Video
Read full review
2020-04-12
532 views
最近朋友send左段片話杜汶澤宣傳嘅一間黃店，係咪真黃店就不得而知。但佢地聲稱所有野食無味精，同埋食任何飯都會奉送老火例湯呢兩點好吸引！而且係屋企附近好近，所以好想同老公試下。話說其實呢兩日假期行過都見到佢地午市/晚市都好多人排隊，本人真係好怕排隊食飯，所以計劃今日午市早少少大概12點左右去到，最後都要排20分鐘左右。輪到我地嘅時候 帶位哥哥話因為老火湯未煲好 所以我地唔會有湯送，我地問可唔可以之後大概1-2個鐘之後番泥外賣D湯，因為我地兩個都好想試埋個湯，佢老闆走出泥好似唔係好想我地咁做咁，不過算啦！入到去坐低 我地叫左一個南乳豬手飯，一個少辣咖喱牛腩飯 豬手真係好淋 好滑 唔會好似出面食到D毛，個汁可以再南乳D就更好！食物嘅份量其實唔算多 我係一個正常食量既女仔 食曬D豬手唔夠送白飯 最後要LO汁食, 如果豬手多多1-2舊就更加好，或者可以Offer 唔同份量嘅豬手飯，因為我都聽到隔離台個男人問豬手係咪得咁多！！對於鍾意食豬手嘅人，呢個份量，2份都唔夠啦！至於個咖哩牛腩，都係煮得好淋 咖哩汁椰汁比例比較多，本人覺得咖哩唔夠野味，比D椰汁cover左！如果食得辣嘅朋友，最少叫中辣，因
入到去坐低 我地叫左一個南乳豬手飯，一個少辣咖喱牛腩飯 豬手真係好淋 好滑 唔會好似出面食到D毛，個汁可以再南乳D就更好！食物嘅份量其實唔算多 我係一個正常食量既女仔 食曬D豬手唔夠送白飯 最後要LO汁食, 如果豬手多多1-2舊就更加好，或者可以Offer 唔同份量嘅豬手飯，因為我都聽到隔離台個男人問豬手係咪得咁多！！對於鍾意食豬手嘅人，呢個份量，2份都唔夠啦！至於個咖哩牛腩，都係煮得好淋 咖哩汁椰汁比例比較多，本人覺得咖哩唔夠野味，比D椰汁cover左！如果食得辣嘅朋友，最少叫中辣，因為我唔食得辣都覺得個所謂少辣其實係一D都唔辣，除左牛腩，仲有幾舊仔蘿蔔同薯仔，薯仔不過不失啦，但係個蘿蔔比較硬D，如果整個咖喱嘅食材都照顧到就好！整體來講我覺得呢間餐廳未至於要排咁耐隊去食，但係價錢算係合理。不過佢地Sell有老火湯送 最後因為12點未煲好個湯，我地無得當場試賣有D失望。不過呢，最後我老公2點左右真係去攞返2碗老火湯返屋企！哈哈! 奉勸各位唔好咁早去 唔係無得試埋佢地個老火湯呀
南乳豬手飯
$46
32 views
1 likes
0 comments
南乳豬手飯
$46
20 views
0 likes
0 comments
少辣咖喱牛腩飯
$48
10 views
0 likes
0 comments
少辣咖喱牛腩飯
$48
8 views
0 likes
0 comments
老火例湯
10 views
0 likes
0 comments
Post
