多寶美食

Open Now

Now Closed

上一間結業後，新呢間未幫襯過。今次喺大南街寄完順豐就行去熟悉嘅位置，過吓口癮。嗌咗件臭豆腐，交出十蚊，臭豆腐迅速喺後面廚房傳遞出嚟。醬料唔係一兜兜加支木片棍嗰種，風味驟減。唧入必加嘅甜醬同豆瓣醬，再喺邊緣慢慢咬開.. 脆卜卜熱焫焫！但並不能大口進食因為實在太熱！一邊吹走冒出嘅煙，一邊嘗試唔焫親個嘴咁緊接住咬第二啖、第三啖，都因為有豆瓣醬同甜醬嘅加持，鹹辣甜滿足味蕾.. 件豆腐本身就冇乜味。豆腐大小合理，唯只有竹籤一支，難以拮起，索性撕開紙袋食用。仲記得第一次食臭豆腐，係細個去長沙灣探嫲嫲。過咗某條馬路，有個伯伯推住架木頭車喺度賣臭豆腐，爸爸買俾我哋試，真係好好味！當時賣五蚊一件，而d未炸嘅豆腐就擺喺架木頭車下隔嘅一個膠桶入面.. 流動小販真係好有香港特色！至於味道，我都講唔出個原因，但就係同大個咗之後食嘅唔同，嗰種美味至今都未能被超越。

因為屋企隻寶貝狗糧尾啦...所以今日要去金魚街買狗糧。呢幾日天氣開始熱返，人流又開多返...下午時間真係熱辣辣~熱辣辣~好熱~好熱~ 所以要拿拿聲買完返屋企休息，泊好架車之後就買狗糧先。既然經過太子，為食既我一定會飲杯椰汁同埋食件臭豆腐先至安心。咁好啦，都係一如以往買完狗糧之後就行個圈睇下有冇嘢食，掃街就必然首選，最緊要快、靚、正。行行下見到有檔嘢入面有個人熟口熟面，吹左兩句原來就係以前幫襯過，以前喺廟街開檔嘅依家搬咗過嚟太子  ，吹左幾句算啦，因為堅講趕時間，下次先再慢慢傾。既然呢一間係以前幫襯過嘅就知道質素高  。因為以前係廟街好多人排隊，等食都等好耐。咁照舊第一時間就叫左兩件臭豆腐先，但可惜既係佢呢間招牌炸大腸因為中午剛開舖，所以未有住就有少許可惜，不過唔緊要，最後我都執左幾樣野。首先講下我嗌咗啲咩嘢食先啦：有臭豆腐、雞肉腸、魚蛋、牛丸、墨魚、水魷、仲有兩溝（即係魚肉碗仔翅），呢啲美食基本上所有香港人都知道，係香港嘅特色，而且仲係超好食。等咗大約十分鐘所有嘢都搞掂晒，咁同老闆拜拜之後就飛返屋企開餐啦。返到屋企隻衰狗已經等緊我，梗係啦，因為有糧草啦... 好啦~ 好啦~ 上枱啦!!

多寶美食（太子）😘😘😘街頭美食在多寶太子寵物店、金魚店出哂名、「多寶美食」佔一席、肯定必🈶️特色、近聯合廣埸、花園街、店舖招牌奪目、街頭小食盡覽一籮😄、食物種類數得出、專注炸大腸、臭豆腐、已做到冇停手、可見之出名😍⋯⋯人來人往、川流不息、擠擁店前！馳名炸大腸（一串）$16⋯⋯街頭美食之霸、少有美食、色彩艷麗、吸引眼球！香氣四溢、陣陣炸大腸味道撲鼻、食到手指大動、舔舔脷😜臭豆腐（一件）$10⋯⋯遠近馳名、外脆內軟、塗上甜辣醬、口味更惹味滋味！😘牛柏葉（一串）$13⋯⋯腍身、🈶️嚼口！🙃水魷魚（一串）$13⋯⋯厚肉、軟綿綿、爽口！😀墨魚（一串）$13⋯⋯🈶️質感、夠彈牙🤣燒賣魚蛋雙拼$20⋯⋯街霸美食必選、哈哈😄冇🉐️輸！生菜魚肉（一碗）$22⋯⋯必食、大大碗魚肉🈶️質感、夠彈牙、店主介紹、加點自製辣菜脯、初試、刺激味蕾新鮮口感、夠特色、又幾夾、抵讚👍🏻👍🏻*材料十足、飽肚滿足😋#太子#街頭#小食#臭豆腐#炸大腸#多寶美食（太子）太子水渠道30-32A號美星樓地下10號舖港鐵太子站B2出口、步行約3分鐘

多寶美食😋😋😋街頭美食平霸聽聞店主前舖係廟街已做左十多年、現搬來太子水渠道、行過路過的街坊、真係有福、掃街小食之選、當然係臭豆腐、炸大腸、唔係好多街頭小食店有提供、所以必食首選😜😜、店舖美食價錢便宜、抵食👏🏻👏🏻👍🏻臭豆腐：$10/件⋯臭豆腐外層炸到香脆、外脆內軟、臭豆腐香味、沾D甜醬、芥末醬好惹味！👍🏻炸大腸 ：$16/串⋯大腸炸到脆卜卜、皮薄甘香酥脆、好有嚼口、油香腸味、不油膩、賣相仲好吸引、沾埋啲芥末醬甜醬、好盞鬼👅魚旦 ：$10/串⋯魚蛋夠彈牙、有口感、加埋店舖嘅辣醬好獨特👍🏻燒賣 ：$10/串⋯香濃魚肉味、配埋辣醬夠惹味！香港人最愛❤️山根 ：$10/串⋯用濃湯滾到啱啱好、煙韌有嚼口、配埋啲辣汁、好夾😘水魷魚：$13/串⋯非常爽脆、有嚼感剪成一啖一嚿嘅size、爽呀😊牛柏葉；$13/串⋯滾兩滾、爽口彈牙、加D店舖辣醬、好好味！碗仔翅 ：$22/碗⋯真材實料、好豐富、味道濃郁、加埋香麻油及醋超夾、香港懷舊美食味道、yummy yummy 🤤 #太子#街頭小食#臭豆腐#多寶美食太子水渠道30-32 A號美星樓地下10號舖港鐵太子站B2出口，步行約3分鐘

今日轉戰旺角，同阿仔出去行通菜街同金魚街。要買貓貓用品。街頭行到街尾，又嚟掃下街先。相信好多人同我一樣，點都要到此一遊呢間小食店。老老實實炸大腸同臭豆腐已經賣少見少。雖然邪惡，不過偶爾食一次啫。哈哈～ 美食當前，點忍得口啫。經典香脆炸大腸，每串$16，外脆內軟，炸得啱啱好。食炸大腸，我最鍾意大混醬。芥末醬加甜醬同大腸超係絶配，食一串絕對唔夠喉。懷舊臭豆腐，$10一件。記得細路仔嘅時候，媽媽總會係大年初一帶我出去拜神。然後街上好多賣小食手推車，其中遠遠已經傳來炸臭豆腐的味道，每次都令我流曬口水，一定要買嚟食。至於食臭豆腐都要混醬，我就鍾意混甜醬同豆瓣辣醬就至夾。必食辣陳皮魚蛋$10/串，魚蛋夠爽彈有咬口，濃郁辣汁。絕對吾會煮到發脹晒。

好耐冇掃街喇~勁掛住臭豆腐，而家真係買少見少，行過見倒多寶有得食，忍唔住要食返舊先。落左單之後唔洗等好耐。臭豆腐($10) - 自從有小食店俾樓上住戶投訴臭豆腐太臭之後，除左臭豆腐買少見少，臭味亦大減。哩度嘅臭豆腐雖然唔係太臭，不過都聞倒臭味嘅，豆腐炸到外脆內軟，加埋甜醬食都好正！炸大腸($16/串) - 炸大腸係除左臭豆腐之外另一我最鍾意食嘅街頭小食，大腸皮炸到脆脆地，中間嘅豬腸好有咬口，加埋芥辣食好惹味。牛柏葉($13)/水魷魚($13)/墨魚($13)/魚蛋($10)  - 哩幾款小食如果外賣，店家都會放埋落同一個兜度，所以會係同一個咖哩汁底，咖哩汁少少辣幾惹味。牛柏葉幾爽口，唔會太韌。水魷魚幾爽脆。墨魚有咬口唔會太韌。魚蛋幾彈口。碗仔翅($22) - 杰度適中，質地唔會太似鼻涕，入面有好多雞絲，食完都幾飽肚，店家仲會問食客要唔要胡椒粉同醋。雙拼($25) - 即係碗仔翅拼生菜魚肉，入面都有幾舊魚肉。可樂($7/罐) - 夠冰凍，價錢合理。