新記雞粥 (筲箕灣道)

Open Now

Now Closed

平時去開旺角都會見到有間元朗新記雞粥, 朋友都會話係元朗數一數二必食,但總係無機會試到~最近發現筲箕灣都開左一間, 去完附近玩就去左試下貴妃雞粥（$52）見係呢度招牌食物, 當然要叫個貴妃雞粥試試啦! 不過一向貪心嘅我就多手加埋個鮮蟹（$15）粥底呈淡黃色, 煲得好綿滑, 湯底吸收作雞肉精華, 充滿雞味又唔會好油 裏面嘅雞肉依然鮮嫩, 而且分量夠多加埋蔥花一流！脆皮乳鴿另一個招牌食物 – 元朗炸乳鴿, 即叫即炸, 所以皮夠香脆，店主話係浸過係30年滷水所以好入味，味道層次更加豐富~因爲乳鴿偏大隻,所以部分位置肉汁唔夠, 但整體肉質都夠嫩滑~如果有手套供應就食得更方便！酥炸魷魚鬚 （$55）呢個係必點小食!魷魚鬚炸到熱辣辣, 口感鬆脆非常香脆可口, 唔會成口炸粉~魷魚肉地好又彈牙, 食得出係新鮮魷魚！仲要每一條魷魚都係大大條,份量十足!到最後食到好飽都忍唔住叫多個紅棗糕做甜品, 上碟竟然有4大舊, 好滿足

好耐都無同呀媽出街食過飯喇，不過見疫情開始緩和，佢又肯出去，於是我哋就坐船去咗筲箕灣嗰邊行下，同食午飯。呀媽口中就話乜都啱食，實際都係鍾意食港式粥麵多啲🤣，咁「新記雞粥」就最適合不過。餐廳好多街坊幫襯，可能又搭正下午茶時段，我哋都等咗兩張枱先入得。環境同茶餐廳無咩分別，坐得有少少逼，不過都可接受😉。餐牌成本書咁厚，食物選擇多到一個點，你以為佢得粥食？非也非也。呢度有齊粥粉麵飯、晚飯小菜同涼拌小食等等，花多眼亂🙈。一場嚟到，我哋就梗係要試佢嘅名物：貴妃雞粥($52)🐔，基本上枱枱都有叫。呀媽本身十五十六、又想試埋黃鱔粥，好在生滾煲仔粥係可以追加配料㗎！我哋額外加咗$12要黃鱔，咁就唔駛煩啦～。粥底煲到好綿好入味，最估唔到係啲雞件嘅肉煲完都仲能夠保持嫩滑，雞味亦唔會無哂。至於追加嘅🐟黃鱔味道都幾好，唔腥，口感爽脆。不過粥量唔算特別多，本身以為煲仔上會好大窩嘛。脆皮乳鴿($65)，炸乳鴿好正，就算唔點淮鹽食都好夠味👍。乳鴿好好肉，皮夠脆，唯一美中不足嘅地方就係因為喺街食，食得無咁方便、唔好意思用手食。酥炸魷魚鬚($55)，🦑魷魚鬚勁高質，條條都好大條，加上肉質一啲都唔韌，呀媽都讚好。外皮酥脆

今日突然想食腸粉就嚟咗屋企附近嘅新記雞粥食晚飯🍚前菜叫咗海蜇手撕雞🐤依到嘅海蜇肉質厚實 鬆脆煙韌加埋嫩滑嘅手撕雞肉配上芝麻醬 麻油 芝麻酸酸甜甜咁 凍凍哋夏天食真係好開胃😗另外仲叫咗餐牌推薦嘅元朗馳名脆皮乳鴿👍🏻依個真係必叫招牌菜啊💕上碟大大隻 熱辣辣 食落啖啖肉 外脆內嫩又唔會油膩唔洗點鹽鴿肉都夠味依個價錢真心抵食😎腸粉叫咗叉燒腸同炸兩😀炸兩依樣野一定要襯熱食🥢脆卜卜嘅油炸鬼加上薄薄嘅腸粉皮再加埋甜醬 麻醬 鼓油 芝麻我哋勁快清晒成碟😋叉腸皮薄餡靚 即叫即整腸粉皮滑捋捋再點埋鼓油又係秒速清晒😛主食叫咗個帶子豬潤炒麵帶子同豬潤嘅份量都幾多架😗我超級鐘意食豬潤嘅依到嘅豬潤都叫爽脆鬆軟 大大塊值得一讚嘅係佢個麵炒得好乾身味道又唔會過咸 好食！最後食埋個甜品芝麻球新鮮炸起熱辣辣好香芝麻味 外皮煙韌加埋入面甜甜哋嘅紅豆餡係完美嘅一餐❤️

為左擁有健康體魄來抵抗病毒，我承諾自己一星期至少食兩日粥，不過食白粥太單調，朋友話想食雞粥，上網一睇發現新記以雞粥聞名，而且筲箕灣有分店，於是相約朋友放工後食雞粥。原來粥都可以有咁多選擇，一共十四款，當中有八款係聞所未聞。- 雞粥🥣雞粥屬於廣東粥之一，質感比較稠身，粥底相當綿滑，加上雞油滲曬落粥底，更加滋味。份量方面可以分到四碗㗎！- 酥炸魷魚鬚🦑魷魚鬚果然酥脆，唔會油淋淋，外脆內爽口。- 腐乳通菜份量幾多，賣相差少少，有幾條通菜出曬界，通菜炒得幾爽口。- 脆皮乳鴿「皮脆肉嫩、色澤紅亮、鮮香味美的特點，常吃可使身體強健，清肺順氣。」以上係網上形容出色乳鴿既段落。身體強健呢啲有待求證，不過新記既乳鴿的確做到頭三點。總括來說，新記幾抵食，四道菜都唔駛$250，而且食左新記雞粥真係翻唔到轉頭。