禮 (天光道) (Closed)

非常有格調嘅一間居酒屋店舖面積唔係好大所以最好都係預早book 定位入面放滿各式各樣嘅酒不過叫得sake bar, 梗係sake 最多啦！紫菜芥末八爪魚 📍成碗八爪魚上枱，份量都幾多嘅前菜😄 放落啲紫菜到夾住一齊食，別有一番滋味香蔥吞拿魚脆脆 📍吞拿魚蓉壽司就食得多，放落脆脆餅到真係第一次，即刻成個口感多咗幾個層次鰹魚他他 📍魚味濃郁，切得唔會太薄又唔會太厚，口感岩岩好甲羅燒 📍滿滿嘅蟹膏蟹籽，撈埋一齊真係好正 👍🏻 絕對係我每次去居酒屋必點嘅南蠻炸雞 📍外脆內軟，而且唔算太辣，夠惹味素食媽媽棒 📍好用心嘅素食，食落同平時啲雞捧無咩太大分別，真係用足心機搵材料呀 👍🏻 加埋面頭嘅鹹蛋醬，幾特別燒魷魚 📍原條燒魷魚 🦑 燒得好香好夠味，鮮味出哂黎之餘仲有醬汁調一調味，唔錯青提豚肉卷 📍大愛呢個 ❤️ 青提清新得黎又甜甜地，可以解咗豚像嘅油膩感，食多幾粒都得呀 脆皮風鱔 📍外皮超脆身呀 ❤️

晚市堂食開返之後第一樣好想做嘅嘢就係試吓礼嘅晚市之前食左太子分店嘅八道菜午市定食極豐富對佢嘅晚市一直好多幻想睇左Openrice知道價位唔低適逢生日家姐就豪氣地請我食生日飯🤤今次嚟到土瓜灣分店裝修同太子分店都幾唔同超多打卡位 環境非常有日本感覺Bar枱簡直錦上添花😍😍講明豪氣真係唔手軟首先叫左極上刺身四品盛($488)睇完個價位我都嚇一嚇但侍應姐姐解釋因為用最上等拖羅同油甘魚等等 絕對值回票價 我同家姐都好鐘意食拖羅所以就放肆一次😂😂😂😂😂刺身厚切鮮味十足 四品分別係 赤身 拖羅 油甘 鯛魚即使赤身都隱隱食到魚油香味拖羅更加唔洗講用入口即溶形容絕對唔誇大完全冇咀嚼就可以吞🤤🤤🤤家姐同我都十分驚歎😆不過呢個價位我就只負擔到大時大節食😭串燒亦同樣出色比專門串燒店更好食😭叫左媽媽鹹蛋豬肉棒($48)同埋脆皮風鱔 ($88)兩樣都係招牌菜式鹹蛋豬肉棒應該呢度先食到雞肉棒上面特製醬料好惹味雞肉棒外脆內軟 絕對唔係呀媽鹹蛋蒸肉餅😂脆皮風鱔亦係燒到皮脆肉嫩彈牙口感豐富 🤤兩串串燒比人感覺都係火喉控制接近完美 😭😭冇諗過香港有咁高水平嘅居酒屋芝士玉子燒($78)聽個名好普通但絕對係我香港食過嘅玉子燒三

最近成日都會好懷念去旅行嘅日子，尤其是而家去唔到日本旅行，更加想去尋找一啲日本嘅感覺，最容易嘅就係去食一啲日本菜啦😋之前已經去過九龍城食過呢一間「禮」居酒屋，知佢開咗土瓜灣分店更就腳，就同屋企人試吓。好記得去九龍城分店，係好好味好enjoy嘅一餐，氣氛，情調都好好，食物更加唔使講。今次去到土瓜灣分店都冇令我失望，一進門口已經見到一個好大個嘅月球裝飾，好靚！襯埋旁邊嘅酒牆，同埋師傅嘅廚房裝束，單單靠望都非常愉悅，氣氛好好。我哋點左唔同嘅幾款嘢食，首先嚟嘅係極上刺身四品盛。刺身一上碟令我哋非常讚嘆嘅係每一件都好精美，好鮮嫩，好透亮。仲要大大件，好吸引。每一件刺身都會配搭少少配菜，例如帶子會配搭檸檬片，青檸片，仲有少少海草海帶。每一件刺身都可以沾上少少檸檬汁，口感更加新鮮，仲可以癖除刺身本身帶有"生"嘅味覺。之後就係食呢個厚切牛舌，帶少少鹽香，燒到剛剛好，油脂啱啱好。另外要提一提嘅就係呢個脆皮風鱔，皮脆肉嫩，好好食。醉酒花螺就稍為辣咗少少，我哋唔係太食得辣，但係好惹味，而且啲花螺都好彈牙。居酒屋唔少得嘅梗係要叫一個玉子蛋燒啦。蛋入面包住芝士，蛋都好滑。最後就係上埋呢個吞拿魚壽司盛！吞拿魚顏色

裝修採用日式風格，仲掛住大大個月球好吸睛，營造出喺月光下面享用美食嘅悠然情境，感覺浪漫溫馨。蟹羔玉子燒 ($88)金黃嘅蛋皮包住滿滿嘅蟹膏，味道香甜咸鮮，口感濕潤，鬆軟柔滑，味道口感一流！媽媽鹹蛋豬肉棒 ($48)豬肉棒肉質嫩滑，充滿油脂香同鹹香，油而不膩口，齒頰留香。脆皮風鱔 ($88)鱔肉燒到金黃色，魚皮脆卜卜，肉質鬆脆香軟、入口彈牙而無骨，令人回味無窮。 黑松露A6和牛三文治 ($368)金黃香脆嘅麵包夾住粉嫩嘅和牛，再加埋黑松露同金箔點綴，好吸引！和牛柔軟香滑，肥嫩多汁，油香豐富，入口即溶，加埋黑松露香，令人回味無窮！兵庫縣室津生蠔 ($58/隻)肉質肥厚飽滿，入口啖啖肉，蠔味澎湃亦帶有陣陣嘅海水味，口感爽滑。礼 八貫手握壽司盛 ($368)質素相當優質，款款新鮮鮮甜，食得滿足！帶子大粒又厚肉，軟綿鮮甜，清新可口。海膽份量多又肥大，仲好清楚睇到每一瓣海膽嘅紋理，質感細膩，入口即溶。