DINELAND

Open Now

Now Closed

我媽媽自從去過呢間餐廳食過第一次，就每次入屯門都指定要食呢間😂今日照舊點咗每次必食既咸豬手（落單時要碎上，否則自己切會冇咁方便），好鍾意呢間既咸豬手，唔會太咸，皮好脆肉又juicy。意大利飯都好好食，辣肉腸係切粒而且都幾多，所以每一嗒都可以同時食到飯同腸。今日食牛脷飯就普通啲，而且飯有少少硬。生蠔好新鮮，南瓜湯好香好滑。其實上一次去係上一個月既事，今日去侍應唔同晒，之前果幾位較cool，今日見到果2位好nice，仲有幾分鐘先至夠12點，但佢哋見我哋有老人家同行，比我哋早少少入去坐，唔洗我地企响門口食風，見到佢哋好忙但仍然面帶笑容招待每一個客，的確好抵讚👍🏻

真心推Dineland做屯門建生no.1 西餐！今日8號風球又唔想煮嘢食,就用左openrice app order 左脆皮德國咸豬手配蜜糖黑椒汁lunch set 😍 用埋恒生+openrice優惠只係用咗$45，豬手好大隻夠兩個人食㗎 😍多謝佢地係8號風球之下都保持熱誠、做有溫度的食物😍豬手外賣都做到外脆、裏面多肉汁，非常高質*tips: 1. 記得要寫「請幫幫我切片」佢地就會幫你切靚靚 😍豬骨會另上、大家可以用來煲湯2. 逢星期日至二用恒生+FUN Dollars埋單可以$30 Cash Dollars即時當HK$60使用

趁著年廿九的日子，和好友來個短聚。大家都是屯門友，決定來這間「Dineland」用午膳。當天餐湯是雜菜湯，盛載著頗多菜蔬，非常足料。但整體味道略嫌有點偏淡。香氣濃郁的青醬，入口感受到羅勒、蒜香等味道，和雞肉搭配起上來非常match，朋友的心更是被它俘虜了。貓耳朵意粉煮至帶煙韌感，而且更是非常掛汁。以這個價錢吃到原隻脆皮咸豬手，也算是頗為抵食。豬手皮非常香脆，肉質腍而惹味。不過由於原隻上碟，切起來費勁又有點狼狽（後來和另一位曾到訪餐廳的朋友提起，才得知可以要求餐廳代切，建議店員可以主動問客人有否此需要。）。豬手蘸上蜜糖黑椒汁，甜鹹味道夠特別，令味道層次更豐富。餐飲是普通一杯熱檸茶，沒什麼特別。

今日去了屯門良德街一間餐廳「Dineland」食午餐，Lunch Menu 價錢由 $68 - $298 不等；最估唔到就係餐廳竟然有「生蠔」食，只需要另加 $20 就可以食「精選生蠔2隻」，一於試吓先，最後我哋叫咗 2 個午餐，包括：1️⃣ 黑糖麵包2️⃣ 羅宋湯 x 18️⃣ 沙律 x 13️⃣ 生蠔4隻 (+$40)🦪 生蠔細細隻，但都算新鮮4️⃣ 厚切咸牛脷配白飯 $78👅 咸牛脷有3件，件件都好厚身，味道唔錯5️⃣ 脆皮德國咸豬手配蜜糖黑椒汁 $98🐷 咸豬手 外層整得好脆口6️⃣ 熱檸檬水 及 熱咖啡整體來講：價錢合理，味道唔錯，有機會的話會再幫襯價格💰：$216

今日午餐，唔知食咩好，行過見到有間新開的西餐廳，所以就入去試下，這餐廳的裝修幾清新，餐具也看得出有細心選過。這裏有Set lunch 提供，所以我同朋友都叫了是日餐湯 - 今天是蕃茄湯，蕃茄湯是用上新鮮蕃茄打碎做成，所以飲落好有蕃茄味。是日沙律 - 沙律的菜很新鮮，加上了少少胡麻醬，很醒胃所有午餐都可以加 $20 就可以有精選生蠔2隻，生蠔食落好鮮甜，我覺得值得加錢食主菜點了脆皮德國咸豬手配蜜糖黑椒汁 ($98) - 咸豬手十分入味，皮也炸得很脆，肉不會炸到很柴，還很juicy，配得薯條是用薯仔做的，非常用心。另一個主菜點了慢煮西班牙豬鞍扒配蜜糖芥末籽汁 ($148) - 豬鞍扒大大塊，肉我覺得柴了一點。朱古力心太軟 ($22）飲品點了熱朱古力熱咖啡

朋友屋企附近新開了一間西餐廳「Dineland」，餐廳地址為於屯門良德街3號豐連地下，今日一於去食個Lunch，我們叫了：《Lunch》x 21️⃣ 慢煮西班牙豬鞍扒配蜜糖芥末籽汁 $1482️⃣ 脆皮德國咸豬手配蜜糖黑椒汁 $98以上套餐均配- 麵包、是日餐湯 (番茄湯) / 是日沙律- 茶或咖啡 (熱朱古力、熱咖啡)《Add on》3️⃣ 精選生蠔2隻 (2 x $20) $404️⃣ 朱古力心太軟 $22整體來講：生蠔雖然唔大隻，但都算肥美，甜品都唔錯；生蠔🦪及甜品🍮兩款Add on食物都性價比高，值得一贊總數💰：$308