦幾重

台灣既拌麵深受大家喜愛，仲開埋實體店！其中一個品牌曾經榮獲泡麵達人2018年全球10大泡麵第一名既「老媽拌麵」更係香港開店，鍾意食拌麵既我當然要去試下啦！適逢係父親節，拉埋屋企人去試新野，晚餐食得貴，Lunch就揀返啲價錢平民啲既新開試業中雖然menu未齊，但最想試既都有~~環境香港首間店開係將軍澳中心，店面都幾大，內裡都有有關台灣既插畫、設計，燈光充足，座位亦不少。酥炸甜不辣 $32主食嚟之前，當然要食下小食先，甜不辣外層炸到好脆口，內裡就魚肉漿軟身，外脆內軟，再沾上辣醬，簡單香口小吃。台灣香腸 $32食台灣小食又點少得香腸，配麵食多款餸食。老成都擔擔粗麵 $52可選粗麵或幼麵，揀左粗麵，擔擔麵做成拌麵版本，其實就係肉燥拌麵，但另外再加入左花生碎及蒜，老媽粗麵既麵質不容置疑，彈牙有咬口，掛汁能力高，襯返重口味、蒜味較突岀既肉燥十分夾，口味偏重偏鹹少少，岩哂我呢啲鍾意食濃味既人。蒽油嫩雞拌麵 $62配好左幼麵冇得揀，蒽油唔算多，亦無油膩感，食落比較清淡，幸好有少少辣醬調味，但整體都清，每碗都有配半隻溏心蛋，溏心蛋就醃得入味。蘋果蘇打(左) $18 及 台灣仙草茶(右) $22台灣仙草茶