炊豕店 (加路連山道) (Closed)

同朋友去南華會上堂，順路見到呢間就走入去一試，好野食就係咁樣發現。店面有懷舊feel, 入去既時候留意到好多人食豬扒飯，所以跟風點左肉燥豬扒飯同豬軟骨飯。野食上得好快，豬扒真係好正，炸到熱辣辣香噴噴，最難得係d肉幼嫩得黎又唔厚粉，好鬼juicy! 必食！我鐘意重口味所以加左d肉燥汁tim。豬軟骨都不錯，幾香口但又唔會太咸，雖然冇豬扒咁突出，但勝在冇咁熱氣。我地仲點左雞翼同蘋果汁，雞翼就一般，有小小咸，但個蘋果汁又ok好飲，佢隻牌子係香港唔多見有。埋單大約70蚊位，絕對會再去。

約咗人銅鑼灣打波，早到咗，見有時間，不如食個快飯。行下加路連山道同希雲街，見到茶仔都要45蚊一個晚餐。行過呢間，決定試下。呢間鋪仔細細，座位唔多。啲枱都full晒，所以我坐咗上吧枱。睇完點餐紙，諗緊食餐旦飯定炸豬扒飯，最後決定後者。由於鋪頭細細間，好快已經有人幫你落單。坐吧枱一路睇住佢炸豬扒，佢都冇停手。又堂食，又外賣，仲做埋網上外賣平台飯到，好香，即炸，豬扒夠大塊，成個碗咁大，炸得剛剛好，好味。下面既肉燥飯都好味。

與朋友在銅鑼灣四周行逛，最後決定在在加路連山道覓食，尋找朋友推薦的厚切豬扒。看到店外的牌子寫著「必食豬扒飯」，便知找對了。店內並不是很大，但環境給人感覺很舒適休閒，牆上掛著的兩幅漫畫（當時並沒留意到漫畫內容）之間寫著「我們都是吃豬大的」，的確，我真是吃豬大的😂點餐紙並不算是有很多食物，但也足夠加$4要檸檬c+和可樂下午時段熱辣辣實在要喝凍飲。先來了海蜇，微辣的海蜇即使是不太嚐辣的人也可以嘗試一下，真的挺開胃，滿滿的一碟，在閒聊中不知不覺便清空。來到主打豬扒飯了我叫了咖哩豬扒飯，而我的朋友則叫了肉燥豬扒飯。兩碗豬扒飯的豬扒真的大大件！而且全部都是厚切的！我吃的咖哩豬扒飯的汁與飯是分開上的，而我是先不倒汁，先吃了一口豬扒，感覺豬扒外皮炸的酥脆，肉很厚但不黏牙；再淋上咖哩汁，發現咖哩汁並不是很辣，味道很合我口味，配上香脆的豬扒實在匹配。而朋友的肉燥豬扒飯，看上去好像只有豬扒，肉燥在哪？原來肉燥藏在豬扒底下，肉燥飯甜味適中，吃的時候不算太油膩。另外亦叫了芝麻雞翼（走辣），雞翼也是炸的香脆，外表味道濃郁，正！想多叫一碟，可惜肚子已盛不下