Silver Mine Bake

Open Now

Now Closed

🥯🫙🥡足料麻糬波麻糬酥▫️麻糬波波原味$25@6個，其他口味$35@6個，但只可以選2款口味☑️麻糬波波（肉鬆）☑️麻糬波波（朱古力）當日下午四點幾去到，抹茶味及紫薯味已經售罄，所以要左朱古力味同埋肉鬆味。波波都算大粒，外皮較硬，但肉鬆味入面比較空心，入面有少量鹹香十足嘅肉鬆。而朱古力味就比較實心，有好多半溶嘅朱古力粒，朱古力味好香濃，又唔會好甜，好味👍🏻會encore☑️麻糬酥酥 （開心果味） -$30一罐大約有8-10粒，好足料，每粒都包含左大量果仁及開心果，都香開心果味。仲有士多啤梨乾同麻糬喺入面，外脆內軟。

唔洗入到離島 而家好多地方都開設左呢間人氣梅窩麻糬王嘅分店😚已經回購過好多次 終於試齊晒全部味💕店員話下星期會出榴槤味 鍾意食嘅千祈唔好放過🧡.📌有餡mix $35/6麻糬波波口感唔錯 煙韌有咬口 外層帶點硬脆🥰但略嫌包體太薄 冇軟糯口感 餡料都唔算多 好空心🙈.1️⃣原味食落出奇地蛋味濃郁又香甜 再加入粒粒黑芝麻 更香口 個味有啲似芝麻蛋卷🖤.2️⃣肉鬆內餡係鹹鹹甜甜嘅肉鬆 好有咬口 同香甜原味包身嘅芝麻好夾🐷.3️⃣朱古力深啡外表唔係得個樣 內外都有朱古力粒粒 焗熱番半融 可可甘甜味幾濃郁 唔會好甜🍫.4️⃣芝士夾心係車打芝士片 但同包身好分離 食落甜味較重 芝士鹹香唔突出 感覺似係原味 再加啖芝士咁🧀️.5️⃣抹茶紅豆茶底夠苦澀 有茶香 但少左份回甘 味道偏似綠茶多過抹茶🍵紅豆蓉香甜綿滑 仲帶點原粒咬口🫘.6️⃣紫薯上環分店獨有口味✨紫薯餡綿密香滑 味道清甜 不過原本包身帶甜味 配合起嚟甜度相對較高 但呢款內餡同包體比例好好💜

今日路經上環，記得附近有一間出名賣麻糬波波嘅舖頭，所以順路去咗買嚟試吓！去到嘅時候係朝早9點半，啱啱遇到朱古力味新鮮出爐，買咗之後即刻趁熱食咗一粒，麻糬波波外皮脆脆地，裡面仲有流心嘅朱古力，朱古力味好香濃，而且一啲都唔甜。另外仲買咗肉鬆味，中間放滿肉鬆餡，外皮加咗黑芝麻，令味道冇咁單一，呢個鹹味嘅麻糬波波都值得一試！整體來講，呢度嘅麻糬波波口感唔算非常煙韌，但係好夠份量，外皮香脆夠厚，中間唔會係空心。