海記合桃坊甜品 (Closed)

🥣芋圓咋喳 $34芋圓有經典嘅3隻色 芋頭圓 地瓜圓 紫薯圓相比之下地瓜圓味道最出 如果仔細嘴嚼會分到xD芋圓口感煙韌 圓碌碌好似個波咁好得意咋喳好足料超多豆 食完都半飽😂芋頭粒粒同啲豆都煮到好腍 公公婆婆都食到！🍠紫薯芋圓紅豆沙 $32紅豆沙唔太甜 帶香濃嘅陳皮味口感細膩而且起沙 食得出師傅嘅功架碗底仲有好多蓮子同埋百合 全部都煮到軟綿綿 吸哂紅豆沙嘅精華

喺旺角附近食完午餐之後，同班朋友行咗去太子，想食翻個芋圓糖水，懷緬一下大家上年11月一齊去台北食嘢嘅感覺。聽講呢間海記合桃坊甜品都幾出名，就等我哋試吓佢嘅芋圓同台灣嗰啲有冇分別啦！因為我哋係平日下午兩點幾去到，所以客人都唔多，唔會話坐到好迫。甜品種類有好多款，我就叫咗熱嘅芋圓咋喳，朋友就叫咗芋圓紅豆沙同芒果腸粉。雖然碗糖水睇落細細碗，但細心一睇入面全部都係豆，芋頭，西米，仲有唔少芋圓，紫薯圓同紅薯圓，用匙羹食，每啖都會有滿滿嘅材料。不過可能我平時食開清淡啲少甜啲，碗糖水對於我來講甜左少少。芋圓好煙韌，同台灣食個啲比較上來就冇咁有芋頭嘅香味，味道比較淡，但一啲都唔人工！芋頭同啲豆煮到好淋，入口即化！朋友們都好中意芋圓紅豆沙同芒果腸粉，我試食左舊腸粉，口感好滑，不失芒果嘅香味。到最後，我仲買多碗芋圓咋喳翻屋企比家人食，佢哋都話唔錯！如果有機會，下次再去試吓其他糖水都好！