芋圓控

Open Now

Now Closed

最愛芋圓店跌落神壇😨，汁底同配料都退步了欸哭哭TT・・・・・・・・・・・・・・・・・・・・🥭 良知甘露 HK$46＞ 芒果肉、柚子肉、寒天晶球、白玉丸子、西米 (芒果汁底)・味道：好sad今次個芒果汁底有啲人工糖漿甜味，其他就幾好食嘅。不過波妹表示白玉丸子冇味又太大粒，入口好似食緊舊粉咁。而本波食咗粒都的確係食到陣麵粉味⋯⋯連芒果汁底都遮唔住🥶。・口感：其實白玉丸子係幾煙韌，如果味道冇麵粉味更好。🍠 自選DIY HK$44＞ 奶茶凍、芋泥球、芋圓、地瓜圓、紫薯圓、西米、椰汁・味道：奶茶凍茶味好出，略嫌唔夠甜同奶味。芋泥球好綿幾好食。三款圓比起之前食好似有小小冇咁出味欸。椰汁唔夠椰香欸，呢個好失望☹️TT・口感：三款圓都係一咬就化但彈口嘅，未到有拉扯感嘅煙韌。椰汁比較浠，味唔夠，整體唔太掂。・・・・・・・・・・・・・・・・・・・・🤰性價比：中～🤰9衝度：可試～🤰結論：我要哭了最愛芋圓店跌落神壇，同樣價錢唔少芋圓店同糖水舖表現更出色😭。・・・・・・・・・・・・・・・・・・・・

一直以嚟芋圓甜品店鮮x仙都備受吹捧，我食過一次真係不敢恭維🫠有日嚟開觀塘，無意中發現呢間位於工廈嘅芋圓店，即刻要上去試吓。 呢間鋪嘅佈置非常簡約，主要係米白同木色調，座位唔多，而且枱同枱之間嘅距離比較闊，幾有空間感。不過當日係買外賣。 其中一碗揀咗招牌自家制芋圓，材料有仙草凍、包心芋圓、芋圓、地瓜圓、紫薯圓、粉圓同西米，汁底可以自選，揀咗仙草汁。各種圓嘅煙韌度非常適中，而且食到味，坊間太多芋圓好似咬麵粉咁。最有特色係包心芋圓，外層係芋圓，入面包住地瓜餡，最搞笑係佢個外型成粒爆漿牛丸咁🤣成碗甜品都唔會太甜，而且份量好大，不錯😋另外呢間店提供DIY，可以自選5-8款配料，平時啲鋪頭預設嘅選擇都總有兩三款配料唔啱食，呢度可以全部自己揀，實在太適合我！😜今次揀咗奶茶凍、芋泥球、焙茶圓、海底椰同桃膠，汁底係花奶。呢碗實在令我好！滿！足！😋奶茶凍好滑，味道亦突出🍮芋泥球又香又軟綿，唔會好似出面咁有啲好突兀嘅顆粒👍🏻焙茶圓亦好有特色，其他地方冇見過呢個味，茶味好明顯，少少苦但唔過份👌🏻用花奶底就更加濃滑，好正😆唯獨桃膠爭啲，細粒又唔爽，不過無傷大雅。整體好滿意，大部份配料都有水準，DIY揀晒最啱自己

呢間芋圓店已經食左好多次。而家不論外賣定堂食都多左好多人幫襯！食過好幾間出名嘅芋圓店。呢間我覺得係最出色嘅！ 不論芋圓，地瓜圓，紫薯圓，都好有本身嘅食材味道！最最最欣賞嘅，係佢嘅焙茶圓。焙茶味十分濃！會愈食愈有茶嘅甘香味！今次叫左個set A. 招牌自家製芋圓已經有哂仙草，芋圓，包心芋圓，地瓜圓，紫薯圓，粉圓，西米。加埋4.3牛乳。已經試到好幾款出色嘅招牌產品！另一個係自選DIY叫左幾款我覺得最高質嘅選擇分別有 奶茶凍，芋圓，焙茶圓，蜜芋頭，芋泥球，4.3牛乳。呢到芋頭類產品都十分出色！ 有台灣芋圓嘅重芋頭香味。食得出呢間店對選食材嘅用心！有機會一定要試吓！

芋圓控穩身觀塘工廈 配料每日全人手新鮮製作 無加任何防腐劑小店行車仔風格 除咗預設MENU 仲可以自選配料同糖水㡳嚟個mix & match最低消費揀五款$35 其後每加一款加$4 最多八款$48 .🍴 芋圓、地瓜圓（每款5粒）每粒size都唔算細 表面滑嘟嘟某幾粒有食到芋頭粒粒 真材實料 但普遍嚟講味道較啖勝在咬落彈牙 口感加番分推薦度：6/10.🍴 焙茶圓絕對係特色之作～ 店主採用咗深焙嘅焙茶粉 茶味濃郁 對比芋圓地瓜圓味道出好多！ 口感偏實心 但略嫌中間位置有少少未搓均嘅感覺 食到粉感推薦度：7/10.🍴 奶茶凍特色之作2.0～份量俾得超豪爽 三大塊動L動L放滿個碗奶凍充滿住帶少少澀嘅嗰種港式奶茶味道 非常像真外賣放耐咗 個牛奶㡳仲變埋奶茶㡳添推薦度：9/10.🍴 雞蛋布丁滑嘟嘟 易入口同統一布甸相像度超過90%推薦度：7/10.🍴 SET B 良知甘露 HKD $46配料包括芒果肉、柚子肉、寒天晶球、白玉丸子同西米芒果汁㡳比想像中淡 配料亦正常發揮 不過不失註：-只收現金-星期日休息==============================📍芋圓控地址：觀塘駿業里6號富