好時沙嗲

Open Now

Now Closed

聽就聽得多，終於有朋友開口話去食呢間係尖東嘅好時沙嗲。八點上到去，冇book位，四個人等咗十五分鐘就有位，環境係一般般架啦。喇沙米粉，必食！有魚旦 豆卜 蝦仁，個湯杰杰地，米粉都算爽，好好味！四個人一人分到一碗。炒蘿蔔糕，用咗菜脯 蝦仁粒 蛋 一齊炒，似食緊甜嘅炒蛋。炒芥蘭，用蝦米仔炒，好香魚露 蝦醬個d味，應該每枱都有叫炒菜。肉骨茶，味精湯，好大碗湯 但得幾舊肉，後悔。咖哩雞，好杰 偏向酸味的咖哩，侍應話用咗酸籽去煮 酸係正常。唔好期望有一舊舊雞，因為已經煮爛哂 同個汁溶埋一齊。薄餅，脆嘅 好味！油飯，重椰香 少少甜， 唔似海南雞個d油飯，勝在夠大碗。四個女仔 埋單每人$100，飽住走，仲有好口渴 因為味精都幾勁。

今日準備食完飯就尖東睇燈飾，揀了好時沙爹，想不到商業中心之中，有一間幾似茶餐廳的星馬餐館。首先值得一讚，出菜速度超快，不用5分鐘，就出了3碟海南雞飯---個雞油飯唔似雞油飯，但好味，海南雞好滑有雞味，最正碟豉油，甘香得嚟又唔會太咸，賣$38好抵食加多加多---大大碟夠哂菜食，個汁好好味，夠花生味巴東牛肉---"諗"得嚟，唔會散哂，個味亦都幾香濃，唯一缺點就係太少咖哩角---以$20價錢，呢個質素無得彈，熱到爆，辣度剛好肉骨茶---我嫌佢唔夠藥材味，排骨都幾諗滑，可能迎合香港人星洲蘿蔔糕---夠乾身，唔會成口油，用好多蛋去炒，不過唔夠辣，無星洲風味(又迎合香港人?)總括而言：一定會再來

尖沙咀諗唔到食咩好,發現原來尖沙咀有好野食第一次來"好時沙嗲",已經9:15,雖然係星期六,但都幾乎坐滿人~我們坐低睇睇個餐牌,第一時間會諗到串燒(豬+牛),喇沙,肉骨茶~串燒: 最快到就係呢樣,可能燒定係出面有個爐烘住啦~一食落口好有馬來西亞風味,點埋個汁真係好味道暈(80分)喇沙: 我個人覺得椰汁放多左,湯底好咸........成碗粉又無乜湯.....雖然有蝦同埋魚片(魚蛋粉的魚片),但湯底我覺得唔得........結果要加熱水食埋佢.......(60分)肉骨茶: 湯都唔錯,不咸又不淡,藥材味不太搶味~又可以將湯內的肉送飯食一流(75分)我一定會推介這裡的串燒,真係好正

聖誕節出尖東睇燈飾,火車出到黎要醫醫肚先,即時諗起好時,對上一次食係朋友恒帶我去既..印象中唔錯..今次可以"番卓"兩個人叫左半隻海南雞半打串燒一碗肉骨茶兩個油飯埋單$180隻雞唔新鮮...唉不過而家都無新鮮雞買了算把啦...但由於天氣真係太凍連隻雞都凍到好似雪櫃拎出黎咁...=_=肉骨茶好味but少料,得兩舊少少既排骨少得可憐其實如果時間許可,我情願行遠少少食...