樂天經典

Open Now

Now Closed

餐廳在日出康城都好有名既小炒,成日都大排長龍,所以今日就特突早d去食,輕鬆d,佢既小菜真係做得好出色,而且價錢都好親民,所以都好鐘意係度食飯。蝦味魚子蝦球炒飯(小) $78嘩,真心炒得好香、好有水準,而且魚子既口感令整個炒飯生色不少,每一口都有魚子既口感。脆脆咕嚕肉 $98依個真係現場食先食到咁脆既咕嚕肉,外賣就真係另外一回事了,而且佢既配菜都好足料,菠蘿、紅椒、洋蔥都好有心機整既。脆皮蝦醬雞翼 $98依個就真係必點啦,有8隻,而且每隻都炸得好香脆又好味,色香味俱全,係好香濃既蝦醬味道。蒜蓉炒西蘭花 $78家常便飯必有既菜色,完全係媽媽既味道,好正~最後,想讚依度既職員真係好細心,知道我地好想睇人溜冰,特突幫我地推一推張枱近d,真係唔會間間餐廳咁好既。欣賞~

樂天經典係樂天餐飲集團既餐廳，最近係日出康城開左分店。比起之前食過既樂天皇朝，菜式偏向經典星馬菜，價錢亦實惠。其實之前叫過樂天經典既外賣，不過等左勁耐，食物味道唔錯。今日決定俾多一次機會😤，試下堂食。- 星馬金磚豆腐豆腐好大件，炸粉非常非常薄😍，入面口感滑嫩，而且有十件，真係超抵食。- 脆皮蝦醬雞翼炸雞翼脹卜卜，外皮好香脆，蝦醬香口非常入味，肉質嫩滑，一定要趁熱食！- 馬來風光空心菜加埋辣椒同洋蔥一齊炒得好香，辣度無咁辣，比較適合香港人。- 馬來海鮮麵馬來醬汁加上蕃茄同青檸汁，味道層次更豐富。- 大蝦燜米粉米粉完全索曬蝦湯既精華，非常惹味，配料包括兩隻肉質彈牙既大蝦、肉片、芥蘭。例牌既分量都足夠兩個人食。整體而言，每道菜式都唔錯，上菜速度好快，上次外賣可能係個別事故🤣