十十四川料理 (Closed)

係元朗想舒舒服服，近近地唔想行咁遠一定係YOHO 搵食十十酸菜魚聽同事講過，價錢十分超值不過講緊係個lunch set放工又口痕，想食所以dinner 都照去，試試佢環境一流仲可以帶狗入面都係keep住個高水準仲有bar. 有cocktail 飲老壇酸菜魚（小辣）例牌$198重酸，唔太辣魚肉多，菜都好多仲有粉食花雕醉雞 $88入味，自己屋企煮唔到胡椒沙白豆苗湯 $88清清地，飲個湯又有菜食唔錯宮保雞丁 $88味道夠比較健康，d 雞冇炸過老幹媽炒年糕 $88重口味必叫一定滿足到你

第一次食 叫左三樣野：1. 胡椒沙白豆苗湯👍🏻個糖味道唔錯 胡椒味重而且濃郁 可以沙白有沙 仲有一隻冇開到口 湯份量唔多 2碗多d 沙白有8隻2. 乾鍋肥腸👌味道唔錯 肥腸夠乾身 有d脆脆地 3. 極度失望酸菜魚🥲🥲份量黎講兩個人食係足夠 芽菜同水晶粉都頗多但魚冇入味 而且有腥味湯頭過份地酸 第一次食到咁酸既酸菜魚 特別食湯入面既水晶粉時 酸到面頰軟最終真係冇辦法入口🥲🥲 問左職員可唔可以加d淨湯落去溝淡d 職員解釋魚湯係逐個煮冇辦法加到 不過可以比我地換第樣最失望係個職員唔相信我地 認為我地生事所以有第四樣嘢出現：4. 回鍋肉炒麵👌味道偏重 有d鹹 回鍋肉都頗多既

位於元朗形點1期地下嘅川菜館， 位置一流， 裝修簡約和時尚， 我哋三個人食飯坐咗卡位， 自成一角， 傾計食下嘢真係好舒服。 今次叫咗胡椒沙白豆苗湯、招牌酸菜魚、香辣薯條、重慶炸酥肉和成都口水雞。 胡椒豬肚湯嘅胡椒味做得啱啱好， 蜆肉大隻， 菜苗新鮮; 酸菜魚味道正常； 香辣薯條即叫即炸， 新鮮熱辣； 重慶鬆肉係我推介嘅， 不肥不膩， 鬆香可口； 不過口水雞就唔好食， 完全冇雞味。 佢哋茶錢每位十蚊， 加埋服務費，埋單550蚊。 呢間餐廳嘅環境、衛生、服務和食物質素都幾好， 價錢合理，讚！

一個風和日麗嘅中午，陽光普照，係太陽山下嘆番個西式午餐先，喂，唔好搞錯，係中式午餐先啱室內西式嘅佈局，掛咗唔同嘅吊燈，今日竟然可以係一間咁西式嘅餐廳食四川菜，果然夠晒特別首先叫咗一碗湯兩份share，浮喺面嘅係豆苗，仲加咗啲蜆肉一齊煮，最後加啲胡椒粒，感覺上有啲似平時飲開嘅胡椒湯，但會多咗啲蜆肉嘅鮮味蔥爆炒牛肉大量嘅蔥當然唔少得啦，咁樣就可以令到牛肉吸收晒蔥嘅味道，食起上嚟就唔會咁腥，仲可以帶出牛肉嘅牛味添你間餐廳水準相當之高，因為呢個糖醋魚塊嘅表皮係非常香脆，好少地方可以做到呢個效果，真正嘅外脆內軟食咗咁多餸梗係要食返個麵啦，擔擔面餐牌上面寫話唔辣，但最後都食到有少少辣，麵質黎講係相當之煙韌，非常好咬回鍋肉既麵就相對比較軟身一啲，但份量非常之多，仲要辣辣地，夠晒惹味