Ruby Tuesday (Closed)

朋友有Ruby Tuesday member card, 梗係要去食返餐啦，50%discount喎，為咗就朋友，去咗荃灣分店。裝修都係咁昏暗，好有情調，不過今次我地帶咗2個小朋友，佢地有kid menu，仲有顏色筆畫畫，Ruby Tuesday真細心，大人可以開開心心咁傾吓計。我地先點自助沙律，一向都好喜愛自己砌嘅沙律，而家唔係好多地方有， 梗要喺度玩下啦。 技術差，砌得唔係好多，見人地嗰啲砌到好高。再點咗個原味豬肋骨ribs， 分量夠晒大, 肉質淋， 醬汁好入味，side dish係薯蓉，薯蓉好滑。另外，點咗兩個兒童餐，一個係巴馬芝士長通粉，小朋友次次都係點呢個，佢話好好味，想分一條試下都唔俾。另一個兒童餐係迷你漢堡包 加薯條， 份量有兩個，小朋友食咗少少， 佢哋只係掛住食薯條 ，反而大人食咗大部分。 牛肉漢堡好juicy， 個包脆卜卜，正……。朋友儲夠3000積分，換咗兩杯mega fruit passion drink。嘩……真係 好大杯, 唔介意 一杯兩個人飲到好足夠。兒童餐送兩個朱古力 蛋糕， 熱嘅朱古力蛋糕真係好好味， 出面好少食到。呢度食物味道唔錯，不過正價真係好貴，如