甘の季節

Open Now

Now Closed

去尖沙咀睇恐龍🦕化石，搵食，一早bookmark咗甘の季節，帶埋屋企人去。自己叫咗桂花芋圓涼粉$45，桂花糕冇乜桂花味，芋圓彈牙，涼粉皓耐冇食，呢期食仙草多。屋企人叫涼粉楊枝甘露，芒果🥭甜，楊枝甘露西柚有口感。坐得都舒服😌，每人至少要叫一樣甜品。

我們於21/9（六）晚上八點🕗去到，都幾多人食糖水，用QR code下單。店員已經講明一人一碗。另外，亦有不少內地客人幫襯。❶芋圓桂花涼粉（$45）：見到一次可以滿足3個願望，加上有桂花啫喱咁得意，於是我就試吓。芋圓有幾款顏色，但食唔太出乜嘢味😹而桂花啫喱就清清淡淡，涼粉切到正正方方細細粒。不過值得一讚嘅係涼粉唔苦（試過有些店涼粉是苦的），夏天消暑一流👏🏻❷熱花生腰果合桃糊（$38）：重nuts味，磨砂口感埋單唔可以碌卡，但就有其他電子支付平台🤣餐廳樓面較窄，如果要去洗手間🚻，要穿過走廊，比較適合身型瘦削的人士🤪

而家開始咁熱嘅天氣呢就要食返啲涼浸浸嘅嘢食😋個人都幾鍾意食煙煙韌韌嘅嘢食，芋圓都係其中一樣，口感比較彈牙，另外嘅桂花糕同埋龜苓膏口感偏硬，另外嘅芒果西米露好重椰汁味，芒果嘅份量都幾多因為食到尾都仲有😆另外嘅士多啤梨忌廉窩夫忌廉酸酸甜甜，女仔最鍾意😍最後嘅綿綿冰唔錯嘅，有朱古力碎餅乾碎，令到成哥更加有口感-同埋店員好貼心知道女仔食嘢啊大多數都鍾意影相，佢會好貼心咁幫你擺好位，叫我哋幫佢哋影多啲靚靚相🤣（好可愛🤣🤣）

話說睇完戲之後唔知去邊度食糖水喇，行咗好耐。。。跟住見到原來呢條街開咗間新嘅糖水舖，睇咗佢個Menu覺得唔係好多糖水揀，但係已經唔想再行所以就入咗去試吓啦。個人編好鍾意食芋圓嘅所以叫咗芋圓桂花涼粉私心推介呢個甜品，因為芋圓唔會好林，好Q彈，桂花糕都唔會話太硬啱啱好，仲好香，涼粉就不過不失啦，咁因為佢都驚太苦所以有落糖漿。整體份量來講都算幾多嘅之後仲叫咗椰汁涼粉西米露西米露就冇乜特別啦，不過椰汁就好似太多，雖然唔算好甜，最後都係成碗飲晒。可能因為係新開啦，裝修都比較新淨，同埋甜品擺盤都比較日式，適合打卡傾計。值得一讚嘅係上菜速度都非常快，店員好有禮貌。如果有其他甜品嘅話會再嚟試😙