覓食家

Open Now

Now Closed

過咗嚟元朗見下朋友，喺朋友推介之下，去咗覓食家食個lunch！一嚟到間舖已經見到好多人排隊，等位等咗大約20分鐘就有位😬山長水遠嚟到，其實都有啲肚餓，所以叫咗佢哋出名大大份嘅至識食雞髀煎蛋飯！❤️ 至識食雞髀煎蛋飯 $46一上枱真係哇一聲，無諗過係咁大份！😮 職員仲好細心咁話因為隻雞髀有啲細，所以比多隻我！😍 真係好貼心呀！我咁肚餓一定食得哂😂 個炸雞炸到外皮好香好卜卜脆，又唔會太油。雞肉非常juicy，唔係又柴又乾嗰種。雖然醃得唔算好入味，但啖啖肉佐飯一流，一口接一口滋味無窮！煎蛋煎到啱啱好，係完美嘅太陽蛋呀🍳好食度：⭐️⭐️⭐️⭐️ (4/5)餐廳推薦度：⭐️⭐️⭐️⭐️ (4/5)呢個價錢食到咁大份超飽嘅雞髀飯，簡直超值啦！cp值好高，依家諗返起都想再去食呀🤣

之前已經食過呢間，一直都對佢嘅雞髀念念不忘！今日有時間特登過嚟呢邊搵返呢間野出嚟，決定encore順便認真咁介紹一番！★★★★★至識食雞髀煎蛋飯 $46隻雞髀上枱時超大！超金黃！淨係size都大過我塊面！！當然你會話出面好多雞髀都大隻啦但我重點就係要讚佢嘅味道贏過所有雞髀100條街，係我食過全香港最好食嘅雞髀不服來辯😳😳食落個皮係勁香脆...完全唔油膩，要知道我平時係唔會食雞皮！咬落係極豐富肉汁...又脆皮又厚肉...嗚呀我真係唔識講落去啦！點解可以咁好食？原來佢地嘅雞髀係先用慢火烤焗過，封住肉汁，之後再用猛火快炸3分鐘至外皮酥脆金黃而且佢地唔係用現成味粉醃味而係用洋蔥蒜頭等蔬菜香料打蓉醃制唔洗擔心雞髀太細隻蝕底因為店家覺得雞髀太細會索性俾夠兩隻你！食到你打橫出去$46套餐跟煎蛋白飯野飲，抵到爛抵佢地一日賣到成300幾隻架👍🏻👍🏻★★★★★秘汁豬手飯 $52呢個秘汁豬手飯就係第一次試，同樣十分滿意豬手份量超多，肥瘦有致，又豐富多汁，撈得晒成兜飯另外超推介之前食過嘅孜然羊肉粒飯D羊肉係店家用原塊羊腿肉切粒咬落有D似串燒勁香口惹味，羊味又夠濃厚鮮嫩呢個有機會再影相俾大家睇😘覓食家整體評分★

覓食家出哂名，大件夾抵食😋。如果大家lunch time食，2人以上就要預多少少時間等位啦！💛 至識食雞髀煎蛋飯/意粉/沙律 $44XXL巨型大雞髀，隻髀總大過我塊面，即叫即炸，需時10min左右，雞皮咬落插插聲，超級脆，雞肉嫩多汁，依個份量一個女仔食吾哂。💛 黃金雞扒煎蛋飯/意粉/沙律 $44雞扒都大塊過人，雞皮炸得好脆身，肉質好滑。沙律整得幾好味，吾係罐頭雜果，有薯仔、紅蘿蔔、粟米、生果等等，配沙律食份量岩岩好。