米線哥 (Closed)

行街行到天黑黑， 行到太子搵野食，成條街都好多餐廳，好多選擇下最後揀左米線哥。我地叫左一碗胡椒豬肚雞米湯，一碗藥膳麻油雞米線。胡椒豬肚雞米線$55上左枱先飲一啖湯，好重胡椒味，幾香，唔會好鹹。豬肚同雞都有好多件，雞肉好大嚿唔會好鞋，最欣賞係佢有好多我最鍾意嘅蟲草花。藥膳麻油雞米線 $52藥膳麻油雞啖湯有微微既麻油味， 有蟲草花、紅棗、龍眼肉、杞子、木耳、金菇。最令我印象深刻既係員工好細心😂 當日男朋友叫左杯熱鴛鴦，諗住食完先至飲，跟住有個職員行埋黎話見到杯野有小蚊子飛咗入去（一開始真係冇事），佢主動幫我哋換一杯新嘅，真係好細心，特此讚賞👍🏻👍🏻👍🏻😆😆😆

行經太子米線哥見到做緊「盛夏福利祭」，第二碗米線半價&所有小食8折，仲由7月做到9月，認真抵玩！我地太肚餓嘅關係一坐低就叫左兩碗米線、兩個小食同兩杯飲品🤩✨胡椒豬肚雞米線 - 勁多黑胡椒粒同白胡椒，個味勁出，胡椒同豬肚唔知點解成日都配埋一齊但又真係幾夾😂d 雞都算大舊同嫩滑，杞子&蟲草花夠補、啱晒養生嘅我😆✨水煮豚腩片米線 - 叫左微辣都已經好辣下🥵但幾香蒜味，豚腩片份量都多，鍾意食辣嘅可以挑戰下😎✨6DEE雞 - 個名幾過癮，一上枱就聞到孜然味好香，個皮亦炸得酥脆🤤✨蒜泥白肉 - 開頭見到個色仲驚緊會好辣，但原來食落口又唔覺辣，而係蒜味好濃，而且塊豚肉夠薄切，易入口又惹味😋✨凍檸百事 - 食完熱氣&辣野飲返杯凍嘅肥仔水，即刻好滿足🧡✨熱奶茶 - 正常發輝，質地幾幼滑👍