麻辣風雲 (荃碧大廈) (Closed)

朋友想食辣野，就預約左呢件川菜館，餐廳環境紅噹噹，好有中式嘅古色古香，位置都寬闊😎整體味道質素都尚可以，不過價錢唔算好親民啦～🔸 雞絲粉皮（HK$68）滑滑嘅粉皮配上青瓜絲同雞絲一齊食好爽口開胃，特別中意個麻醬，撈埋黎食好正☺️🔸自選干鍋（HK$68）本身干鍋包左蓮藕片、野菜花以及京蔥，之後就要最少揀5款配料。包括係美國肥牛(HK$48)、土豆片(HK$28)、豆卜(HK$28)、芋絲(HK$28)、金菇(HK$28)。麻辣口味都幾惹味，份量2個人share都足夠啦🌶️🔸 酸菜魚（HK$268）見到好多人推介酸菜魚，同樣可以揀辣度同麻度，不過就嫌唔夠酸呢🧐魚嘅份量差不多，另外仲有芽菜同寬粉，整體黎講都幾普通，干鍋好食啲～🔸 川式回鍋肉（HK$108）回鍋肉唔會太辣，平時唔食辣嘅都可以一試😎豬肉肥瘦適中，配埋椰菜都幾match，不過食食下覺得油左少少啦

見到呢間好評咁多就特登入左荃灣食。入到去就已經俾定d袋我地放口罩，上面既人知道我地會上去仲一早就整定好水俾我哋飲，服務唔錯💛尤其本人熱愛食干鍋，所以毫不猶豫就決定叫。好快手咁簡好料，俾單個時佢地又好好咁話俾我地知本身個鍋已經包左d我地有叫既料，問下我哋要唔要改，咁就當然改啦🤪 個鍋都幾麻辣，料都算多，同埋而家好少地方食得🤧人人都話個炸饅頭係必食，但係單叫又有6個，見到個lunch set有得追加，我地就叫左個口水雞餐加炸饅頭4個口水雞基本上係啖啖肉，冇乜骨，都唔辣，正常味。炸饅頭就唔係上海個種（入面一條條meet得個隻😂）佢係真係一個饅頭炸，我覺得係正常，因為好少地方有做，所以就有個種好懷念既感覺。重點：食完辣野再食，好正🤤🥰

我係超鍾意食辣嘅人🌶️🌶️🌶️ 所以就過嚟試下啦‼️ 當日係平日, 但係都坐滿曬客人😳好彩我哋訂咗位啫✌🏼四川菜都食得多, 但係比較少見到有干鍋呢個選擇🤓HK$68 鍋底, 自選一款味道🤗我哋揀咗中麻辣😗然後再加自己喜歡嘅餸菜(要最少五樣... ) 🍲 味道ok, 跟鍋嘅蔬菜都好入味好食🍆🥦 可惜大腸同埋田雞就過火咗少少👉🏼👈🏼 另外叫咗麻辣海蜇, 海蜇彈牙‼️亦叫咗炸饅頭, 可惜上菜時店員先話乾冰已經用曬... 所以冇用船上(我見其他人影得好靚㗎👉🏼👈🏼有d失望😭) 佢哋十月份做優惠... 逢星期一, 三, 任何惠顧加一蚊就有口水雞一份😳 雞都算滑, 重蒜味😋小食份量~加埋一支黑啤, 埋單兩位HK$465 😊

麻辣火鍋就食得多 而家hk都越黎越多干鍋食 一試便愛上😍 今次就黎到荃灣試下佢既干鍋同酸菜魚🥰🥢酸菜魚 ($268)我地今次叫左小辣 食落係微微既辣雖然都幾多酸菜 但食落酸味唔重入面仲有豆卜芽菜萵荀做配菜 大大碗超級足料啲魚切成薄片 好似食極都仲有咁 好嫩滑 冇乜骨🥰🥢自選干鍋 ($68)呢個價錢本身包左蓮藕片, 椰菜花, 萵荀, 京蔥都係我地平時食干鍋必點既配菜😍然後最少要揀5款餸 我地就揀左:鮑魚 ($68)黃沙蜆 ($58)五花腩片 ($38)牛柏葉 ($38)娃娃菜 ($28)今次就叫左香辣口味 小辣🌶 雖然望落好似好紅咁 但其實唔辣 所以平時食唔到辣既人都唔洗怕😌上枱時有個爐熱住個鍋 keep住個溫度👍🏻 每樣配料既份量都唔少 而且都好入味好惹味😋 鮑魚有嚼勁 輕輕𠝹左花令香辣味更加出 蜆既份量都幾多 萵荀夠嫩冇渣🥢炸饅頭 ($48)架饅頭船一上枱已經好吸睛 出埋煙🤩 好有仙氣既詩人😂饅頭炸到金黃色 外層炸到好香脆 唔油膩 內裡好軟熟唔會實的的😋 沾埋煉奶好好食😍而家諗番都好想再食🤣———💰 total $675

涼拌牛𦟌 $58 係麻辣味 食完都幾麻 岩曬中意食麻辣既我😛酸菜魚 $268酸菜魚叫左微辣 因為有朋友唔係好食得辣 但佢都唔覺得辣 所以唔食辣既可以叫微辣 會好味好多同惹味啲 當然我覺得如果再辣啲 會更加好食🤤酸菜好好味 唔會太酸既個隻酸菜但又爽口🥰自選干鍋 $68 （已包蓮藕片、椰菜花、萵筍、京蔥）自選食材叫左：美國肥牛、鴨腎、雞軟骨、金菇、娃娃菜、鮑魚，魚卜。干鍋係新出既menu 都有成五十幾款餸可以選擇😍 仲有好多唔多種類可以揀 例如：肉類、蔬菜類同海鮮類等等... 干鍋都有幾隻口味可以揀 我地叫左蔥爆麻辣小辣，食落係甜辣味 都幾入口唔會一食就好刺激既個種辣。 好滿意🥰 肉類唔錯，蔬菜亦新鮮，海鮮亦好味同埋份量都多！青蘋果特爽 $28阿華田（凍）$23特典檸檬可樂（凍）$26雜果檳治 $28荔枝特爽 $28杏仁霜（凍）$ 23飲品方面都偏甜啲 下次應該叫翻小冰小甜 健康啲😆

夜晚兩個人去食 上到去發現地方闊落 枱與枱都隔得夠開唔怕迫 我地坐左卡位 座位都夠闊夠舒適 服務亦都貼心 特登比紙袋我地放口罩 而野食方面我地點左麻辣魚春 自選干鍋 炸饅頭 飲品就點左荔枝特爽 荔枝特爽入面加左椰果同梳打水 清新同時有口感 可以解辣 配麻辣一流炸饅頭 顏色金黃 外脆內軟不油膩加上香甜煉奶 好食👍🏻麻辣魚春都係第一次食 幾特別 入面有魚春同魚卜 我地叫左小辣 味道香濃 辣味適中 麻得黎唔怕太辣又唔會太咸 魚春口感幾特別 魚卜夠入味口感煙韌自選干鍋啲餸我地揀左鴨血 蘿蔔 五花腩片 牛丸同鮮魷 口味都係麻辣 個麻辣汁除左麻同辣仲有種甜味 餸料吸收完個汁變得好野味 食物份量比預期多 適合多啲人一齊食 最後仲送甜品雪米糍 食完真係飽到上心口😂 但埋單發現又唔貴 都幾抵食👍🏻