坤記煲仔小菜

Open Now

Now Closed

冬天好凍凍嘅時候就最岩食煲仔飯拉埋個朋友 就算兩個人都可以食得好豐富首先因為無book到位 所以要等位等15分鐘但都接受得到 畢竟呢間都算係遠近馳名嘅煲仔飯首先叫咗啲小菜黎試下就揀咗自己最中意嘅西檸雞 真係好好味雞肉去曬骨 然後炸得好脆口 同時一啲都唔油膩配合埋啲檸檬真係正到爆 檸檬好入味好香然後嗌咗個椒鹽鮮魷因為朋友鍾意食魷魚魷魚都無令人失望 炸得好脆而不失魷魚鮮味魷魚本身好新鮮好爽口 真係會一舊接住食一舊最後期待已久嘅煲仔飯終於都到啦仲專登加咗粒蛋等啲飯撈埋嘅時候滑啲香啲臘味好正好入味 而且雞肉肉質都好林成個煲仔飯真係好香 果然係冬天必備

聖誕晚餐...係港島行行下... 唔知食乜好...其中有人suggest坤記. 其實已經打左幾次電話去, 但都冇人聽...冇book到台, 希望咁早 (6pm) 唔會咁快爆掛...點知, 去到, 只不過係6點, 所有台都已經book哂!得返一張! 好彩!!! 再加上我地已經齊人, 所以阿姐就俾張台我地咋~哈~ 好彩! 為免等得太耐, 所以我地好快咁order左以下呢幾個菜:鴛鴦腸煲仔飯 (要等約15mins): 好味! 勁正囉~ 天氣凍, 最好就係食d咁熱既野! 好多豉油, 又有飯焦. 真係一流既煲仔飯.臘腸唔錯... 至於另一個腸我不嬲都唔食, 所以唔知個味道係點.不過我估都好味既~ 臘味滑雞煲仔飯 (要等約15mins):呢個都正! 個雞真條幾滑下~再加上豉油, 真係正到呢 (仲係回味中! )...不過一坐低真係要叫, 唔係有排等~豉椒炒蜆:呢個就普通. 因為有沙, 所以要扣分~同埋好多吉殼, 入面都冇肉既 (定係我次次都咁唔好彩, 夾到d吉殼?!)! 不過個汁幾正, 夠入味!炒芥蘭:好新鮮, 好爽, 好甜!夠大棵, 一個字: goooood!不過略嫌細碟左dd~多幾條芥蘭會開心d

除夕日放早, 天氣又開始凍, 所以決定試下西環聞名已久既坤記煲仔飯 見到各位食家既食評, 知道呢度訂位既重要性, 所以一早打左去訂位, 但老闆娘都話已經full左, 不過就話筆者果段時間應該都好快有位, 可以留左名先 坐叮叮去到附近, 見到"坤記", 望左兩眼, 發覺應該係新鋪, 新鋪要等位, 而且個老闆娘連應我地多一句都懶, 既然舊鋪叫做有訂位, 何不去舊鋪碰碰運氣呢?去到舊鋪, 人的確比較多, 不過好在筆者只係兩位, 加上真係有打過電話黎, 所以都算快有位坐, 再見d無訂位既人黎, 老闆娘好直接話無訂位既今日唔駛等了只係叫左枝竹羊腩煲 & 臘味滑雞煲仔飯, 始終兩個人眼闊肚窄...枝竹羊腩煲 - 話咁快已經黎到, 一路係你檯面煲, 味道嘛, 羊腩切得細件入味, 羊亦都有羊味, 唔會太羶配料有馬蹄, 枝竹, 係岩岩滾既時候大家要試一試啖湯, 筆者覺得唔錯的見到有食家話羊腩煲細, 其實兩個人食已經好夠臘味滑雞煲仔飯 - 煲仔飯等既時間比較長, 可能因為order多 & 即煲既關係筆者開頭既諗法係, 等埋個煲仔飯黎一齊食羊腩 & 撈汁, 所以一直慳住食羊腩, 呢個諗法係個煲仔飯黎左之後就