幸鮨屋 (Closed)

2021年4月4日。雨。上環。呢日去咗上環新開嘅高先戲院睇戲睇戲前先搵食～喺app搵到呢間有參與懲罰祭嘅日式餐廳餐牌有多款唔同組合，有啲花多眼亂但價錢勁抵！舖位唔算大，好似仲有上層坐低仲見到有懲罰祭嘅痕跡！呢啲係前菜～有麵豉湯、沙律同螺肉自選壽司拼盤，$108喺A（壽司）、B（迷你丼）、C（刺身／天婦羅／炸物）選項入面揀3樣嘢難為了選擇困難症患者。。。所以我哋最後揀嘅嘢都係差唔多，呵呵！男朋友揀咗A1，有鹽燒三文魚腩、鹽燒左口魚邊、芝士燒海老、沙律醬燒蟹棒、蒲燒鰻魚同埋焦糖三文魚當中最特別嘅就緊係焦糖三文魚，佢話好好味～自選壽司拼盤，$108呢個就係我揀嘅～壽司類我就揀咗A3，有油甘魚、真鯛、蒲燒鰻魚、玉子、北寄貝同埋牛油果沙律（呢個似乎唔係同類？！）鍾意食魚嘅朋友揀呢個就最啱嘞～迷你丼類我哋都揀咗B1，角切魚生丼，咩都有啲～各類魚生都好鮮味，分量都唔細，最後我係食唔晒嘅C就緊係揀刺身喇！有三文魚X2、帶子X2，同埋甜蝦X2帶子同甜蝦超級鮮美！！！最後埋單都只係每人$108加一，抵到爛！

2份餐都附送麵豉湯前菜同沙律🥗自選壽司拼盤 (A+B+C嘅餐)💰108💫評分: 7.7/10📝呢個價錢包曬咁多樣野係幾抵, 不過可能太高期望, 覺得熱食質素麻麻, 魚生新鮮程度以價錢嚟講都算唔差, 呢度就算weekend都有lunch set, 仲有超級多combinations, 有選擇困難症真係唔多掂, 啲嘢食多到要擺去隔離枱, 食完超滿足🤣1️⃣ A4: +💰10 💫評分: 7.9/10📝 好多款三文魚🍣食得好開心🥳好掛住辣味三文魚終於可以食🤩🤩🤩好少餐廳有而佢整得都好味😋好香口😌A5: +💰20 💫評分: 7/10📝有海膽嘅壽司拼盤, 有甜蝦牡丹蝦仲有深海池魚同真鯛, 不過朋友話海膽唔太新鮮🥲因為係為咗海膽先加錢食呢個set有啲失望🥲2️⃣ B2: 💫評分: 8.1/10📝蟹肉蟹膏丼B3: 💫評分: 8.2/10📝蔥拖羅蓉丼, 魚蓉唔錯, 飯面都加咗有味飯素粒粒, 有幼滑口感, 同朋友share B2食令個丼更加豐富🤩3️⃣C1: 💫評分: 7.3/10📝三文魚刺身 x2 北寄貝刺身 x2 同埋甜蝦刺身x2, 會建議叫C1因為性價比高過C2, 尚算新鮮C2: 💫評分: 6/10📝蝦天婦羅同

石塘咀有好幾間日式料理餐廳今晚就試吓依間幸鮨屋揀左兩個套餐「極上壽司盛·鮨」（$145）同「自選壽司拼盤」（$108）再比左$20追加雞肉串同芝士豚肉餃子雞翼依間餐廳上餐速度好快就咁睇已經好豐盛雖然餐牌寫左午市先附送麵豉湯、沙律、小食但今日晚市都有附送沙律菜都新鮮清爽，食完好開胃小食係方形嘅章魚丸子，外層跪跪地追加嘅雞肉串同芝士豚肉餃子雞翼都燒得好香口如果配啤酒仲一流！極上壽司盛.鮨落左單先知今晚冇海膽同活赤貝職員就同我講可以轉同Set 裡面其他款既壽司咁我就嗌多件帶子同三文魚籽件件壽司都好出色！特別係蟹肉蟹膏、拖羅蓉、赤蝦、池魚、同三文魚籽刺身肉質結實爽口，蟹膏味重香濃大大粒嘅三文魚籽放入口好似爆珠，海水味重自選壽司拼盤依個包左壽司，迷你丼同一款小食揀左A3+蔥拖羅蓉丼+天婦羅件件魚生都係咁新鮮蔥拖羅蓉丼連豉油都冇落，啖啖拖羅蓉有魚脂香味，完全冇魚腥味，大讚天婦羅嘅皮好薄，食落清跪，無好油膩嘅感覺整體嚟講，今餐好高質係連鎖迴轉壽司以外嘅好選擇！兩個套餐連兩款追加小食加埋一都係三百蚊左右，好抵食！另外餐廳仲有提供黃口罩賣，值得支持！