老鳳冰室 (Closed)

「家陣老奉㗎？ 」這句藏於塵封記憶的句子，由貓人踏入葵芳的「老鳳冰室」開始，突然從腦海閃出來！滿眼是70至80年代的懷舊風佈置，立體的柴油式火車、爛gag「史廖聯婚 」的婚宴龍鳳牆、富幽默感的職場木蘭辭、充滿玩味的粗口諧音標語、還有《乘風破浪》的勵志歌......讓貓人彷如跳入時光機，回到過去。餐牌以舊信封概念來設計，相當有心思。備有各傳統茶餐之餘，也有數款創意菜式。蝦多士彈牙有咬口，惟多士皮炸得較乾身啡黃，伴以有千島醬及沙律，各適其適 。肉夾膜內含紅椒及豬肉燥餡，一咬爆汁，微辣香口！豬頸肉芝士撈丁與豬扒芝士撈丁，連牛油多士，份量少兼重口味！特色飲品雪糕紅豆冰與飛仔華田，各插上威化啤牌一張，打卡指數極高，即時賭神上身互鬥一番！

今日去咗葵芳探親，講開恒景開咗間懷舊冰室，親友話食過幾次食物唔錯，於是就去老鳳食晚餐。裝潢特別，好多惜日場景。凍奶茶好夠茶味晚餐E德國脆皮咸豬手配老鳳薯角咸豬手細細隻，一個人食都好飽，親友話囝囝次次都食呢個餐老鳳多士上面鋪滿芝士、蕃茄、黑松露醬，兩塊麵包之間都有芝士同蕃茄，又香又好食配送一小碟沙律。XO醬鮮菠蘿海鮮炒飯配魚餅炒飯味道OK有點油，不過除了裝飾嘅菠蘿之外，飯裡面唔覺有菠蘿粒，更加唔見有魚餅！由於大家都無為意『配魚餅』，所以到寫食評先至發現無俾到，消失的魚餅......韓式泡菜汁燒牛肉石頭鍋飯石鍋熱辣辣，味香，OK爆晒汁嘅肉夾膜，幾好食，如果怕辣要把生辣椒挑出，由於爆汁爆餡，食時都幾 "論盡"蝦多士OK不錯。