山東小城 (西洋菜南街)

Open Now

Now Closed

呢一日出開太子，睇吓bookmark有邊間想試，見到之前save咗嘅呢間，俾佢又有餃子，又有我鍾意食嘅小食吸引咗🤤餐廳喺始創中心附近，7點幾去到等咗一陣位排緊隊嘅時候，職員已經話餡餅要耐啲時間，如果想叫可以早啲落單，一坐低，即刻叫咗個 #京蔥羊肉餡餅 $34包面好脆！爆餡又juicy，要襯熱食～好快決定到叫咩小食😎叫咗我最愛嘅 #醉雞卷 $45雞幾滑，好入味，超醉😍 仲跟半隻醉蛋👍👍呢個必點！❤️另外仲叫咗 #麻辣豬耳 $40麻辣香之餘，仲有醋香，酸酸地連啲青瓜紅蘿蔔絲都好食，好開胃！清晒成碟😂餃子好多款都想試，又想飲酸辣湯，糾結叫邊樣😂😂😂最後揀咗特別啲嘅 #墨魚荢薺餃 ，本身想叫淨餃10隻，另加酸辣湯，職員聽到我地糾結咗好耐🤣佢話 #山東正宗餃子 係無跟湯，但因為迎合香港口味，可以跟湯或者酸辣湯，建議我哋可以揀 #酸辣湯墨魚荢薺餃 ，就可以一次過滿足晒兩個願望😂餃子脹卜卜，咬咬吓有馬蹄口感，感覺唔錯又特別酸辣湯用料足，酸辣啱啱好👍#自家製山楂茶 $10甜度剛好又解辣，好啱我哋飲❤️另外仲跟咗碟 #自家製麻辣菜甫 麻辣好香！啲餸未嚟已經忍唔住食😂門口仲有一樽樽可以買走😍都係$15/樽，買

話說琴晚臨訓睇YouTube，彈出Kiki&May介紹大角嘴美食，睇完餓住咁訓覺🥹訓醒仍然對影片中介紹的墨魚餃子念念不忘，立刻google 吓間小店，原來太子都有分店喎！今日午餐就決定嚟呢間餃子店～《山東小城—太子分店》，餃子店假日下午依然滿場，小妹與朋友入座都吧枱，面壁欣賞牆上手繪圖畫，再細看餐牌，遠看見到員工即包餃子，餃子皮內是爆多肉餡，睇見都流晒口水，小妹二人最終揀了兩款小食、兩款餃子及兩杯山楂茶。兩款小食分別選擇了比較稀有的《千層豬皮》及《涼拌白菜心》，兩者酸酸甜甜非常開胃，特別是千層豬皮超香芫荽味，豬皮咬落爽口，涼拌白菜心酸甜惹味，配上餃子簡直一流！（千層豬皮美味程度係最後都另外嗌多份拎走😍😍）原本係諗住嚟食最出名嘅墨魚餃，非常可惜的是剛好賣晒，老闆娘話未包得切🥹🥹只好選擇第二推介的京蔥羊肉煎餃🥟，羊肉煎餃外皮脆、京蔥味香、鎖晒啲湯汁，咬落爆汁，五隻份量剛剛好，非常滋味！朋友則揀了湯餃7隻配蝦皮紫菜蛋花湯，餃子🥟選擇了鮮肉粟米香菇餃，餃子皮薄爆餡、粟米大大粒，紫菜湯飲落好舒服解油膩😍一邊享用美食、一邊飲用自家製山楂茶，真係超級滿足😌，希望下次有機會嚟食到出名嘅墨魚馬蹄餃啦❣️

聽聞太子有間餐廳推出了香港首創的手製墨魚水餃，作為一位嗜吃餃子的饕客，又豈能錯過?📌墨魚荸薺餃併京蔥羊肉餃(10只)🥟親切的店員向我推薦可以雙併兩款招牌餃子，讓我一次品嘗不同風味。餃子全部都大大隻，粒粒脹卜卜，令人食慾大開。墨魚荸薺餃以墨魚汁製成黑色外皮，餡料散發著醇厚的墨魚鮮味，餡內含有爽脆的馬蹄粒和墨魚肉，食落層次豐富。京蔥羊肉餃，餡料與皮的比例均稱，羊肉鮮味香濃帶微羶，配以京蔥，嗜羊者定必喜歡。📌酸辣湯黑糖醋豬軟骨麵🍜酸辣湯料足味美，有木耳、豆腐和冬菇等食材，入口香濃回甘。麵條軟硬適中，豬軟骨肉嫩有嚼勁，黑糖醋汁酸甜適度，有助中和油膩感。📌洋蔥牛肉餡餅🫓即叫即做，熱氣騰騰，皮薄餡靚，惹味爆汁。餅底薄而酥脆，餅面煎得金黃，店員貼心地把餡餅開半，避免咬開時爆汁焫親。建議吃時再淋上碟底的肉汁一齊享用。📌山東牛肋肉🥘牛肋肉燉煮入味，肉質軟嫩多汁，搭配清脆的白菜仔非常適宜，可以中和牛肉濃郁的口感。📌自家製豆漿🥛濃郁的豆香，恰到好處的甜度，不但可以解辣，還富含營養，是佐餐的不二之選。📌自家製山楂茶🍷酸甜適中的山楂茶，開胃消滯，有助消化及解脂，無疑是此頓豐盛大餐的完美搭配。每一道菜式都是廚師的

再次回訪，上次食大角咀分店，今次去太子分店兩間菜單有啲唔同，太子呢間多好多選擇，好多都想試🤤有假日晚市二人套餐，$198抵食最出名係墨魚餃～上次食過，今次再食▶️ 鮮肉西洋菜餃｜墨魚荸薺餃 ($60)10隻餃子，可選雙拼鮮肉西洋菜餃西洋菜多於豬肉🥬食落新鮮青翠，唔重調味，天然又健康墨魚荸薺餃烏卒卒🖤黑白配好靚墨魚皮質感味道似墨魚汁意粉手打墨魚內餡有驚喜😋比豬肉爽彈，加入少許馬蹄，食落爽口整體餃子大粒，餡料飽滿🥟餃子皮偏厚身，但質感煙靭有咬口，唔鬆散👍🏻好食又飽肚本身唔跟湯比較dry，鍾意可以問店員攞碗湯店員俾咗碗豬骨雞湯我，湯底香濃唔msg，加咗好食啲 (餃子亦冇咁快凍)*記得配自家製辣菜脯食，佢啲菜脯超爽脆！辣度啱啱好🌶️有興趣可以以$15買罐返屋企餸飯麵食*▶️ 山東雞扒拼豬扒菜飯 ($60)店員推介嘅新品賣相靚仔，一邊雞扒，一邊炸豬扒雞扒啖啖肉連脆皮，炸豬扒大大塊，旁邊有辣椒蔥油醬可點係略嫌肉質乾身少少🤏🏻菜飯即叫即炒，超多白菜仔🥬因為無落油炒所以粒粒分明冇正宗菜飯咁香，但較健康🍚▶️ 醉雞卷 ($45)有6大卷，至愛花鵰醉雞😍卷得紮實靚仔，功夫唔錯花雕酒味濃烈入味！雞卷全是肉🐔雞皮薄身