Hunky Dory

Open Now

Now Closed

呢間位於科學園既餐廳超好坐，好岩傾計，半開放式，所以好有空間感，接駁住露天花園望住啲草地感覺好悠閒，而且係pet-friendly，好值得帶埋寵物一齊嚟炸魚薯條（$128）餐廳主打 濃英式食物，叫返個炸魚薯條先薯條比炸魚優秀，配他他醬滿足下薯條癮③今阿根廷紅蝦龍蝦忌廉汁寬條麵（$158）醬汁夠味啱啱好濃稠，整體唔錯威靈頓牛柳（$208）酥皮夠酥脆，牛柳唔乾又口感柔軟，成碟菜外脆內軟又有肉汁黑松露野菌湯（$68）唔會太鹹，足料夠味，正常發揮紐西蘭肉眼牛扒火箭菜沙律（＄148）沙律菜好新鮮，草飼肉眼扒瘦得嚟有肉味同樣唔乾又柔軟（睇張圖都應該睇得出• ）Feta cheese加合桃同埋個醬汁令到成個salad味道提升晒推薦（$58）Impressively good .玉桂味啱啱好唔會太搶成個甜品冷熱交融，夠香又唔會太甜，好好味

科學園有好多唔同既cafe,餐廳等,而我就比較鍾意來呢間喺科學園19座2樓平台的Hunky Dory  @hunkydoryhk餐廳空間座位寬敞,環境輕鬆舒適,半開放式的設計,可以選擇坐室內或者坐外,怕熱既話,可以坐室內的位置吹吓冷氣嘆咖啡,如果帶埋狗狗來嘅話,就可以選擇室外的位置,連著外面有一大片草地,狗狗🐶可以放下電,曬下太陽,主人們亦可以坐喺度飲杯啤酒食個靚brunch,勁chill呀！ 🔮韓式烤牛肉泡菜班尼迪克蛋 我很喜歡這家餐廳的韓式fusion系列,西韓crossover, 出奇地夾,muffin 上面舖上韓式泡菜和軟腍香口的烤牛肉,水煮蛋上面淋上自家製的kimchi hollandaise sauce, 輕輕一篤,蛋汁隨隨流出,味道口感很有層次,濃香的蛋味,加上hollandaise source 的creamy和微酸少辣的泡菜,還有牛肉香,一個 Benedict 有齊哂，咸，香，酸，辣，鮮,  再配搭上新鮮的沙律菜,健康清新又好味,thumb up 呀！🔮愛爾蘭健力士牛肉批 餐廳嘅signature main course之一,份量絕對比你想像中大,真係可以話係一個合家

和朋友及妹妹在科學園參加的活動完結後，就在這裡搵午餐食。見到Hunky Dory的評價不錯，決定來試試。不太熟悉這裡的路，在附近找尋一輪也找不到餐廳所在之處。致電餐廳查問，才知道有部升降機搭上頂層2樓後見到花園，餐廳就在旁邊！室內座位滿座，獲安排坐在半戶外的高桌座位，陽光從簷蓬間灑落，旁邊是綠草如茵的花園，使人感覺悠閑舒適。餐廳獨佔19W的頂層空間，環境寧靜。由於威靈頓牛柳烤焗需時，所以我們先點這道菜，再慢慢點其他菜式。豈料最先上的菜式就是這道菜，賣相擺盤不算吸引，酥皮金黃色澤並不均勻。威靈頓牛柳的酥皮外層夠酥脆，牛柳肉汁未算豐沛，但肉質都算軟稔，不會太粗糙，帶有牛味。整體的味道不夠香，不算惹味。一分價錢一分貨，這是我在餐廳中吃過的最便宜威靈頓牛柳。$200以下，有這樣的質素算是可接受。蕃茄蓉肉丸寬條麵，寬條麵份量不多，肉丸卻是大大粒而且份量充足！蕃茄蓉看似不多，但肉丸與寬條麵都充滿蕃茄酸香味，令人開胃！面層灑上巴馬臣芝士，令味道不會太單調～～皇家煙三文魚牛油果班尼迪克蛋，一般的benedict是以鬆餅作底層，但這一道菜卻是以牛油果🥑代替muffin。本以為牛油果只是餡料一部份，這樣的

同兩個Friend 食生日飯，見到呢間餐廳有outdoor嘅位望住個草地，幾chill幾舒服咁，佢哋就話try try ，餐牌主打英式美食同fusion元素嘅韓國料理愛爾蘭班尼迪克蛋好靚嘅水波蛋，蛋汁同荷蘭汁融為一體，真係不得了🤤仲有鹹牛肉同菠菜配上英式鬆餅底，超豐富口感👍🏻原隻燒春雞一上枱已經聞到好香，主廚將火候控制得啱啱好，唔會鞋口之餘，肉質仲好細嫩，外皮又夠香脆！仲要用雪梨代替左薯仔，即刻又少啲罪惡咁法式鵝肝帆立貝龍蝦忌廉汁天使麵上枱已經見到有好多粒帆立貝😍天使麵完美咁吸收咗龍蝦忌廉汁，法式鵝肝好香，入口滿足炸泡菜芝士飯團呢個fusion菜幾特別，用咗泡菜同芝士混合，然後炸成飯團波波，咬開會見到有少少拉絲芝士，雖然有芝士又炸過，但一啲都冇油膩感🙌🏻自家製蘋果批呢個甜品好正，餅底夠香脆，濃郁嘅玉桂香味，用左片片嘅蘋果肉，層次豐富，而且唔會太甜，加埋雲呢拿雪糕，又凍又熱嘅口感👍🏻🤤Flat White Mocha Caramel Latte 空中花園位置🈶️led燈花海，夜晚睇一定會好靚，但我哋係lunch去食🥲要讚吓餐廳好sweet❤️知道我哋慶祝生日，喺甜品度幫我哋加生日牌同蠟燭🥰我

Hunky Dory (沙田)📍沙田白石角香港科學園科技大道西19號19W大樓2樓245室天氣開始涼涼地有少少🍂秋意🍂 可以踩單車🚴，路線由大圍踩經大埔再入去大美督。-中途去到科學園入左去影相先發現原來成個園區係好大好多座building! 仲開左好多間餐廳添呀！除咗連鎖餐廳之外都仲有好多特色cafe/餐廳！ 真係唔行入去參觀都唔知原來踩單車路都仲可以食餐好🤭-唔好以為科學園山卡啦一定冇乜人去呀！其實呢個園地都幾旺丁架！多間餐廳都坐滿客，周邊氣氛休閑得來又熱鬧。-我地揀左一間位於19W號大樓2 樓嘅西餐廳。當日天氣極佳，餐廳半開方式可以面向出面個翠綠大草地，再配合埋藍天白雲，充滿住holiday vibe 🤩Hunky Dory 表面係一間西餐廳，牆上掛左個韓式心心手勢，再睇睇個menu，原來佢係fusion菜，有埋韓餐架🫶店內空間大，枱與枱之間距離充足，成個用餐環境非常適合同朋友傾計chill個下午！🥂 餐牌採用手機落餐，快捷方便！我地叫左2 個 main course, 1 杯 coffee ☕️ 同一個甜品🍮-👩‍🍳 🍔英國皇家牛肉漢堡 (medium) 配🍟薯條$138薯條雖然唔

周末咁好天點可以浪費，趁天氣開始冇咁熱，當然要同陽光玩遊戲。我哋由大圍踩單車到大尾督來回，途經科學園打算醫吓肚，發現原來科學園入面別有洞天，有唔少食肆。當中我哋揀左啲間Hunky Dory 作為我哋醫肚同休息嘅地方。Hunky Dory位於科學園大樓19W 嘅2樓平台，要搭𨋢先到唔係咁易揾。店舖非常開揚，對出有一大塊綠色人做草地，我哋嘅座位就正正面對住出面，實在非常chill。我地叫左兩個主食，一個甜品同一杯咖啡，大滿足，為我哋餘下嘅單車旅程差足電！1）英國皇家牛肉漢堡 $138 👍🏻👍🏻👍🏻👍🏻睇賣相已經知好食😎 漢堡🫓好有濃郁肉味，我哋叫左Medium 50%，完全冇血水做得啱啱好值得一讚👍🏻 伴碟有少少沙律菜🥗同一大份薯條🍟。2）炸魚薯條 $118 👍🏻👍🏻👍🏻👍🏻炸魚🐟好脆，入面仲好juicy好有魚味，炸粉都好好味，唯一不足係比較硬身，魚同炸粉明顯分離，如果做到鬆脆效果應該會更好食。因為另一道Burger🍔都有薯條🍟，所以另外加左$10 要個黑松露醬，份量都唔少而且好好味，絕對推介。3）自家製蘋果批 $58 👍🏻👍🏻👍🏻👍🏻食完兩個主食其實都已經好full，但都想試吓佢個自家製

呢排天氣非常之好，涼涼哋，濕度低，中午曬得嚟唔熱，一喺行山，一喺出車，老友約我踩番轉，由太和沿吐露港公路剷到去大圍，再兜另一邊由大涌橋路上返到去，輕鬆踩。尾程，專登晌科學園食個早鳥下午茶，抖抖之餘，更享受吓秋日暖陽。故此，是日就嚟咗科學園三期呢邊嘅「Hunky Dory」，貪佢屬平台層，有片大草地。 餐廳環境非常寫意，採半開放式設計，對出有幾張高腳枱櫈，可惜已有客，未能盡享「戶外」風情。不過，我哋被安排最外一排圓枱，感覺亦非常正，加上陽光普照，感覺明媚。 至於餐廳嘅其餘環境，裝修都好有格調，可見都花咗啲心思，就算睇唔到戶外景，坐落都蠻舒服。如果夜晚到訪，相信都頗有氣氛。 呢度喺以數碼方式落單，掃一掃二維碼，再自行揀食物、飲品。 而入口處都有貼出餐牌，不過，字就細粒啲，都唔方便慢慢睇，純粹貼出嚟俾啲客睇睇餐廳有啲咩菜式供應。 愛爾蘭健力士牛肉批 $138多年前去澳洲，到訪一啲小鎮，食過一個得獎嘅牛肉批，都幾難忘。本來嚟到都喺諗住「迤」吓，但見到呢一個牛肉批，又真喺想試試。跟澳洲食嗰種乾身嘅唔同，呢一款喺燉牛肉，再加上一層酥皮焗香去。面層嘅酥皮好香脆，而裡面唔只有牛肉，仲有啲鮮蘑菇同新薯，

🚲趁住天氣轉涼 週末去左踩個單車 感受一下短暫嘅秋天氣息⛱去到科學園 揀左呢間係科學園嘅餐廳試下 平時都好少有機會黎呢邊🍃餐廳有室內座位同少量半露天座位 外而有一個大草地 環境好舒服🐟炸魚薯條 $118炸魚超級大條 大過成隻手掌 炸魚用左啤酒炸漿 食到有啤酒味 外皮炸得非常香脆薯條係粗薯條 同burger配嘅薯條唔同 呢款薯條比較粗同唔算脆🍝三文魚香草醬寬條麵 $148三文魚肉質好鮮嫩 唔似係雪藏魚 調味亦出色 香草醬好濃 寬條麵好掛汁 不過香草醬通常食到底會冇少少油🍎自家製蘋果批 $58見到都多人推介呢個 一試就覺得好滿意 賣相唔錯 雲呢拿雪糕係食到有雲呢拿籽 上面嘅焦糖醬冇搶過雲呢拿味蘋果批超多蘋果肉 帶有淡淡肉桂味 感覺健康又清新 外皮係香脆嘅曲奇皮 一個好食嘅甜品真係令成餐飯昇華🫐Berry Paradise $52沙冰非常足料 飲得出係用左好多紅桑子同藍莓打成 飲到唔少細細粒核😂🥭Mango juice $32唔會覺得酸 踩完單車飲好解喝🍴整體食物質素不錯 加埋環境真係好正 放假同屋企人揸車去 或者去開白石角科學園踩單車都可以揀呢間享受一個chill嘅下午

🌻藍天白雲好去處🌻推介指數 ❤️❤️❤️❤️🤍藍天白雲宜到戶外散步同放空，不如去科學園吖～ 好一段日子無嚟，而家多咗唔少食店，今次揀咗間位置比較隱蔽同寧靜，位於2樓平台花園旁邊。食店以木色作主調感覺舒適，座位有室內及戶外high table。以QR自助落單好方便，適合三心兩意、五時花六時變嘅我😆🍟炸魚薯條 HKD118✨份量十足外層炸得酥脆，魚肉juicy配上青檸汁添上一份清新～ 伴碟粗薯條脆卜卜！🍄黑松露蘑菇忌廉汁天使麵 HKD118✨蘑菇忌廉汁creamy濃稠適中唔會太杰，天使麵熟成度剛好唔會太腍且條條分明 ，配上黑松露香氣，滿意。🧀芝士粟米片伴辣肉醬 HKD88✨邪惡推介之滿滿芝士肉醬，熱焫焫卜卜脆粟米片，3色醬有sour cream, 牛油果醬同辣肉醬，必食！🥧自家製蘋果批 HKD58✨ 蘋果批上有雲呢拿雪糕球及朱古力百力滋，伴碟藍莓同士多啤梨。食材均灑上莓醬同糖粉，擺盤有心思且豐富。蘋果批外層係大愛嘅曲奇皮，蘋果粒有口感，總結：-食物 ❤️❤️❤️❤️🤍環境 ❤️❤️❤️❤️🤍(店員反應迅速，食客離開後有清潔枱面及消毒)服務 ❤️❤️❤️❤️❣️(店員親切笑容有禮，貼心建議位置給食客).··🔖 Hunky D

呢期不斷搵好嘢食~今日就俾我好彩搵到間我覺得喺科學園入面最好食嘅餐廳~本來諗住踩單車一路由沙田踩過嚟科學園，不過我朋友晏咗起身，遲咗出門，所以踩唔到，不過都唔緊要既，我地個重點係食好西~講返間餐廳先，佢嘅位置喺科學園入面都好易搵到~挨住大馬路嗰邊，而且佢地方大，座位又闊，冷氣充足，我地去到都十二點幾成一點，見到都好多人係餐廳入面食緊，好彩唔洗點樣排隊，夏天如果踩到攰既話，出曬汗既情況都唔使驚~呢間餐廳絕對有足夠冷氣同空間俾你慢慢休息下，要注意返繁忙時段有用餐時間，我地叫左一系列既小食同西式午餐~咁多度送之中我最欣賞係佢個蘋果批，佢配埋啲雪糕真係好夾，一啖冰涼嘅雪糕加一啖新鮮焗出嚟嘅蘋果，個種衝擊口感好震撼~如果我之前冇食到咁多嘢嘅話我會叫多個~

今天放假，去了白石角海濱長廊散步，中午就在長廊旁邊科學園的Hunky Dory進午餐，餐廳旁邊有一片綠油油的草地，很有郊遊感覺，大人可以放空一下，小朋友也可以好好放電，有得食又有得玩😄愛爾蘭健力士牛肉批$138，即叫即做，需時大約三十分鐘，酥皮焗得金香，賣相非常吸引，切開即時聞到濃濃的牛肉香味，薯仔又淋又香，湯汁很惹味😋煎香草雞胸伴蕃茄蓉天使麵$118，實物比餐牌上的圖片份量大很多，雞胸口感唔會鞋，天使麵細滑，沾滿了蕃茄蓉的酸甜味道，配搭埋香草清香，很不錯👍飲品點了Cream Burlee Cappuccino$42☕，焦糖跟咖啡精緻結合，甘中有甜。特濃咖啡芝士蛋糕$48，香濃咖啡味，好正😋自家製蘋果批$58，味道酸酸甜甜，蘋果肉再多一點就更perfect👌

有時踩單車經過科學園見到大家對住個海chill都想發掘下呢到有咩食結果搵咗呢間係入面大樓嘅餐廳 見到最出名係威靈頓牛扒好想試下！🍽牛油果雞肉漢堡分量超級大份！半個牛油果同埋2cm厚雞肉！一啖絕對咬唔晒😆 雞肉亦非常juicy 配埋芝士同sauce 口感大滿足🤤沙律係冇dressing 既菠菜 我自己非常鐘意 🍽威靈頓牛柳是日主角都冇失望！ 做法本身就複雜牛柳肉味香濃 熟既程度剛好裏面的餡料亦炒得非常香口酥皮比較上有少許失色期望脆d🍽自家製蘋果批100分推介🤤 其實食完兩個主菜已經好飽但坐下坐下都想食個甜品包底焦糖味唔會太甜蓋過蘋果香 個皮焗得香亦唔會太多食到好滯重點係我唔鍾意食嘅肉桂😆PS 餐廳係半開放形式，一路食lunch一路有微風吹入黎好舒服 外面仲草地比小朋友好開心跑來跑去同埋下次想夜晚飲酒🤤