寶泰船麵

Open Now

Now Closed

我和同事去了旺角辦事，午餐時間在廣華街找餐廳吃飯，經過了這家泰國餐廳，寶泰船麵，於是進去試一下。😍😍😍😍😍😍😍點了他們招牌船麵，船麵的湯汁非常有牛味，材料豐富，極其像泰國味道。🤪🤪🤪🤪🤪🤪🤪我的同事點了冬陰公湯麵，酸酸辣辣及豐富的海鮮，味道不錯。😛😛😛😛😛整體上這間餐廳的裝潢很舒服，味道也不錯，下次會再來。😍😍😍😍😍😍😍😍😍😍😍😍😍😍

呢晚去完好景拎程班長冷凍包（無錯，係以前荔枝角個間台灣嘢程班長，下次再介紹/自己社交平台搵下先，不是這次既重點😂）係廣華街見到呢間泰船面新開張，心諗粉面旺角一街都係，平既貴既都有唔少，隔個鋪位已經有越南粉，落住雨唔駛等位就即刻入左去試一試！餐廳既泰文音樂，店員們夏天花恤衫look（可能係咁岩得咁橋😂）個feel即刻勁泰國！前菜有荔枝蝦沙律，無諗過荔枝同蝦咁夾！配埋葱頭少少辣少少甜咁，好fresh好岩夏天食！泰北咖哩雞面，份量勁大，一放底已經聞到好香勁濃味，雞肉炆到好淋，一夾其實都已經同骨分離，食落好軟身，但又唔會好似煲完湯鞋，反而吸哂d湯汁船麪都係濃郁但相對無咁油膩，加左餐廳秘製辣汁，即刻昇華左！無誇張，係真係泰國既味道！總結味道同餐廳氣氛都好好，下次再黎試其他

街坊住附近。聽朋友介紹試吓。午餐時段人唔係多，環境舒服。叫咗碗雞船麵，小食揀咗泰式酸辣皮蛋沙律，跟一杯香茅特飲。主角嘅船麵….靈魂一定係湯底。清甜，食得到好多湯底嘅材料淆出嚟，偏甜。俾兩隻雞髀仔，okay滑。個人覺得一定要加酸辣醬同埋辣粉，那種泰國味先至會出晒嚟，怕辣嘅不如唔好食。點講好呢？Fair啲睇，以佢嘅價錢我認為非常不錯。100蚊有小食有特飲仲有呢碗湯底。但係有冇嗰種驚天動地嘅震撼感覺？同灣仔藍屋嗰度嘅船麵差好遠。咁人哋收貴一倍價錢，仲攞埋米仔星星，嗰啖湯當然係完全兩個世界。暫時灣仔仲係全港最好食嘅船麵。個酸辣皮蛋沙律，其實幾有驚喜，鍾意辣嘅應該點。